କୋଲକାତା: ବହୁଚର୍ଚ୍ଚିତ ମହିଳା ଡାକ୍ତର ଦୁଷ୍କର୍ମ ଓ ହତ୍ୟା ଘଟଣା। ଏନେଇ ରାଜ୍ୟ ବିଜେପି ପକ୍ଷରୁ ପ୍ରତିବାଦ କରାଯାଇଥିବାବେଳେ ଆଜି କୋଲକାତା ବନ୍ଦ ଡ଼ାକରା ଦିଆଯାଇଛି। ମମତା ସରକାରଙ୍କ ଗଡ଼ରେ ବଡ଼ ଧରଣ ବିକ୍ଷୋଭ କରିଛି ଭାରତୀୟ ଜନତା ପାର୍ଟି। ବିଭିନ୍ନ ସ୍ଥାନରେ ବନ୍ଦର ପ୍ରଭାବ ଦେଖିବାକୁ ମିଳିଛି। କାଁଭାଁ ଗାଡ଼ି ମୋଟର ଚଳାଚଳ କରୁଛି। ବିଜେପି ପକ୍ଷରୁ 12 ଘଣ୍ଟିଆ ପଶ୍ଚିମବଙ୍ଗ ବନ୍ଦ ଡ଼ାକରା ଦିଆଯାଇଥିବାବେଳେ ସଜାଗ ରହିଛି ପୋଲିସ।
#WATCH | RG Kar Medical College and Hospital rape-murder case | Howrah, West Bengal: 12-hour 'Bengal Bandh' called by BJP to protest against the state government
— ANI (@ANI) August 28, 2024
The bandh has been called after the police used lathi charges and tear gas on protestors during Nabanna Abhiyan,… pic.twitter.com/22MmAKJol2
ହେଲମେଟ୍ ପିନ୍ଧି ବସ ଚଳାଇଲେ ଡ୍ରାଇଭର:
ବିଜେପି ପକ୍ଷରୁ ବନ୍ଦ ଡ଼ାକରା ଦିଆଯାଇଥିବାବେଳେ ବସ ଡ୍ରାଇବରମାନେ ନିଜ ସୁରକ୍ଷା ପାଇଁ ହେଲମେଟ୍ ପିନ୍ଧି ଗାଡ଼ି ଚଳାଉଥିବା ଦେଖିବାକୁ ମିଳିଛି।
#WATCH | BJP's 12-hour 'Bengal Bandh': Drivers of North Bengal State Transport Corporation (NBSTC) buses seen wearing helmets, in Uttar Dinajpur
— ANI (@ANI) August 28, 2024
A bus diver says, " we are wearing the helmet as bandh has been called today...the government has ordered us to wear the helmets for… pic.twitter.com/TgEPJyD5zb
'ମହିଳାଙ୍କୁ ନ୍ୟାୟ ଦେବାକୁ ରାଜ୍ୟ ସରକାର ଅସମର୍ଥ'
ବିଜେପି ନେତ୍ରୀ ଅଗ୍ନିମିତ୍ରା ପାଲ କହିଛନ୍ତି, "ମହିଳାଙ୍କୁ ନ୍ୟାୟ ପ୍ରଦାନ କରିବାକୁ ରାଜ୍ୟ ସରକାର ଅସମର୍ଥ। ପୋଲିସ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଅବମାନନା କରିଛି। ଯାହାକୁ ଆମେ ତୀବ୍ର ବିରୋଧ କରୁଛୁ।"
