Rains Havoc: ଆନ୍ଧ୍ରରେ ପ୍ରବଳ ବର୍ଷା ସାଙ୍ଗକୁ ଭୂସ୍ଖଳନ, 10 ମୃତ: ରେଡ୍ ଆଲର୍ଟରେ ତେଲେଙ୍ଗାନାର ବିଭିନ୍ନ ଜିଲ୍ଲା - Andhra Pradesh And Telangana Rains

Heavy Rainfall in AndhraPradesh And Telangana: ଲଗାଣ ବର୍ଷା ସାଙ୍ଗକୁ ଭୂସ୍ଖଳନରେ ବେହାଲ ଆନ୍ଧ୍ରପ୍ରଦେଶ । ବିଭିନ୍ନ ସ୍ଥାନ ଜଳବନ୍ଦୀ ଥିବାବେଳେ ସ୍କୁଲ ଛୁଟି ଘୋଷଣା କରାଯାଇଛି । ବର୍ଷା ବିତ୍ପାତ ଯୋଗୁ 10 ଜଣଙ୍କ ଜୀବନ ଗଲାଣି । ତେଲେଙ୍ଗାନାରେ ମଧ୍ୟ ବେହାଲ କରିଛି ଲଗାଣ ବର୍ଷା । ଏହି ଦୁଇଟି ରାଜ୍ୟର ପାଣିପାଗ ଅପଡେଟ୍ ଜାଣନ୍ତୁ ।

ଅମରାବତୀ/ହାଇଦ୍ରାବାଦ: ବେହାଲ କଲାଣି ବର୍ଷା । ସୃଷ୍ଟି ହୋଇଥିବା ଅବପାତ ପ୍ରଭାବରେ ଆନ୍ଧ୍ରପ୍ରଦେଶ ଓ ପଡୋଶୀ ରାଜ୍ୟ ତେଲେଙ୍ଗାନାରେ ପ୍ରବଳ ବର୍ଷା ଲାଗି ରହିଛି । ଏପରିକି ଆନ୍ଧ୍ରପ୍ରଦେଶରେ ଭୂସ୍ଖଳନ ହୋଇଥିବା ଖବର ମଧ୍ୟ ଆସିଛି । ବର୍ଷା ବିତ୍ପାତ ଯୋଗୁ 10 ଜଣଙ୍କ ଜୀବନ ଗଲାଣି । ଟ୍ରେନ ଚଳାଚଳ ମଧ୍ୟ ପ୍ରଭାବିତ ହୋଇଛି ।

ଆନ୍ଧ୍ରପ୍ରଦେଶରେ ବର୍ଷା ବିତ୍ପାତ:

Rains Effect (ETV Bharat AP)

ଆନ୍ଧ୍ରପ୍ରଦେଶରେ ତାଣ୍ଡବ ରଚୁଛି ଲଗାଣ ବର୍ଷା । ବିଭିନ୍ନ ସ୍ଥାନରେ ଜଳବନ୍ଦୀ ସ୍ଥିତି ଉପୁଜିଛି । ବିଭିନ୍ନ ସ୍ଥାନରେ 10 ଜଣଙ୍କ ଜୀବନ ଗଲାଣି । ସେମାନଙ୍କ ମଧ୍ୟରୁ ୩ ଜଣଙ୍କ ମୃତ୍ୟୁ କାର୍ ଭାସିଯିବାରୁ ହୋଇଛି । ମୃତକଙ୍କ ପରିବାକୁ ୫ଲକ୍ଷ ଟଙ୍କା ଲେଖାଏଁ ଅନୁକମ୍ପାରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ । ଏଭଳି ସ୍ଥିତିରେ ସ୍କୁଲ ଛୁଟି ଘୋଷଣା କରାଯାଇଛି। ମୁକାବିଲା ପାଇଁ ରିଭ୍ୟୁ ମିଟିଂ ଡାକିବା ସହ ସମସ୍ତଙ୍କୁ ଆଲର୍ଟ ରହିବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ ।

ଭୂସ୍ଖଳନରେ ବହୁ କ୍ଷୟକ୍ଷତି:

ବିଜୟୱାଡା ସହରରେ ପ୍ରବଳ ବର୍ଷା ଯୋଗୁ ଭୂସ୍ଖଳନ ହୋଇଥିବା ଜଣାପଡ଼ିଛି । ମାଟି ଅତଡା ଧସିବା ଫଳରେ କଲୋନୀରେ ଥିବା ଘର ଉପରେ ପଡିଥିବା କୁହାଯାଉଛି । ଫଳରେ ପାଖାପାଖି ୩ଟି ଘର ନଷ୍ଟ ହୋଇଯାଇଛି ।

Rains Effect (ETV Bharat AP)

ଚାଲିଛି ଉଦ୍ଧାରକାର୍ଯ୍ୟ:

ଖବର ପାଇ ପୋଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି । ସେଠାରେ ଥିବା ଲୋକଙ୍କୁ ଅନ୍ୟ ସ୍ଥାନକୁ ସ୍ଥାନାନ୍ତର କରାଯାଉଥିବା ସୂଚନା ମିଳିଛି । ସୂଚନା ଅନୁସାରେ, ପ୍ରବଳ ବର୍ଷା କାରଣରୁ ବିଜୟୱାଡା, ମଛଲିପାଟନମ, କାଇଲୁରୁ, ଅମରାବତୀ, ନନ୍ଦିଗାମା ଆଦି ଅଞ୍ଚଳ ପ୍ରବଳ ମାତ୍ରାରେ ପ୍ରଭାବିତ ହୋଇଛି । ପ୍ରଭାବିତ ଅଞ୍ଚଳକୁ କ୍ଷତିପୂରଣ ପ୍ରଦାନ ପାଇଁ ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ।

ତେଲେଙ୍ଗାନାକୁ ଆଲର୍ଟ:

Depression over South Odisha and adjoining South Chhattisgarh and north Andhra Pradesh abt 60 km southeast of Jagdalpur, 70 km northeast of Malkangiri.Likely to move across South Odisha,South Chhattisgarh and Vidarbha and weaken into Well Marked Low Pressure Area during nxt 24hrs pic.twitter.com/NquuptJtW5

— India Meteorological Department (@Indiametdept) September 1, 2024

ତେଲେଙ୍ଗାନାରେ ଲଗାଣ ବର୍ଷା ଜାରି ରହିଛି । ପ୍ରବଳ ବର୍ଷା ଯୋଗୁ ବିଭିନ୍ନ ସ୍ଥାନରେ କୃତ୍ରିମ ବନ୍ୟା ସ୍ଥିତି ସୃଷ୍ଟି ହୋଇଛି । ଏହାକୁ ନଜରରେ ରଖି ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ସମସ୍ତ ଜିଲ୍ଲାପାଳଙ୍କୁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ । ମେହବୁବାବାଦ, ନାରାୟଣପେଟ, ଖମାମ ଆଦି ଜିଲ୍ଲାରେ ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରିଛି ପାଣିପାଗ ବିଭାଗ । ଏହାସହ ଅତି ପ୍ରବଳ ବର୍ଷା ହେବାକୁ ଥିବା ସ୍ଥାନକୁ ରେଡ୍ ଆଲର୍ଟ ଓ ପ୍ରବଳ ବର୍ଷା ହେବାକୁ ଥିବା ଜିଲ୍ଲାରେ ଅରେଞ୍ଜ ଆଲର୍ଟ ଜାରି କରିଛି IMD ।

Rains Effect (ETV Bharat AP)