IRCTCର କ୍ଲାଉଡ କିଚେନ, ଟ୍ରେନ ଯାତ୍ରୀଙ୍କୁ ଉନ୍ନତ ମାନର ଖାଦ୍ୟ - IRCTC Cloud Kitchen

New Facility By IRCTC: ରେଳ ଯାତ୍ରୀଙ୍କ ପାଇଁ ଖୁସି ଖବର । ଟ୍ରେନରେ ଦୂର ଯାଗାକୁ ଯାତ୍ରା କରୁଥିଲେ, ଏଣିକି ଆଉ ଖାଦ୍ୟ କ୍ବାଲିଟିକୁ ନେଇ ଚିନ୍ତିତ ହେବା ଆବଶ୍ୟକ ନାହିଁ । କାରଣ ଆପଣଙ୍କ ପାଇଁ IRCTC ଆଣିଦେଇଛି ଉନ୍ନତମାନର ସୁବିଧା । ଜାଣନ୍ତୁ କେଉଁଠି ଉପଲବ୍ଧ ଏବଂ କ'ଣ ଏହି ସୁବିଧା ?

ହାଇଦ୍ରାବାଦ: ଯାତ୍ରୀଙ୍କ ପାଇଁ IRCTC ଆଣିବାକୁ ଯାଉଛି ନୂଆ ସୁବିଧା । ଟ୍ରେନରେ ମିଳୁଥିବା ଖାଦ୍ୟର ମାନ ଏଣିକି ଆହୁରି ଉନ୍ନତ ହେବ । କାରଣ ବେସ କିଚେନକୁ (Base Kitchen) ଏଣିକି କ୍ଲାଉଡ କିଚେନ(Cloud Kitchen)ରେ ପରିଣତ କରିବାକୁ ନିଷ୍ପତ୍ତି ନେଇଛି ଦ ଇଣ୍ଡିଆନ କ୍ୟାଟରିଂ ଆଣ୍ଡ ଟୁରିଜିମ କର୍ପୋରେସନ (IRCTC) । ଏହା ପ୍ରଥମ ଥର ମୁମ୍ବାଇରେ କାର୍ଯ୍ୟକାରୀ ହେବା ନେଇ ରେଳବାଇ ପକ୍ଷରୁ ସୂଚନା ଜାରି ହୋଇଛି ।

IRCTC Cloud Kitchen (ETV Bharat Odisha)

କେବେଠୁ କ୍ଲାଉଡ କିଚେନ ?

ପାଖାପାଖି ମାସକ ପରେ ମୁମ୍ବାଇରେ ଏହି ସୁବିଧା ଉପଲବ୍ଧ ହେବ । ଏହି କ୍ୟାଟରିଂ ସର୍ଭିସ ପ୍ରଫେସନାଲ କ୍ୟାଟରରଙ୍କ ଦ୍ବାରା ଅପରେଟ୍ ହେବ । IRCTC ପକ୍ଷରୁ ପଶ୍ଚିମ ଜୋନରେ ପାଖାପାଖି ୨୦୦ ରୋଷେଇ ସେଟ୍ ଅପ ଏବଂ ପାଇପଲାଇନର ବନ୍ଦୋବସ୍ତ ହେବ । ଏସବୁ ମହାରାଷ୍ଟ୍ର, ମଧ୍ୟପ୍ରଦେଶ ଏବଂ ଗୁଜୁରାଟ ଭଳି ରାଜ୍ୟ ପାଇଁ ସେବା ପ୍ରଦାନ କରିବ ।

Your Favorite Train Snack is Back!

IRCTC, in collaboration with Railofy, is reintroducing the Railway Cutlet.

Taste the nostalgia as it starts rolling into Itarsi, Vijayawada, Nagpur, Ballarshah, and Bhopal.

Order now on IRCTC eCatering (https://t.co/pK5o8z2VCU) or the Food on… pic.twitter.com/JI47nXiPmo

— ECatering IRCTC (@eCateringIRCTC) September 3, 2024

କେତୋଟି ଟ୍ରେନ ପାଇଁ କ୍ଲାଉଡ କିଚେନ ସୁବିଧା ଉପଲବ୍ଧ:

