ନୂଆଦିଲ୍ଲୀ: ଘୋଷଣା ହେଲା ନିଟ୍ ପିଜି (NEET-PG) ୨୦୨୪ ପରୀକ୍ଷା ପାଇଁ ନୂଆ ତାରିଖ । ଆସନ୍ତା ଅଗଷ୍ଟ ୧୧ ତାରିଖ ହେବ ପରୀକ୍ଷା । ଦୁଇଟି ସିଫ୍ଟିରେ ପରୀକ୍ଷା କରାଯିବ । ଆଜି (ଶୁକ୍ରବାର) ନ୍ୟାସନାଲ ବୋର୍ଡ ଅଫ ଏକ୍ଜାମିନେସନ୍ସ ଇନ୍ ମେଡିକାଲ ସାଇନ୍ସ (NBEMS) ପକ୍ଷରୁ ଏନେଇ ଘୋଷଣା କରାଯାଇଛି । ନିଟ୍ ପ୍ରଶ୍ନପତ୍ର ଲିକ୍ ବିବାଦ ଯୋଗୁଁ ଏହି ପରୀକ୍ଷାକୁ ସ୍ଥଗିତ ରଖାଯାଇଥିଲା ।
ନୋଟିସ୍ରେ କୁହାଯାଇଛି, ''ନିଟ୍-ପିଜି ୨୦୨୪ ପରୀକ୍ଷା ତାରିଖ ପୁନଃନିର୍ଦ୍ଧାରିତ ହୋଇଛି । ନିଟ୍-ପିଜି ୨୦୨୪ ଏବେ ଅଗଷ୍ଟ ୧୧ ତାରିଖ ଦିନ ଅନୁଷ୍ଠିତ ହେବ । ଦୁଇଟି ସିଫ୍ଟିରେ ପରୀକ୍ଷା ଆୟୋଜିତ କରାଯିବ ।''
ଏଠାରେ ଉଲ୍ଲେଖଯୋଗ୍ୟ, ପୋଷ୍ଟଗ୍ରାଜୁଏଟ ମେଡିକାଲ ପାଠ୍ୟକ୍ରମ ପାଇଁ ପୂର୍ବରୁ ଜୁନ ୨୨ ତାରିଖରେ ନିଟ୍ ପିଜି ପରୀକ୍ଷା ଅନୁଷ୍ଠିତ ହେବାର ଥିଲା । ହେଲେ ନିଟ୍ ୟୁଜି (NEET-UG) ପରୀକ୍ଷା ପ୍ରଶ୍ନପତ୍ର ଲିକ୍ ଅଭିଯୋଗ ପରେ କେନ୍ଦ୍ର ସରକାର ନିଟ୍ ପିଜି ପରୀକ୍ଷାର ମାତ୍ର ୧୨ ଘଣ୍ଟା ପୂର୍ବରୁ ଏହାକୁ ସ୍ଥଗିତ ରଖି ଦେଇଥିଲେ । ସେତେବେଳେ ପରବର୍ତ୍ତୀ ସମୟରେ ତାରିଖ ସୂଚୀ ଘୋଷଣା କରାଯିବ ବୋଲି ସରକାର କହିଥିଲେ ।
NEET PG exams to be conducted on August 11 in two shifts
— ANI Digital (@ani_digital) July 5, 2024
Read @ANI Story | https://t.co/HNzzVBV0fF#NEET #medicalcolleges #NBEMS pic.twitter.com/THTnsX3ywY
ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା, ଗତ କିଛି ଦିନ ମଧ୍ୟରେ ହୋଇଥିବା ପରୀକ୍ଷାରେ ସ୍ବଚ୍ଛତାକୁ ନେଇ କିଛି ପରୀକ୍ଷାର୍ଥୀ ଅଭିଯୋଗ କରିଥିବା ବେଳେ ଏହାକୁ ଧ୍ୟାନରେ ରଖି ଡାକ୍ତରୀ ଛାତ୍ରଛାତ୍ରୀଙ୍କ ପାଇଁ ନିଟ୍ ପିଜି ପ୍ରବେଶିକା ପରୀକ୍ଷା ପ୍ରକ୍ରିୟାକୁ ସ୍ଥଗିତ ରଖାଯାଉଛି । ଏବେ ନୂଆ ତାରିଖ ଘୋଷଣା କରିଛି NBEMS ।
ଏହା ମଧ୍ୟ ପଢନ୍ତୁ: NEET ପରୀକ୍ଷାରେ ଅନିୟମିତତା ମାମଲା; ଛାତ୍ର କଂଗ୍ରେସର ବିକ୍ଷୋଭ - Student Congress Protest
ସେପଟେ ଏହି ନିଟ୍ ଅନିୟମିତତା ନେଇ ପରୀକ୍ଷା ପରିଚାଳନା କରୁଥିବା ନ୍ୟାସନାଲ ଟେଷ୍ଟିଂ ଏଜେନ୍ସିକୁ (NTA) ବହୁ ସମାଲୋଚନାର ସାମ୍ନା କରିବାକୁ ପଡିଥିଲା । ଏହା ବିରୋଧରେ ଦେଶବ୍ୟାପୀ ଛାତ୍ରଛାତ୍ରୀ ଏବଂ ବିଭିନ୍ନ ରାଜନୈତିକ ଦଳ ଆନ୍ଦୋଳନ କରିଥିଲେ । ଏହି ପ୍ରଶ୍ନପତ୍ର ଲିକ୍ ଘଟଣା ନେଇ ସୁପ୍ରିମକୋର୍ଟରେ ମଧ୍ୟ ଅନେକ ଗୁଡିଏ ଆବେଦନ ଦାୟର ହୋଇଥିବାବେଳେ ଆସନ୍ତା ଜୁଲାଇ ୮ ତାରିଖରେ ଏହାର ଶୁଣିବ ହେବ ।
