ମେଷ: ଆଜି ଦିନରେ ଆପଣ ପ୍ରଫୁଲ୍ଲ ରହିବେ । ଉତ୍ସାହ ଉଦ୍ଦୀପନା ସହ କାର୍ଯ୍ୟ କରିବା ପାଇଁ ଆଗେଇଯିବେ । ଆପଣଙ୍କୁ ପ୍ରତି କ୍ଷେତ୍ରରେ ସାହାଯ୍ୟ ମିଳିବ । ଗୃହ ପରିବେଶ ଶାନ୍ତ ରହିବ ଏବଂ ଆପଣଙ୍କର ବହୁମୂଲ୍ୟ ସମୟକୁ ପରିବାରର ସଦସ୍ୟଙ୍କ ସହ ଆମୋଦ ପ୍ରମୋଦରେ କଟାଇ ଉଲ୍ଲସିତ ହେବେ । ଏକ ସାମାଜିକ ଉତ୍ସବରେ ଏକତ୍ର ହୋଇପାରନ୍ତି । ଆପଣ ଆଜିର ଏହି ଦିନଟିକୁ ପୂର୍ଣ୍ଣପ୍ରାଣରେ ଉପଭୋଗ କରିପାରନ୍ତି । ନିଜର ମାଆଙ୍କ ଠାରୁ ଶୁଭ ଖବର ପାଇ ଖୁସି ହେବେ ।
ବୃଷ: ଆଜି ଦିନଟି ଆପଣଙ୍କ ମଙ୍ଗଳମୟ ରହିବ । କୃପାଦୃଷ୍ଟି ଆପଣଙ୍କୁ ପ୍ରତି କ୍ଷେତ୍ରରେ ସହାୟ ହେବ । ଆପଣଙ୍କର ବହୁମୂଲ୍ୟ ସମୟକୁ ପରିବାରର ସଦସ୍ୟଙ୍କ ସହ ଆମୋଦ ପ୍ରମୋଦରେ କଟାଇ ଉଲ୍ଲସିତ ହେବେ । କୌଣସି ନୂଆ ସ୍ଥାନକୁ ଯିବା ପାଇଁ ଯୋଜନା କରିପାରନ୍ତି । ଆଜିର ଦିନଟିକୁ ଆପଣ ବେଶ ଉପଭୋଗ କରିବେ ।
ମିଥୁନ: ଆଜି ଦିନଟିରେ ବହୁ ଦିଗରୁ ଲାଭବାନ ହୋଇପାରନ୍ତି । ଅବିବାହିତ ବ୍ୟକ୍ତି ନିଜ ପାଇଁ ଭଲ ଜୀବନ ସାଥୀ ପାଇବାରେ ସମର୍ଥ ହେବେ । ଆର୍ଥିକ ଉନ୍ନତି ଘଟିପାରେ । ବନ୍ଧୁଙ୍କର ସାକ୍ଷାତ ଲାଭ କରି ଆମୋଦ ପ୍ରମୋଦରେ ଦିନଟିକୁ ମଧୁମୟ କରିପାରନ୍ତି । ସବୁ ଜିନିଷ ଏକତ୍ର ଆପଣଙ୍କ ନିକଟକୁ ଆସିପାରେ । ଏହାଛଡା ଆପଣଙ୍କ ପୁତ୍ର ଓ ଧର୍ମପତ୍ନୀ ଆପଣଙ୍କ ପାଇଁ ହିତକାରୀ ହୋଇପାରନ୍ତି । ସୁଖାଦ୍ୟ ସେବନର ତୃପ୍ତି ମିଳିପାରେ । ସନ୍ତାନମାନଙ୍କ ଠାରୁ ଶୁଭଖବର ପାଇପାରନ୍ତି । ଆପଣଙ୍କ କାର୍ଯ୍ୟରେ ଓ ବ୍ୟବସାୟରେ ପ୍ରଚୁର ଅର୍ଥ ଲାଭ ହୋଇ ପୁଞ୍ଜି ବଢାଇପାରେ । ଆଜି ଏହି ଭାଗ୍ୟଶାଳୀ ଦିନଟିକୁ ମନଭରି ଉପଭୋଗ କରନ୍ତୁ ।
