ମୁମ୍ବାଇ: ହସ୍ପିଟାଲରେ ଭର୍ତ୍ତି ହେଲେ ବିଶିଷ୍ଟ ଶିଳ୍ପପତି ରତନ ଟାଟା । ରକ୍ତରାପ ହ୍ରାସ ପାଇବାରୁ ଆଜି ସକାଳେ ତାଙ୍କୁ ମୁମ୍ବାଇ ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ବର୍ତ୍ତମାନ ସେ ସୁସ୍ଥ ଥିବା ନିଜ ଏକ୍ସରେ ପୋଷ୍ଟ କରି କହିଛନ୍ତି । ଚିନ୍ତାର କୌଣସି କାରଣ ନାହିଁ, ନିୟମିତ ସ୍ବାସ୍ଥ୍ୟ ପରୀକ୍ଷା ପାଇଁ ହସ୍ପିଟାଲ ଆସିଥିଲି । ମୋତେ ନେଇ ପ୍ରସାରିତ ହେଉଥିବା ଗୁଜବ ଖବରଠାରୁ ଦୂରେଇ ରହିବାକୁ କହିଛନ୍ତି ଟାଟା ଟାଇକୁନ ।
ଅସୁସ୍ଥତା ଖବର ଗୁଜବ:
ଟ୍ବିଟ କରି ରତନ ଟାଟା କହିଛନ୍ତି, ''ମୋ ସ୍ବାସ୍ଥ୍ୟକୁ ନେଇ ଗୁଜବ ଖବର ପ୍ରକାଶିତ ହେଉଛି, ଏହା ମୋତେ ଜଣା । ମୋର ବୟସ ହେତୁ ରେଗୁଲାର ଚେକଅପ କରୁଛି । ମୁଁ ପୂରା ସୁସ୍ଥ ଅଛି, ଚିନ୍ତା କରିବାର କୌଣସି କାରଣ ନାହିଁ । ଜନସାଧାରଣ ଏବଂ ଗଣମାଧ୍ୟମକୁ ଅନୁରୋଧ କରୁଛି ଭୁଲ ତଥ୍ୟ ପ୍ରଚାର ନକରନ୍ତୁ । ''
Thank you for thinking of me 🤍 pic.twitter.com/MICi6zVH99
— Ratan N. Tata (@RNTata2000) October 7, 2024
ଏହା ମଧ୍ୟ ପଢନ୍ତୁ-Ratan Tata: ପ୍ରଥମ ଚାକିରି ପାଇଁ କିପରି ଥିଲା ରତନ ଟାଟାଙ୍କ ବାୟୋଡାଟା ? ପଢ଼ନ୍ତୁ
ଏହା ମଧ୍ୟ ପଢନ୍ତୁ-ରତନ ଟାଟାଙ୍କୁ ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନ
ରେଗୁଲାର ଚେକଅପ ପାଇଁ ହସ୍ପିଟାଲ ଯାଇଥିଲେ:
ରକ୍ତଚାପ ହ୍ରାସ ପାଇବାରୁ ଆଜି ସକାଳ ସମୟରେ ରତନ ଟାଟାଙ୍କୁ ମୁମ୍ବାଇ ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିବା ଖବର ଆସିଥିଲା । ଅବସ୍ଥା ଗୁରୁତର ଥିବାରୁ ଆଇସିୟୁରେ ରତନଙ୍କୁ ଭର୍ତ୍ତି କରାଯାଇଥିବା କୁହାଯାଇଥିଲା । କିନ୍ତୁ ଏହି ଖବରକୁ ଗୁଜବ ବୋଲି କହିଛନ୍ତି ନିଜେ ରତନ ଟାଟା । ରେଗୁଲାର ଚେକଅପ ପାଇଁ ସେ ହସ୍ପିଟାଲ ଯାଇଥିବା କହିଛନ୍ତି ।
ରତନ ଟାଟାଙ୍କ ବିଷୟରେ:
ଟାଟା ଗ୍ରୁପକୁ ଶିଖରରେ ପହଞ୍ଚାଇ ଥିବା ରତନ ଟାଟା ସାରା ଦେଶ ନୁହେଁ ବରଂ ସାରା ବିଶ୍ବରେ ଜଣେ ପ୍ରତିଷ୍ଠିତ ବ୍ୟବସାୟ ଭାବେ ବେଶ ପରିଚିତ । ବିଶ୍ବର ସଫଳ ବ୍ୟବସାୟୀମାନଙ୍କ ମଧ୍ୟରେ ତାଙ୍କ ନାମ ମଧ୍ୟ ଆସେ । ନିଜ ଦକ୍ଷତା ଓ ପ୍ରଚେଷ୍ଟା ବଳରେ ସେ ଟାଟା ସନ୍ସକୁ ଏକ ଟ୍ରିଲିୟନ ଡଲାର ବିଶିଷ୍ଠ ବ୍ୟବସାୟ ପ୍ରତିଷ୍ଠା କରି ପାରିଛନ୍ତି । ଟାଟା ଟାଇକୁନ ରତନ ଟାଟାଙ୍କ ବୟସ ବର୍ତ୍ତମାନ 86 ବର୍ଷ । ଭାରତର ସେ ଜଣେ ସଫଳ ଉଦ୍ୟୋଗପତି । ତାଙ୍କର ପୂରା ନାମ ରତନ ନାଭାଲ ଟାଟା । 1937 ଡିସେମ୍ବର 28 ତାରିଖରେ ସେ ଗୁଜୁରାଟର ସୁରଟରେ ଜନ୍ମଗ୍ରହଣ କରିଥିଲେ । ନିଜର କଠିନ ପରିଶ୍ରମ ବଳରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ରତନ । କାର୍ଯ୍ୟରେ ରତନଙ୍କ ଯୋଗଦାନ ପାଇଁ ତାଙ୍କୁ ସରକାରଙ୍କ ପକ୍ଷରୁ ପଦ୍ମ ବିଭୂଷଣ ଏବଂ ପଦ୍ମ ଭୂଷଣ ସମ୍ମାନରେ ସମ୍ମାନିତ କରାଯାଇଛି । ସେ ’ସିଏନଏନ-ଆଇବିଏନ ଇଣ୍ଡିଆନ ଅଫ ଦ ଇୟର’ ଭଳି ବିଜନେସ୍ ଆୱାର୍ଡ ମଧ୍ୟ ହାତେଇଛନ୍ତି । 1991 ଠାରୁ ଟାଟା ଗ୍ରୁପର ଅଧ୍ୟକ୍ଷ ଅଛନ୍ତି ରତନ ନାଭାଲ ଟାଟା ।
- ଟାଟା ଗ୍ରୁପକୁ ଶିଖରରେ ପହଞ୍ଚାଇଛନ୍ତି ରତନ ଟାଟା
- ଦେଶ ନୁହେଁ ସାରା ବିଶ୍ବରେ ପ୍ରତିଷ୍ଠିତ ବ୍ୟବସାୟୀ ଭାବେ ପରିଚିତ
- ବିଶ୍ବର ସଫଳ ବ୍ୟବସାୟୀଙ୍କ ମଧ୍ୟରେ ତାଙ୍କ ନାମ ଆସେ
- ଦକ୍ଷତା ଓ ପ୍ରଚେଷ୍ଟା ବଳରେ ସେ ଟାଟା ସନ୍ସକୁ ୧ ଟ୍ରିଲିୟନ ଡଲାର ବିଶିଷ୍ଠ କରି ପାରିଛନ୍ତି
- ଟାଟା ଟାଇକୁନ ରତନ ଟାଟାଙ୍କ ବୟସ ୮୬ ବର୍ଷ
- ସେ ଭାରତର ଜଣେ ସଫଳ ଉଦ୍ୟୋଗପତି
- ତାଙ୍କ ପୂରା ନାମ ରତନ ନାଭାଲ ଟାଟା
- 1937 ଡିସେମ୍ବର 28ରେ ଗୁଜୁରାଟ ସୁରଟରେ ଜନ୍ମ ଗ୍ରହଣ
- ଭାରତ ସରକାର ତାଙ୍କୁ ପଦ୍ମ ବିଭୂଷଣ ଏବଂ ପଦ୍ମ ଭୂଷଣ ସମ୍ମାନରେ ସମ୍ମାନିତ କରି ସାରିଛନ୍ତି
- ’ସିଏନଏନ-ଆଇବିଏନ ଇଣ୍ଡିଆନ ଅଫ ଦ ଇୟର’ ଭଳି ବିଜନେସ ଆୱାର୍ଡ ମଧ୍ୟ ହାତେଇଛନ୍ତି
- 1991ଠାରୁ ଟାଟା ଗ୍ରୁପର ଅଧ୍ୟକ୍ଷ ରହି ଆସିଛନ୍ତି ରତନ ଟାଟା
