ୟୁଏଇ ଗସ୍ତରେ ପ୍ରଧାନମନ୍ତ୍ରୀ, ଆସନ୍ତାକାଲି ଆବୁଧାବିରେ ହିନ୍ଦୁ ମନ୍ଦିରର କରିବେ ଉଦଘାଟନ

PM Modi UAE Visit: ୟୁଏଇ ଓ କାତାର ଗସ୍ତରେ ବାହାରିଲେ ମୋଦି । ଆସନ୍ତାକାଲି ଆବୁଧାବିରେ ହିନ୍ଦୁ ମନ୍ଦିରର କରିବେ ଉଦଘାଟନ । ଅଧିକ ପଢନ୍ତୁ

ନୂଆଦିଲ୍ଲୀ: ଦୁଇ ଦିନିଆ ୟୁଏଇ ଓ କାତାର ଗସ୍ତରେ ବାହାରିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୟୁଏଇରେ ପହଞ୍ଚିବା ପରେ ଆସନ୍ତାକାଲି (ବୁଧବାର) ଆବୁଧାବିରେ ପ୍ରଥମ ହିନ୍ଦୁ ମନ୍ଦିରର ଉଦଘାଟନ କରିବେ ମୋଦି । ଏନେଇ ପ୍ରଧାନମନ୍ତ୍ରୀ ଟ୍ବିଟ କରି ସୂଚନା ଦେବା ସହ ସେଠାରେ ରାଷ୍ଟ୍ରମୁଖ୍ୟ ଶେଖ ମହମ୍ମଦ ବିନ୍ ଜାଏଦ ଅଲ୍ ନାହ୍ୟାନଙ୍କୁ ଭେଟିବାକୁ ଉତ୍ସାହି ବୋଲି କହିଛନ୍ତି ।

• #WATCH | Prime Minister Narendra Modi departs for the United Arab Emirates (UAE).
  
  This is PM Modi's seventh visit to the UAE since 2015 and the third in the last eight months. pic.twitter.com/olF2ssYegM

  — ANI (@ANI) February 13, 2024

ପ୍ରଧାନମନ୍ତ୍ରୀ ଟ୍ବିଟ କରି କହିଛନ୍ତି , "ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବା ପାଇଁ ମୁଁ 2 ଦିନିଆ ୟୁଏଇ ଓ କାତାର ଗସ୍ତରେ ଯାଉଛି । ଏହି ଗସ୍ତ ସମୟରେ ଦୁଇ ଦେଶ ସହ ଭାରତର ଦ୍ୱିପାକ୍ଷିକ ସମ୍ପର୍କକୁ ମଜଭୁତ କରିବ । ସପ୍ତମ ଥର ପାଇଁ ଯୁଏଇ ଗସ୍ତ କରୁଛି । ଭାରତ-ୟୁଏଇ ବନ୍ଧୁତାକୁ ଆମେ ପ୍ରାଥମିକତା ଦେଉଛୁ । ମୋ ଭାଇ ଶେଖ ମହମ୍ମଦ ବିନ୍ ଜାଏଦ ଅଲ୍ ନାହ୍ୟାନଙ୍କୁ ଭେଟିବାକୁ ମୁଁ ଉତ୍ସାହିତ ଅଛି । ୟୁଏଇରେ ପ୍ରଥମ ହିନ୍ଦୁ ମନ୍ଦିର ଉଦଘାଟନ କରିବାର ମୁଁ ସୌଭାଗ୍ୟ ପ୍ରାପ୍ତି ହେବି। ଆବୁଧାବିରେ ଭାରତୀୟ ସମୁଦାୟକୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । "

ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ଏକ୍ସରେ ଟ୍ବିଟ କରି କହିଛନ୍ତି, ୟୁଏଇ ଗସ୍ତରେ ବାହାରିଛନ୍ତି ପ୍ରଧାନମନ୍ତ୍ରୀ ମୋଦି । ସେଠାରେ ରହୁଥିବା ଭାରତୀୟମାନଙ୍କୁ ମୋଦି ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । ହିନ୍ଦୁ ମନ୍ଦିରର ମଧ୍ୟ ଉଦଘାଟନ କରିବେ ପ୍ରଧାନମନ୍ତ୍ରୀ । ସେହିପରି ଦୁବାଇରେ ଆୟୋଜିତ ହେବାକୁ ଥିବା World Gov Summitରେ ମୁଖ୍ୟ ଅତିଥି ଭାବେ ସାମିଲ ହେବେ । ଏହି ଗସ୍ତ ସମୟରେ ୟୁଏଇର ରାଷ୍ଟ୍ରପତିଙ୍କ ସମେତ ଉପରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ପ୍ରତିରକ୍ଷା ମନ୍ତ୍ରୀଙ୍କୁ ଭେଟିବେ ମୋଦି ।

ୟୁଏଇରେ ହିନ୍ଦୁ ମନ୍ଦିର: ରାଜଧାନୀ ଆବୁଧାବୀରେ ପ୍ରଥମ ବିପିଏସ ହିନ୍ଦୁ ମନ୍ଦିର ନିର୍ମାଣ କରାଯାଇଛି । ଏହି ମନ୍ଦିର ପ୍ରାୟ ୨୦ ହଜାର ବର୍ଗ ମିଟର ସ୍ଥାନରେ ନିର୍ମାଣ ହୋଇଛି । ମୁସଲିମ ଦେଶରେ ପୂଜା ପାଇବେ ଜଗତରନାଥ ଜଗନ୍ନାଥ । ବିଶ୍ବନିୟନ୍ତାଙ୍କୁ ୟୁଏଇରେ ବି ଦର୍ଶନ କରିପାରିବେ ବିଶ୍ବବାସୀ । ନିର୍ମାଣ ହେଉଛି ବିପିଏସ ହିନ୍ଦୁ ମନ୍ଦିର । ଏହି ମନ୍ଦିରରେ ହିନ୍ଦୁ ଧର୍ମର ସମସ୍ତ ଦେବାଦେବୀଙ୍କ ମୂର୍ତ୍ତି ପୂଜା ପାଇବ । ପୂରା ରୀତିନୀତି ସହ ହେବେ ପୂଜାର୍ଚ୍ଚନା । ମନ୍ଦିର ନିର୍ମାଣରେ ବଡ଼ ଭୂମିକା ତୁଳାଇଛନ୍ତି ଓଡିଆ କାରିଗର । ମନ୍ଦିର କାନ୍ଥରେ ଖୋଦିତ ହୋଇଛି କଳିଙ୍ଗର କଳା ସଂସ୍କୃତି ଓ ଐତିହ୍ୟ । ବୁଧବାର ବିଏପିଏସକୁ ପ୍ରଧାନମନ୍ତ୍ରୀ ଉଦଘାଟନ କରିବେ । ମାର୍ଚ୍ଚ 1ରେ ଏହା ସର୍ବସାଧାରଣ ଦର୍ଶନ ଲାଗି ଖୋଲାଯିବ ।