ସୋସିଆଲ୍ ମିଡିଆ ଏକ୍ସ’ରେ ମୋଦିଙ୍କ ଫଲୋର୍ସ 100 ମିଲିୟନ୍; ବିଶ୍ୱର ପ୍ରଥମ ରାଷ୍ଟ୍ରନେତା, ବହୁ ପଛରେ ରାହୁଲ ଏବଂ କୋହଲି - PM Modi 100 million followers on X

PM Modi Touches 100 Million Followers On X: ସୋସିଆଲ ମିଡିଆ ଏକ୍ସ’ରେ ମୋଦିଙ୍କ ବର୍ତ୍ତମାନ ଫଲୋର୍ସ ସଂଖ୍ୟା ପହଞ୍ଚିଛି 100 ମିଲିୟନ। ପ୍ରଧାନମନ୍ତ୍ରୀ ମୋଦି ମଧ୍ୟ ଅନ୍ୟ ସୋସିଆଲ ମିଡିଆରେ ଆକ୍ଟିଭ୍ ଅଛନ୍ତି । ୟୁଟ୍ୟୁବରେ ମୋଦିଙ୍କ ଫଲୋର୍ସ ସଂଖ୍ୟା 25 ମିଲିୟନ ରହିଥିବା ବେଳେ ଇନଷ୍ଟାଗ୍ରାମରେ ରହିଛନ୍ତି 91 ମିଲିୟନ ଫଲୋର୍ସ । ଅଧିକ ପଢନ୍ତୁ

ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଉ ଏକ ବିଶ୍ବ ରେକର୍ଡ । ତୃତୀୟ ଥର କ୍ଷମତାକୁ ଆସିବାର ମାସକ ପରେ ଆଉ ଏକ ବଡ ଉପଲବ୍ଧି । ତେବେ ଯଦିଓ ବିଜେପି ଏକକୀ ସରକାର ଗଠନରେ ବିଫଳ ହୋଇଛି ଏବଂ ଏନଡିଏ ମେଣ୍ଟରେ ସରକାର ଗଠନ କରିଛି, ତଥାପି କମିନି ମୋଦଙ୍କ ଲୋକପ୍ରିୟତା । ସେ ପୁଣି ଥରେ ସାରା ବିଶ୍ବରେ ସର୍ବାଧିକ ଲୋକପ୍ରିୟ ନେତା ଭାବେ ନିଜକୁ ପ୍ରମାଣିତ କରିଛନ୍ତି । ବିଶେଷ କରି ସାମାଜିକ ଗଣମାଧ୍ୟମରେ ମୋଦିଙ୍କ ନିକଟରତର ମଧ୍ୟ ନୁହଁନ୍ତି ବିଶ୍ବର ଅନେକ ଶକ୍ତିଶାଳୀ ଦେଶର ରଷ୍ଟ୍ରମୁଖ୍ୟ ।

A hundred million on @X!

Happy to be on this vibrant medium and cherish the discussion, debate, insights, people’s blessings, constructive criticism and more.

Looking forward to an equally engaging time in the future as well. pic.twitter.com/Gcl16wsSM5

— Narendra Modi (@narendramodi) July 14, 2024

ରବିବାର ମୋଦି ଏକ ବିଶେଷ ମାଇଲଷ୍ଟୋନ ହାସଲ କରିଛନ୍ତି । ସୋସିଆଲ ମିଡିଆ ଏକ୍ସ’ରେ ମୋଦିଙ୍କ ବର୍ତ୍ତମାନ ଫଲୋର୍ସ ସଂଖ୍ୟା ପହଞ୍ଚିଛି 100 ମିଲିୟନରେ । ଅର୍ଥାତ୍ 10 କୋଟି । ଏହି ପ୍ଲାଟଫର୍ମରେ 100 ନିୟୁତ ଫଲୋର୍ସ ଲିଷ୍ଟରେ ସବୁଠୁ ଆଗରେ ରହିଛନ୍ତି ମୋଦି । ମୋଦିଙ୍କ କାହିଁ କେତେ ପଛରେ ବଡ ବଡ ସେଲିବ୍ରେଟି ଏବଂ ରାଷ୍ଟ୍ରନେତା । ତେବେ ମୋଦିଙ୍କ ଆଗରେ ଏକ୍ସରେ କେବଳ ରହିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ।

ତେବେ ଭାରତରେ ମୋଦିଙ୍କ ପଛରେ ରହିଛନ୍ତି ଅନେକ ରାଜନୀତି । ରାହୁଲ ଗାନ୍ଧୀ (26.4 ମିଲିୟନ), ଅରବିନ୍ଦ କେଜ୍ରିଓ୍ବାଲ (27.5 ମିଲିୟନ), ଅଖିଳେଶ ଯାଦବ (19.9 ମିଲିୟନ), ମମତା ବାନାର୍ଜୀ (7.4 ମିଲିୟନ)ଙ୍କ ଫଲୋର୍ସ ରହିଛନ୍ତି ।

ଏହା ସହିତ ବିଶ୍ବର ଲୋକପ୍ରିୟ କ୍ରୀଡାବିତଙ୍କ ବହୁ ଆଗରେ ମଧ୍ୟ ମୋଦି ରହିଛନ୍ତି । ଯଥା- ବିରାଟ କୋହଲି (64.1 ମିଲିୟନ), ଫୁଟବଲ ଷ୍ଟାର ନେମାର, (63.6 ମିଲିୟନ)ଙ୍କ ଫଲୋର୍ସ ରହିଛନ୍ତି ।

ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ ସେୟାର କରି ମୋଦି ଲେଖିଛନ୍ତି, "ଏକ୍ସରେ 100 ମିଲିୟନ ! ଏହି ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମରେ ନିଜକୁ ସାମିଲ କରିଥିବାରୁ ଅତ୍ୟନ୍ତ ଖୁସି ଏବଂ ଏଥରେ ବିଭିନ୍ନ ପ୍ରସଙ୍ଗରେ ନିଜର ମତ, ଅନେକଙ୍କ ଆଲୋଚନା କରିଛି । ଏଥରେ ଲୋକଙ୍କ ଭଲପାଇବା, ଗଠନ ମୂଳକ ସମାଲୋଚନା ପାଇଛି । ଆଗକୁ ମଧ୍ୟ ଏହା ଆଶା ରଖୁଛି," ବୋଲି ଲେଖଛନ୍ତି ମୋଦି ।

ଏପଟେ ଶେଷ 3 ବର୍ଷରେ ମୋଦିଙ୍କ ଫଲୋର୍ସ ସଂଖ୍ୟା 30 ମିଲିୟନ ବଢିଛି । ତେବେ ପ୍ରଧାନମନ୍ତ୍ରୀ ମୋଦି ମଧ୍ୟ ଅନ୍ୟ ସୋସିଆଲ ମିଡିଆରେ ଆକ୍ଟିଭ୍ ଅଛନ୍ତି । ୟୁଟ୍ୟୁବରେ ମୋଦିଙ୍କ ଫଲୋର୍ସ ସଂଖ୍ୟା 25 ମିଲିୟନ ରହିଥିବା ବେଳେ ଇନଷ୍ଟାଗ୍ରାମରେ ରହିଛନ୍ତି 91 ମିଲିୟନ ଫଲୋର୍ସ ।