ହାଇଦ୍ରାବାଦ: ପ୍ରତ୍ୟେକ ବିଦେଶ ଗସ୍ତରେ କିଛି କାର୍ଯ୍ୟକ୍ରମରେ ଅଂଶଗ୍ରହଣ କରିବା ଅବସରରେ ରାହୁଲ ଗାନ୍ଧୀ ନିଜ ମନ୍ତବ୍ୟକୁ ନେଇ ଚର୍ଚ୍ଚା ଓ ବିବାଦକୁ ଆସିଛନ୍ତି । ରାହୁଲଙ୍କ ବିଦେଶରେ ମନ୍ତବ୍ୟକୁ ନେଇ ଦେଶରେ ରାଜନୀତି ମଧ୍ୟ ତେଜେ । ତେବେ ଚଳିତ ସାଧାରଣ ନିର୍ବାଚନ ପରେ ବିରୋଧୀ ଦଳ ନେତା ହୋଇଥିବା ରାହୁଲ ଗାନ୍ଧୀ ନିଜ ପ୍ରଥମ ବିଦେଶ ଗସ୍ତରେ ସେହିପରି କିଛି ବିତର୍କିତ ମନ୍ତବ୍ୟ ଦେଇଛନ୍ତି । ଏବେ ଆମେରିକା ଗସ୍ତରେ ଥିବା ରାହୁଲ ଆଜି ଏକ କାର୍ଯ୍ୟକ୍ରମରେ ଅଂଶଗ୍ରହଣ କରି କହିଛନ୍ତି, ଭାରତୀୟ ରାଜନୀତିରେ ପ୍ରେମ, ସମ୍ମାନ ଓ ମାନବିକତାର ଅଭାବ ରହିଛି । ସେ ଏହାକୁ ବିସ୍ତାର କରିବା କାମ ଜାରି ରଖିଛନ୍ତି ।
#WATCH | Texas, USA: Lok Sabha LoP and Congress MP Rahul Gandhi says, " the rss believes that india is one idea and we believe that india is a multiplicity of ideas. we believe that everybody should be allowed to participate, allowed to dream, and should be given space regardless… pic.twitter.com/uHULrGwa6X
— ANI (@ANI) September 9, 2024
- RSS କୁ ଟାର୍ଗେଟ
ଆଜି ଆମେରିକାର ଟେକ୍ସାସରେ ପ୍ରବାସୀ ଭାରତୀୟଙ୍କୁ ସମ୍ବୋଧନ କାର୍ଯ୍ୟକ୍ରମରେ ରାହୁଲ ଗାନ୍ଧୀ ଭାରତୀୟ ରାଜନୀତିର ସାମ୍ପ୍ରତିକ ସ୍ଥିତି କଥା ଉଠାଇଛନ୍ତି । ସେ ସ୍ବଂୟ ସେବକ ସଂଘ (ଆରଏସଏସ)କୁ ସମାଲୋଚନା କରିଛନ୍ତି । କହିଛନ୍ତି, ‘‘ଭାରତରେ ଗୋଟିଏ ବିଚାରଧାରା ହେବ ବୋଲି ସଂଘ ବିଶ୍ବାସ କରେ, ମାତ୍ର ତାହା ସମ୍ଭବ ନୁହେଁ । ଆମେ ବହୁ ବିଚାରଧାରାରେ ବିଶ୍ବାସ କରୁ । ସମସ୍ତେ ନିଜ ବିଚାରଧାରା ଅନୁପାଳନ କରିବା ପାଇଁ ଅଧିକାର ପାଇବା ଉଚିତ । ଜାତି ଧର୍ମ, ବର୍ଣ୍ଣ, ଭାଷା ପରମ୍ପରା ଓ ଇତିହାସ ପରେ ମଧ୍ୟ ସମସ୍ତଙ୍କୁ ସେମାନଙ୍କ ବିଚାରଧାରା ବଜାୟ ରଖିବା ପାଇଁ ଅନୁମତି ମିଳିବାର ଆବଶ୍ୟକତା ଅଛି ।’’
- ଭାରତୀୟ ରାଜନୀତିରେ ପ୍ରେମ ଓ ସମ୍ମାନର ଅଭାବ:-
#WATCH | Dallas, Texas, USA: Lok Sabha LoP and Congress MP Rahul Gandhi says, " the west has an employment problem. india has an employment problem... but many countries in the world don't have an employment problem. china certainly doesn't have an employment problem. vietnam… pic.twitter.com/n0XrpbE6LK
— ANI (@ANI) September 8, 2024
ରାହୁଲ କହିଛନ୍ତି, ଭାରତୀୟ ରାଜନୀତି ଓ ରାଜନୈତିକ ଦଳଗୁଡିକ ମଧ୍ୟରେ ଏବେ ପ୍ରେମ, ସମ୍ମାନ ଓ ମାନବିକତାର ଅଭାବ ଅନୁଭବ ହେଉଛି । କେବଳ ନିର୍ଦ୍ଦିଷ୍ଚ ଧର୍ମର ଲୋକଙ୍କୁ ନୁହେଁ ବରଂ ଦେଶର ସମସ୍ତ ନାଗରିକଙ୍କୁ ସମ୍ମାନ ଦେବାକୁ ହେବ । ଭାରତ ନିର୍ମାଣରେ ଭୂମିକା ଥିବା ସମସ୍ତଙ୍କୁ ସମ୍ମାନ ଦେବାକୁ ହେବ, କେବଳ ନିର୍ଦ୍ଦିଷ୍ଟ ବିତ୍ତଶାଳୀ ବ୍ୟକ୍ତିଙ୍କୁ ନୁହେଁ । ଏହି ପ୍ରେମ ଓ ମାନବିକତା ବିସ୍ତାର କରିବା ଦିଗରେ ସେ କାର୍ଯ୍ୟ ଜାରି ରଖିଛନ୍ତି ।
- ନିର୍ବାଚନ ସ୍ପଷ୍ଟ କରିଦେଲା ମୋଦିଙ୍କୁ କେହି ଡରନ୍ତି ନାହିଁ :-
ଚଳିତ ସାଧାରଣ ନିର୍ବାଚନର କଥା ମଧ୍ୟ ରାହୁଲ ତାଙ୍କ ସମ୍ବୋଧନରେ ସ୍ଥାନ ଦେଇଛନ୍ତି । କହିଛନ୍ତି, ନିର୍ବାଚନ ଫଳାଫଳ ସ୍ପଷ୍ଟ କରିଦେଲା ଯେ, ପ୍ରଧାନମନ୍ତ୍ରୀଙ୍କ ଭାରତୀୟ ଜନତା ପାର୍ଟିକୁ ଦେଶରେ କେହି ଭୟ କରନ୍ତି ନାହିଁ । ଗଣତନ୍ତ୍ରକୁ ହୃଦୟଙ୍ଗମ କରିଥିବା ଭାରତବାସୀଙ୍କ ପାଇଁ ଏହା ହେଉଛି ବୃହତ ସଫଳତା । ସମ୍ବିଧାନ ଉପରେ ଆକ୍ରମଣକୁ ଯେଉଁମାନେ ଗ୍ରହଣ କରିବାକୁ ପ୍ରସ୍ତୁତ ନଥିଲେ ସେମାନେ ବିଜେପି ବିରୋଧରେ ଏହି ଭୋଟ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