କର୍କଟ: ଆଜି ସବୁ କାର୍ଯ୍ୟ ସଫଳତାର ସହିତ ସମ୍ପୂର୍ଣ୍ଣ ହେବ । ଆଜି ଆପଣଙ୍କ ଉପରିସ୍ଥ କର୍ମଚାରୀଙ୍କ ସହ ଗୁରୁତ୍ୱପୂର୍ଣ୍ଣ ଆଲୋଚନାରେ ଭାଗ ନେବେ । ସେମାନେ ଆପଣଙ୍କ କାର୍ଯ୍ୟଶୈଳୀରେ ସନ୍ତୋଷ ପ୍ରକାଶ କରିବେ । ଆପଣ ନିଜର ପଦୋନ୍ନତି ଲାଭ କରିବେ । ପରିବାରର ସଦସ୍ୟଙ୍କ ସହ ଖୁସିରେ ଦିନଟିକୁ କାଟିବେ । ଘରର ସୌନ୍ଦର୍ଯ୍ୟ ବଢାଇବା ପାଇଁ ଚେଷ୍ଟା କରିବେ । କାର୍ଯ୍ୟାଳୟର କୌଣସି କାର୍ଯ୍ୟ ପାଇଁ ବାହାରକୁ ଯାତ୍ରା କରିପାରନ୍ତି । ସ୍ୱାସ୍ଥ୍ୟ ଭଲ ରହିବ । ସରକାରୀ କାର୍ଯ୍ୟରେ ଲିପ୍ତ ରହି ସୁବିଧା ସୁଯୋଗ ହାସଲ କରିପାରନ୍ତି ।
ସିଂହ: ଆଜି ଦିନଟି ଆପଣ ଧାର୍ମିକ କାର୍ଯ୍ୟରେ ନିଜକୁ ଲିପ୍ତ ରଖିପାରନ୍ତି । ଗୋଟିଏ ଧାର୍ମିକ ସ୍ଥାନକୁ ସମସ୍ତଙ୍କୁ ବୁଲାଇବା ପାଇଁ ନେଇପାରନ୍ତି । ଆଜି ଆପଣ ନିଜର କ୍ରୋଧ ସମ୍ୱରଣ କରନ୍ତୁ । ବିଦେଶରେ ଥିବା ଜଣେ ପ୍ରିୟଜନଙ୍କ ଠାରୁ ଶୁଭଖବର ପାଇବାର ଇଚ୍ଛା ରଖିପାରନ୍ତି । ଆଜି ଆପଣଙ୍କୁ ଦିଆଯାଇଥିବା କାର୍ଯ୍ୟରେ କିଛି ବାଧାବିଘ୍ନ ଆସିପାରେ, ତେଣୁ ଆପଣ ମନଧ୍ୟାନ ଦେଇ କାର୍ଯ୍ୟଟିକୁ ଠିକ୍ ସମୟରେ ସମ୍ପୂର୍ଣ୍ଣ କରିବାକୁ ଚେଷ୍ଟା କରନ୍ତୁ । ଆପଣ ମାନସିକ ଅଶାନ୍ତି ଭୋଗିପାରନ୍ତି । ଏହାର ପ୍ରଧାନ କାରଣ ଆପଣଙ୍କ ସନ୍ତାନମାନେ ହୋଇପାରନ୍ତି ।
କନ୍ୟା: ଆଜି ଆପଣଙ୍କ ପାଇଁ ଅତ୍ୟନ୍ତ ଭଲ ଦିନ । କାଲିଦିନ ଠାରୁ ନକ୍ଷତ୍ରମାନେ ଆପଣଙ୍କ ସପକ୍ଷରେ ହିଁ ଅଛନ୍ତି । ଜୀବନର ପ୍ରତ୍ୟେକ କ୍ଷେତ୍ରରେ ଏବଂ ପେଶାଗତ କ୍ଷେତ୍ରରେ ଆପଣଙ୍କ ପାଇଁ ପୁରସ୍କାର ଗଚ୍ଛିତ ଅଛି । ଆପଣଙ୍କ ମୁହଁରେ ଫୁଟୁଥିବା ହସ ଅନ୍ୟମାନଙ୍କ ସହିତ ସେୟାର କରନ୍ତୁ । ନକ୍ଷତ୍ରମାନଙ୍କର ବଦାନ୍ୟତା ନମ୍ରତାର ସହିତ ଗ୍ରହଣ କରନ୍ତୁ ।
ତୁଳା: ଉତ୍ତମ ସ୍ୱାସ୍ଥ୍ୟ, ପରିବାର ଦୃଷ୍ଟିକୋଣରୁ ଖୁସିମୟ ସମୟ ଏବଂ ବ୍ୟବସାୟରେ ବିପୁଳ ଅର୍ଥ ଲାଭ ଆଜି ଆପଣଙ୍କ ଅପେକ୍ଷାରେ ଅଛି । ପରିବାର ସହିତ ହସ ଉଲ୍ଲାସରେ ସମୟ ବିତାଇବେ । ପାର୍ଟନର ଏବଂ ସହକର୍ମୀଙ୍କ ସହିତ ଉତ୍ତମ ପରିବେଶ ରହିବ । କାର୍ଯ୍ୟ କ୍ଷେତ୍ରରେ ମଧ୍ୟ ବେଶୀ କିଛି ସଂଘର୍ଷ ନକରି ଫଳପ୍ରାପ୍ତ ହେବାର ସମ୍ଭାବନା ରହିଛି ।
ବିଛା: ଅଯଥାରେ କାହା ସଙ୍ଗରେ ବଚସା କରନ୍ତୁ ନାହିଁ । ସନ୍ତାନମାନଙ୍କ ଚିନ୍ତାରେ ମନ ଭାରାକ୍ରାନ୍ତ ହେବ । ବିଦ୍ୟାର୍ଥୀମାନେ ସଫଳତାର ସ୍ୱାଦ ଚାଖିବା ଦ୍ୱାରା ନିଜର ମନକୁ ଆହୁରି ଦୃଢ କରି ପାଠପଢାରେ ମନ ଲଗାଇବେ । ଅର୍ଥ ଲଗାଣକାରୀ ସଂସ୍ଥାରେ ଅର୍ଥ ବିନିଯୋଗ କରନ୍ତୁ ନାହିଁ । ଯଦି ହୁଏ, ଭ୍ରମଣକୁ ସ୍ଥଗିତ ରଖନ୍ତୁ । ନିଜ ଭବିଷ୍ୟତ ପାଇଁ ସଞ୍ଚୟ କରିବା ପାଇଁ ଆଜି ଏକ ଶୁଭଦିନ ଅଟେ । କଠିନ ପରିଶ୍ରମ କଲେ ସଫଳତା ମିଳେ । ତେଣୁ କଠିନ ପରିଶ୍ରମ କରନ୍ତୁ ।
ଧନୁ: ଆଜି ମାନସିକ ଦୁଶ୍ଚିନ୍ତା ଆପଣଙ୍କୁ ନିରୁତ୍ସାହିତ କରିବ । ଆଜି ଆପଣ ନିଜ ପରିବାର ସଦସ୍ୟଙ୍କ ସହ ଝଗଡା କରିପାରନ୍ତି । ତେଣୁ ଆଜି ଗୃହ ପରିବେଶ ଅଶାନ୍ତ ରହିବ । ସମ୍ପତ୍ତି ସମ୍ପର୍କୀୟ କୌଣସି ଘଟଣାରେ ନିଜକୁ ଜଡିତ କରନ୍ତୁ ନାହିଁ । ଆର୍ଥିକ ଅନାଟନ ଲାଗି ରହିବ । ନିଜେ ଅପମାନିତ ହେବା ସ୍ଥାନଠାରୁ ନିଜକୁ ଦୂରେଇ ରଖନ୍ତୁ । ନିଜର ମାଆଙ୍କ ସ୍ୱାସ୍ଥ୍ୟ ଆପଣଙ୍କୁ ବିଚଳିତ କରିବ । ଆପଣ ନିଜ ଛାତିରେ ଯନ୍ତ୍ରଣା ପାଇବେ ।