#WATCH | Kolkata, West Bengal: BJP leader Agnimitra Paul says, " they are going around with a disgusting attitude. they have all become spineless. police have invalidated the orders of the supreme court... they used water canons mixed with chemicals on the protestors... they are… https://t.co/MP0SU69Wwc pic.twitter.com/Dkhj7g5e2Y
— ANI (@ANI) August 28, 2024
'ଆମେ ଅଛୁ ମମତାଙ୍କ ସହ'
ଏହି ଆନ୍ଦୋଳନକୁ ନେଇ TMC ନେତା କହିଛନ୍ତି, "ଗରିବ ଲୋକଙ୍କୁ ହଇରାଣ କରିବାକୁ ଚାହୁଁଛନ୍ତି। ପଶ୍ଚିମବଙ୍ଗରେ ଡକାୟତି କରାଯାଉଛି। ହେଲେ ଆମେ ସାଧାରଣ ଜନତା ମମତା ବାନାର୍ଜୀଙ୍କ ସହ ଅଛୁ।"
#WATCH | TMC leader Narayan Ghosh says, " ...they want to make poor people suffer. they have come to west bengal to do dacoity. common and poor people are with mamata banerjee. west bengal can't be stopped by doing such things." pic.twitter.com/YU4sjOl9tp
— ANI (@ANI) August 28, 2024
ନବାନ୍ନ ଘେରାଉ:
ଗତକାଲି (ମଙ୍ଗଳବାର) ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅଫିସ ଘେରାଉ କରିଥିଲେ ହଜାର ହଜାର ଛାତ୍ରଛାତ୍ରୀ। ଏହି ବିକ୍ଷୋଭକୁ ସେମାନେ 'ନବାନ୍ନ ଘେରାଉ' ନାଁ ଦେଇଛନ୍ତି।
'ଜଷ୍ଟିସ ଫର୍ ଅଭୟା'
ହାତରେ ପ୍ଲାକାର୍ଡ ଧରି 'ଜଷ୍ଟିସ ଫର୍ ଅଭୟା' ନାରା ଦେଇ ରାଜରାସ୍ତାକୁ ଓହ୍ଲାଇଥିଲେ ହଜାର ହଜାର ଛାତ୍ରଛାତ୍ରୀ। ନ୍ୟାୟ ପାଇଁ ସରକାରଙ୍କୁ ପ୍ରଶ୍ନ କରିଥିଲେ ଆନ୍ଦୋଳନକାରୀ।
କୋଲକାତାରେ କର୍ଫ୍ୟୁ:
କୋଲକାତାରେ ଛାତ୍ର ସଂଗଠନର ଆକ୍ରୋଶ ରାଲି ଦେଖିବାକୁ ମିଳିଥିଲା। ସ୍ଥିତି ଉତ୍ତେଜନାପୂର୍ଣ୍ଣ ହେବାରୁ ଏହାକୁ ନିୟନ୍ତ୍ରଣ କରିବାକୁ କର୍ଫ୍ୟୁ ଜାରି ହେବା ସହ ଦୋକାନବଜାର ଆଦି ବନ୍ଦ କରିଦିଆଯାଇଥିଲା।
ଆନ୍ଦୋଳନକାରୀଙ୍କ ଉପରେ ଲାଠି ଚାର୍ଜ:
ବିକ୍ଷୋଭ ସମୟରେ ଛାତ୍ରଛାତ୍ରୀମାନେ ବ୍ୟାରିକେଡ୍ ଡେଇଁ ମୁଖ୍ୟମନ୍ତ୍ରୀଙ୍କ ଅଫିସ ଭିତରକୁ ଧସେଇ ପଶିବାକୁ ଚେଷ୍ଟା କରିଥିଲେ। ପୋଲିସ ସେମାନଙ୍କୁ ଅଟକାଇବା ପାଇଁ ଚେଷ୍ଟା କରୁଥିବାବେଳେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା। ଫଳରେ ପୋଲିସ ଲାଠିଚାର୍ଜ ସହ ପାଣି ମାଡ଼ ଓ ଲୁହବୁହା ଗ୍ୟାସ ପ୍ରୟୋଗ କରିଥିଲା। ସେପଟେ ପୋଲିସର ଏହି କାର୍ଯ୍ୟାନୁଷ୍ଠାନକୁ ପ୍ରତିବାଦ କରିଛି ରାଜ୍ୟ ବିଜେପି।
କ'ଣ ଥିଲା ସେଦିନ ରାତିର ଘଟଣା?
