ପଦଯାତ୍ରା ବେଳେ କେଜ୍ରିୱାଲଙ୍କୁ ଆକ୍ରମଣ, ବିଜେପିକୁ ଦୋଷ ଦେଲା ଆପ୍‌

ପଦଯାତ୍ରା ବେଳେ କେଜ୍ରିୱାଲଙ୍କୁ ଆକ୍ରମଣ । ତରଳ ପଦାର୍ଥ ଫୋପାଡିଲା ଦୁର୍ବୃତ୍ତ । ବିଜେପିକୁ ଦାୟୀ କଲା ଦଳ ।

ନୂଆଦିଲ୍ଲୀ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରକୁ ଆକ୍ରମଣ । ପଦଯାତ୍ରା ବେଳେ ତରଳ ପଦାର୍ଥ ପକାଇଛି ଦୁର୍ବୃତ୍ତ । ଦିଲ୍ଲୀର ଗ୍ରେଟର କୈଳାଶ ଅଞ୍ଚଳରେ କେଜ୍ରିୱାଲ ପଦଯାତ୍ରା କରୁଥିବା ବେଳେ ଆକ୍ରମଣର ଶିକାର ହୋଇଛନ୍ତି । ତରଳ ପଦାର୍ଥ ଫିଙ୍ଗିଥିବା ଯୁବକକୁ ଧରି ପକାଇଥିଲେ ସୁରକ୍ଷାକର୍ମଚାରୀ । ଏହା ପ୍ରଥମ ନୁହେଁ ପୂର୍ବରୁ ବି ଆକ୍ରମଣର ଶିକାର ହୋଇଛନ୍ତି ଅରବିନ୍ଦ କେଜ୍ରିୱାଲ । ଏହାକୁ ନେଇ ବିଜେପିକୁ ଦୋଷ ଦେଇଛି ଆପ ।

#WATCH | A person tried to throw a liquid on former Delhi CM and AAP National Convenor Arvind Kejriwal during his padyatra in Delhi's Greater Kailash area.

The person was later held by his security staff. pic.twitter.com/9c9MhzLEzj

— ANI (@ANI) November 30, 2024

ପଦଯାତ୍ରା ବେଳେ ଆକ୍ରମଣ:

ଆଗକୁ ଦିଲ୍ଲୀରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହାକୁ ଦୃଷ୍ଟିରେ ରଖି ଆମ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ଗ୍ରେଟର କୈଳାଶ ଅଞ୍ଚଳରେ ପଦଯାତ୍ରା କରୁଥିଲେ । ପଦଯାତ୍ରା ବେଳେ ଭିଡ଼ରୁ ଜଣେ ବ୍ୟକ୍ତି ତାଙ୍କ ଉପରେ ତରଳ ପଦାର୍ଥ ଫୋପାଡି ଥିଲା । ଏହାପରେ ସଙ୍ଗେ ସଙ୍ଗେ ସୁରକ୍ଷାକର୍ମୀ ଉକ୍ତ ବ୍ୟକ୍ତିକୁ ଧରି ପକାଇଥିଲେ । ନିସ୍ତୁକ ମାଡ ମଧ୍ୟ ମାରିଥିଲେ ।

କେଜ୍ରିୱାଲଙ୍କ ଆକ୍ରମଣକୁ ନେଇ କଣ କହିଲେ ମୁଖ୍ୟମନ୍ତ୍ରୀ ଆତିଶୀ ?

#WATCH | On the attack on former Delhi CM and AAP Convener Arvind Kejriwal, Delhi Minister Saurabh Bharadwaj says, " bjp leaders carry our rallies in all states, they are never attacked... there are continuous attacks on arvind kejriwal... bjp attacked him in nangloi. he was… https://t.co/c1eOFtGczL pic.twitter.com/ZZdKUyY9uT

— ANI (@ANI) November 30, 2024

କେଜ୍ରିୱାଲଙ୍କ ଉପରକୁ ଆକ୍ରମଣ ନେଇ ବିଜେପିକୁ ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ ଆତିଶୀ । ଆତିଶୀ କହିଛନ୍ତି, ‘ ବିଜେପିର କାର୍ଯ୍ୟକର୍ତ୍ତା ହିଁ କେଜ୍ରିୱାଲଙ୍କ ଉପରେ ଆକ୍ରମଣ କରିଛନ୍ତି । ଦିଲ୍ଲୀ ନିର୍ବାଚନରେ ତୃତୀୟ ଥର ପାଇଁ ବିଜେପି ହାରିବାକୁ ଯାଉଥିବାରୁ ବିଜେପି ବିଚଳିତ ଥିବା ଦେଖିବାକୁ ମିଳିଛି । ଦିଲ୍ଲୀର ଜନତା ବିଜେପି କାର୍ଯ୍ୟକର୍ତ୍ତାଙ୍କ ଏପରି କାର୍ଯ୍ୟର ପ୍ରତିଶୋଧ ନେବେ । ପୂର୍ବଥର ବିଜେପି 8ଟି ସିଟ୍‌ ପାଇଥିଲା ଏଥର ଜିରୋ ଆସନ ପାଇବ ।