ସର୍ବମୋଟ ୨୦୦ କ୍ଲାଉଡ କିଚେନ ସୁବିଧା ଉପଲବ୍ଧ ହେବାକୁ ଥିବାବେଳେ ପ୍ରସ୍ତୁତ ହୋଇସାରିଛି ୯୦ଟି କ୍ଲାଉଡ କିଚେନ । ବର୍ତ୍ତମାନ ୫୦ଟି କାର୍ଯ୍ୟକାରୀ ହେଉଥିବାବେଳେ ଦୈନିକ ୫୦୦ ଟ୍ରେନରେ ଏହି ସୁବିଧା ମିଳିବା ନେଇ ଲକ୍ଷ୍ୟ ରହିଛି । ସେହିପରି ଦୈନିକ ୧ ହଜାରରୁ ୪ ହଜାର ପର୍ଯ୍ୟନ୍ତ ମିଲ୍ସ ପ୍ରସ୍ତୁତ ହେବାର ଲକ୍ଷ୍ୟ ରହିଛି । ପୂର୍ବରୁ ଖାଦ୍ୟର ମାନ (Food Quality)ନେଇ ଆସିଥିବା ଅଭିଯୋଗ ସଂଖ୍ୟା ହେଉଛି ୩୦୦ରୁ ୩୫୦ । ଏହାବ୍ୟତୀତ କ୍ଲାଉଡ କିଚେନ ବାବଦରେ ଆସିଥିବା ଅଭିଯୋଗ ଅପେକ୍ଷାକୃତ କମ୍ ରହିଛି । ମାତ୍ର ୭୦ରୁ ୮୦ କମ୍ପ୍ଲେନ ଆସିଥିବା ସୂଚନା ମିଳିଛି ।

With IRCTC eCatering, you can order delicious meals on the go during your trip. Never go hungry again while traveling!

🌐Click on https://t.co/pK5o8z2VCU
👉Install #FoodOnTrack app
📞1323/WhatsApp +91-8750001323#IRCTCForYou #trainfood #foodintrain #orderandrelax pic.twitter.com/0g2B4KNg45

— ECatering IRCTC (@eCateringIRCTC) June 27, 2024

କୁର୍ଲାରେ ହେବ ସବୁଠୁ ବଡ଼ କ୍ଲାଉଡ କିଚେନ:

ସୂଚନା ଅନୁସାରେ, ମୁମ୍ବାଇର କୁର୍ଲା ସ୍ଥିତ LBS ରୋଡରେ ସବୁଠୁ ବଡ଼ କ୍ଲାଉଡ କିଚେନ କରିବାକୁ ଲକ୍ଷ୍ୟ ରଖିଛି IRCTC । ପାଖାପାଖି ୪ ହଜାର ମିଲ୍ସ ଏଠାରେ ପ୍ରସ୍ତୁତ କରାଯିବ । ଯେଉଁଥିରେ ଜଳଖିଆ ମଧ୍ୟ ଅନ୍ତର୍ଭୁକ୍ତ ରହିବ । ପାଣ୍ଟ୍ରି କାରରେ ଏହାକୁ ପରିବହନ କରାଯାଇ ଦୂରକୁ ଯାତ୍ରା କରିବାକୁ ଥିବା ଟ୍ରେନକୁ ସପ୍ଲାଇ କରାଯିବ ବୋଲି ଜଣାପଡ଼ିଛି ।

IRCTC Cloud Kitchen (ETV Bharat Odisha)

ଖାଦ୍ୟରୁ ବାହାରିଛି ପୋକ, ଅସରପା:

Food Related Complain (ETV Bharat Odisha)

ବିଶେଷ ସୂତ୍ରରୁ ଜଣାପଡ଼ିଛି ଯେ, ନଭେମ୍ବର୨୦୨୩ ମଧ୍ୟରେ ୫ ହଜାର ଟଙ୍କାରୁ ଆରମ୍ଭ କରି ୫ ଲକ୍ଷ ଟଙ୍କା ପର୍ଯ୍ୟନ୍ତ ଫାଇନ୍ ଆଦାୟ କରାଯାଇଛି । ଏପରିକି ଅସ୍ବାସ୍ଥ୍ୟକର ପରିବେଶରେ ଖାଦ୍ୟ ପ୍ରସ୍ତୁତ କରି ଦେବା ଅଭିଯୋଗରେ ଅନେକ କଣ୍ଟ୍ରାକ୍ଟ ମଧ୍ୟ ବାତିଲ ହୋଇଛି । ଆସିଥିବା ୩୦୦ରୁ ୩୫୦ ଅଭିଯୋଗ ମଧ୍ୟରେ ୧୦ରୁ ୧୨ଟି ସାଂଘାତିକ ଅଭିଯୋଗ ରହିଛି । ଯେଉଁଥିରେ ପୋକ, ଅସରପା ଏବଂ ଅନ୍ୟାନ୍ୟ ଜିନିଷ ଖାଦ୍ୟ ସାମଗ୍ରୀରୁ ବାହାରିଥିବା ନେଇ ଯାତ୍ରୀ ଅଭିଯୋଗ ଆଣିଥିବାର ନଜିର ରହିଛି ।