ସୂଚନାନୁସାରେ, ପୀଡିତା ଏବଂ ଦୁଇଜଣ ପ୍ରଥମ ବର୍ଷର ସ୍ନାତକୋତ୍ତର ଟ୍ରେନି ଡାକ୍ତର ପ୍ରାୟ ମଧ୍ୟରାତ୍ରିରେ ଏକାଠୀ ରାତ୍ରୀଭୋଜନ କରିଥିଲେ । ତା’ପରେ ସେମାନେ ସେମିନାର ରୁମକୁ ଯାଇ କିଛି ସମୟ ବିଶ୍ରାମ କରିଥିଲେ । ସେଠାରେ ସେମାନେ ଅଲିମ୍ପିକ୍ସରେ ନୀରଜ ଚୋପ୍ରାଙ୍କ ଜାଭେଲିନ୍ ଇଭେଣ୍ଟ ଦେଖିଥିଲେ । ରାତି ପ୍ରାୟ 2ଟା ସମୟରେ ଦୁଇ ସହକର୍ମୀ ସେମିନାର ହଲରୁ ଶୟନ କୋଠରୀକୁ ଯାଇଥିଲେ । ସେଠାରେ ସେମାନେ ଡ୍ୟୁଟିରେ ଥିବା ଡାକ୍ତରମାନଙ୍କ ବିଶ୍ରାମ ପାଇଁ ଥିବା ପ୍ରକୋଷ୍ଠରେ ବିଶ୍ରାମ କରିଥିଲେ । କିନ୍ତୁ ପୀଡିତା ସେମିନାର ରୁମରେ ରହିଥିଲେ ।
ସକାଳୁ ମିଳିଥିଲାଲା କ୍ଷତାକ୍ତ ମୃତଦେହ:
ପୂର୍ବାହ୍ନ ପ୍ରାୟ 9.30 ସମୟରେ ପୀଡିତାଙ୍କ ସହ ରାତ୍ରିଭୋଜନ କରିଥିବା ଜଣେ ଟ୍ରେନି ଡାକ୍ତର ସେମିନାର ହଲକୁ ଯାଇଥିଲେ । ସେଠାରେ ପୀଡିତାଙ୍କ କ୍ଷତାକ୍ତ ମୃତଦେହ ଦେଖିବାକୁ ପାଇଥିଲେ । ପରେ ହସ୍ପିଟାଲ କର୍ତ୍ତୃପକ୍ଷ ଓ ସ୍ଥାନୀୟ ପୋଲିସକୁ ଅବଗତ କରାଯାଇଥିଲା । ପରଦିନ ଅଭିଯୁକ୍ତ ସଞ୍ଜୟ ରୟକୁ ଗିରଫ କରାଯାଇଥିଲା । ସନ୍ଦୀପ ଘୋଷ ତୁରନ୍ତ ମେଡିକାଲ କଲେଜ ଅଧ୍ୟକ୍ଷ ପଦରୁ ଇସ୍ତଫା ଦେଇ କିଛି ଘଣ୍ଟା ବ୍ୟବଧାନରେ ଆଉ ଏକ ସରକାରୀ ମେଡିକାଲ ପ୍ରତିଷ୍ଠାନ ମୁଖ୍ୟ ଭାବେ ଦାୟିତ୍ବ ଗ୍ରହଣ କରିଥିଲେ । 3 ଘଣ୍ଟା ପରେ ଏଫଆଇଆର ପଞ୍ଜୀକରଣ କରାଯିବାକୁ ଭର୍ତ୍ସନା କରିଥିଲେ ସୁପ୍ରିମକୋର୍ଟ । ଏହି ମାମଲାରେ ଗିରଫ ଅଭିଯୁକ୍ତ ସଞ୍ଜୟ ରୟ ଓ ସନ୍ଦୀପ ଘୋଷଙ୍କ ପଲିଗ୍ରାଫ ଟେଷ୍ଟ କରାଯାଇଛି ।