ମକର: ଆଜି ଦିନଟି ଆପଣ ନିଜ ବନ୍ଧୁ ଓ ପରିବାରବର୍ଗଙ୍କ ସହ ଆନନ୍ଦ ଉଲ୍ଳାସରେ କଟାଇବେ । କୌଣସି ସ୍ଥାନକୁ ପରିଭ୍ରମଣରେ ଯାଇ ଆମୋଦ ପ୍ରମୋଦ କରିପାରନ୍ତି । ନିଜର ସମ୍ପତ୍ତି ସମ୍ପର୍କିତ ଘଟଣାରୁ ନିଜକୁ ଦୂରେଇ ରଖନ୍ତୁ । ବୃତ୍ତିଧାରୀ ଓ ବିଦ୍ୟାର୍ଥୀମନଙ୍କ ପାଇଁ ଆଜି ଦିନଟି ସର୍ବୋତ୍ତମ । ଆପଣ ନିଜର ପ୍ରତିଯୋଗୀମାନଙ୍କୁ ନିର୍ବାସିତ କରିପାରିବେ । ଆପଣଙ୍କ ଶାରୀରିକ ଓ ମାନସିକ ସୁସ୍ଥତା ଅତୁଟ ରହିବ । ଅର୍ଥାଗମ ହେବାର ଶୁଭ ସୂଚନା ଅଛି । ନୂତନ କର୍ମର ଶୁଭାରମ୍ଭ ପାଇଁ ଆଜି ଏକ ଶୁଭଦିନ ଅଟେ ।
କୁମ୍ଭ: ଆପଣ ବିଭିନ୍ନ କାର୍ଯ୍ୟପାଇଁ ସିଦ୍ଧାନ୍ତ ନେବାରେ ନିଜକୁ ଅସହାୟ ମନେ କରିବେ । ଅଯଥା ଖର୍ଚ୍ଚ କରନ୍ତୁ ନାହିଁ । ନିଜର ଖରାପ ବ୍ୟବହାର ଯୋଗୁଁ ପରିବାରର ସଦସ୍ୟଙ୍କ ସଙ୍ଗେ ଝଗଡା ଲାଗିପାରେ । ବିଦ୍ୟାର୍ଥୀମାନେ ସେମାନଙ୍କ ପାଠପଢାରେ ମନୋନିବେଶ କରିବେ । ଅଳ୍ପ ସମୟ ମଧ୍ୟରେ ଆପଣଙ୍କ ପାଇଁ ସଫଳତା ଦ୍ୱାରଦେଶରେ ପହଞ୍ଚିଯିବ । ଧୈର୍ଯ୍ୟ ଧରନ୍ତୁ ।
ମୀନ: ଆପଣଙ୍କ ପାଇଁ ଆଜି ହେଉଛି ଏକ ଭାଗ୍ୟଶାଳୀ ଦିନ । ସାରାଦିନ ଆପଣଙ୍କ ପାଖରେ ଥିବା ଆଗ୍ରହ ଏବଂ ମଜଭୁତ ଶକ୍ତି ବାସ୍ତବରେ ଆପଣଙ୍କୁ ବିକାଶ ପଥରେ ଆଗେଇ ନେବ । ନୂଆ କାର୍ଯ୍ୟ ଆରମ୍ଭ କରିବା ପାଇଁ ଆଜି ହେଉଛି ଏକ ଶୁଭଦିନ । ବ୍ୟବସାୟୀକ ଯୋଜନାକୁ କାର୍ଯ୍ୟକାରୀ କରନ୍ତୁ । ଆଗକୁ ଅଗ୍ରସର ହୁଅନ୍ତୁ, ଲାଭ ଉଠାନ୍ତୁ, ନିବେଶ କରନ୍ତୁ, ତଥାପି ବି ଅର୍ଥ ଉପରେ ନିୟନ୍ତ୍ରଣ ରଖନ୍ତୁ ।