ମନ୍ତ୍ରୀ ସୌରଭ ଭରଦ୍ବାଜ କହିଛନ୍ତି, ‘ବିଜେପି ନେତା ସବୁ ରାଜ୍ୟରେ ରାଲି କରୁଛନ୍ତି ତାଙ୍କ ଉପରେ ଆକ୍ରମଣ ହେଉନାହିଁ । କିନ୍ତୁ ଆମ ନେତା କେଜ୍ରିୱାଲଙ୍କ ଉପରେ ଲଗାତାର ଆକ୍ରମଣ ହେଉଛି । ଦିଲ୍ଲୀର ଆଇନ ଶୃଙ୍ଖଳା ପରିସ୍ଥିତି ଧ୍ବଂସ ହେଲାଣି କେନ୍ଦ୍ର ସରକାର ଓ ଗୃହମନ୍ତ୍ରୀ କିଛି କରିପାରୁନାହାନ୍ତି ।

ପୂର୍ବରୁ କେବେ ଆକ୍ରମଣର ଶିକାର ହୋଇଛନ୍ତି କେଜ୍ରିୱାଲ ?

ଅକ୍ଟୋବର 25:

ଆମ ଆଦମୀ ପାର୍ଟି ଦାବି କରିଛି କି, ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ରାଜଧାନୀ ଦିଲ୍ଲୀରେ ଆକ୍ରମଣ ହୋଇଥିଲା ଯେଉଁଥିରେ ବିଜେପି ଗୁଣ୍ଡାଙ୍କ ଜରିଆରେ କରିଥିଲା ବୋଲି ଆପ ଅଭିଯୋଗ କରିଥିଲା ।

5 ମେ’ 2019:

ଅରବିନ୍ଦ କେଜ୍ରିୱାଲ ମୋତି ନଗରରେ ଏକ ରୋଡ ସୋ’ କରୁଥିବା ବେଳେ ଆକ୍ରମଣର ଶିକାର ହୋଇଥିଲେ । ଆମ ଆଦମୀ ପାର୍ଟିର ଜଣେ ଅସନ୍ତୁଷ୍ଟ କର୍ମୀ ତାଙ୍କୁ ଚାପୁଡା ମାରିଥିଲା । ଏହା ପଛରେ ବିଜେପିର ହାତ ଥିବା ସେ ସମୟରେ ଅଭିଯୋଗ କରିଥିଲା ଆପ୍‌ ।

20 ନଭେମ୍ବର 2018:

ଅନିଲ ଶର୍ମା ନାମକ ଜଣେ ବ୍ୟକ୍ତି ଅରବିନ୍ଦ କେଜ୍ରିୱାଲଙ୍କୁ ଏକ ଚିଠି ଦେଇଥିଲା । ପାଦ ଛୁଇଁବା ପରେ ତାଙ୍କ ମୁହଁରେ ଲଙ୍କାଗୁଣ୍ଡ ବୋଳି ଦେଇଥିଲା । ଏହି ଘଟଣା ଦିଲ୍ଲୀ ସଚିବାଳୟ ଭିତରେ ହୋଇଥିଲା ।

29 ଫେବୃଆରୀ 2016:

ପଞ୍ଜାବର ଲୁଧିଆନାରେ କିଛି ଲୋକ ତାଙ୍କ କାର ଉପରେ ଲୁହା ରଡ ଓ ବାଡିରେ ଆକ୍ରମଣ କରିଥିଲେ ।

17 ଜାନୁଆରୀ 2016:

ଏକ ରାଲିରେ ସମ୍ବୋଧନ କଲାବେଳେ ଜଣେ ମହିଳା ତାଙ୍କ ଉପରେ ଇଙ୍କ୍‌ ପକାଇଥିଲେ ।

ଏହା ମଧ୍ୟ ପଢନ୍ତୁ: