ନୂଆଦିଲ୍ଲୀ: ପୂର୍ବତନ ବିହାର ମୁଖ୍ୟମନ୍ତ୍ରୀ କର୍ପୂରୀ ଠାକୁର ମରଣୋତ୍ତର ଭାବେ ଦେଶର ସର୍ବାଚ୍ଚ ସମ୍ମାନ ‘ଭାରତରତ୍ନ’ରେ ସମ୍ମାନିତ ହେବେ । 75ତମ ସାଧାରଣତନ୍ତ୍ର ଦିବସ 2 ଦିନ ପୂର୍ବରୁ କେନ୍ଦ୍ର ସରକାରଙ୍କ ପକ୍ଷରୁ ଏହି ଘୋଷଣା ସାମ୍ନାକୁ ଆସିଛି । କର୍ପୁରୀ ଠାକୁର ବରିଷ୍ଠ ରାଜନେତା ସହ ଜଣେ ପ୍ରଖ୍ୟାତ ସମାଜ ସଂସ୍କାରକ ମଧ୍ୟ ଥିଲେ । ବିହାରର ଥରେ ଉପମୁଖ୍ଯମନ୍ତ୍ରୀ ଓ 2 ଥର ମୁଖ୍ୟମନ୍ତ୍ରୀ ହୋଇଥିବା ଏହି ଭେଟେରାନ ସାମାଜବାଦୀ ରାଜନେତା ଅନ୍ୟାନ୍ୟ ପଛୁଆ ବର୍ଗ (ଓବିସି)ର ଉତ୍ଥାନ ପାଇଁ ସାମାଜିକ ଆନ୍ଦୋଳନ ଆରମ୍ଭ କରିଥିଲେ । 1977 ରୁ 1979 ମଧ୍ୟରେ ସେ ମୁଖ୍ୟମନ୍ତ୍ରୀ ଥିବା ସମୟରେ ମୁଙ୍ଗେରୀ ଲାଲ କମିଶନଙ୍କ ସୁପାରିଶକୁ କାର୍ଯ୍ୟକାରୀ କରି ସେ ଅନ୍ୟାନ୍ୟ ପଛୁଆ ବର୍ଗ (ଓବିସି) କୁ ସଂରକ୍ଷଣ ସୁବିଧା ଦେଇଥିଲେ ।
ବିହାର ରାଜନୀତିରେ ବେଶ ଚର୍ଚ୍ଚିତ ଥିବା କର୍ପୂରୀ ପ୍ରଥମ କରି ସ୍ବାଧୀନତା ପରବର୍ତ୍ତୀ ସମୟରେ ବିହାରରେ ହୋଇଥିବା ପ୍ରଥମ ବିଧାନସଭା ନିର୍ବାଚନ ମାଧ୍ୟମରେ ସକ୍ରିୟ ରାଜନୀତି ଆରମ୍ଭ କରିଥିଲେ । 1952 ରେ ସେ ବିହାର ବିଧାନସଭାକୁ ନିର୍ବାଚିତ ହେବା ପରେ ରାଜନୀତିରେ ଲମ୍ବା ସମୟ ଧରି ସକ୍ରିୟ ରହିଥିଲେ । ସେ ଥରେ ଉପମୁଖ୍ୟମନ୍ତ୍ରୀ ଓ ଦୁଇ ଥର ବିହାରର ମୁହୋଇଥିଲେ । ସେ କେବେ ନିର୍ବାଚନ ହାରି ନଥିବା ବେଳେ ବିରୋଧୀ ଦଳ ନେତା ଭାବେ ଦାୟିତ୍ବ ତୁଲାଇଥିଲେ । ନିଜ ଶାସନ ଓ ରାଜନୈତିକ ଜୀବନରେ ସେ ଅନ୍ୟାନ୍ୟ ପଛୁଆ ବର୍ଗର ଉତ୍ଥାନ ପାଇଁ ଲଢେଇ ଲଢିବା ସହ ନିଜ କ୍ଷମତାକାଳରେ ସଂରକ୍ଷଣ ବ୍ୟବସ୍ଥା ମଧ୍ୟ ଲାଗୁ କରିଥିଲେ । 1924 ଜାନୁଆରୀ 24 ରେ ଜନ୍ମଗ୍ରହଣ କରିଥିବା କର୍ପୁରୀଙ୍କର 1988 ଫେବୃଆରୀ 17 ରେ ଦେହାନ୍ତ ହୋଇଥିଲା । ସମାଜବାଦୀ ଚିନ୍ତାଧାରା ଓ ଦଳିତଙ୍କ ସାମାଜିକ ଉତ୍ଥାନ ପାଇଁ ବରିଷ୍ଠ ଅବଦାନ ଦେଇଥିବା କର୍ପୂରୀଙ୍କୁ ‘ଜନନାୟକ’ ବୋଲି ମଧ୍ୟ କୁହାଯାଏ ।
-
I am delighted that the Government of India has decided to confer the Bharat Ratna on the beacon of social justice, the great Jan Nayak Karpoori Thakur Ji and that too at a time when we are marking his birth centenary. This prestigious recognition is a testament to his enduring… pic.twitter.com/9fSJrZJPSP
— Narendra Modi (@narendramodi) January 23, 2024 " class="align-text-top noRightClick twitterSection" data="
">I am delighted that the Government of India has decided to confer the Bharat Ratna on the beacon of social justice, the great Jan Nayak Karpoori Thakur Ji and that too at a time when we are marking his birth centenary. This prestigious recognition is a testament to his enduring… pic.twitter.com/9fSJrZJPSP
— Narendra Modi (@narendramodi) January 23, 2024I am delighted that the Government of India has decided to confer the Bharat Ratna on the beacon of social justice, the great Jan Nayak Karpoori Thakur Ji and that too at a time when we are marking his birth centenary. This prestigious recognition is a testament to his enduring… pic.twitter.com/9fSJrZJPSP
— Narendra Modi (@narendramodi) January 23, 2024
ଏହା ମଧ୍ୟ ପଢନ୍ତୁ :- 5ବର୍ଷରେ ଭାରତ ହେବ ଆଧୁନିକ ଅପରାଧିକ ନ୍ୟାୟ ବ୍ୟବସ୍ଥାର ଦେଶ: ଶାହ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେନ୍ଦ୍ର ସରକାରଙ୍କ ଏହି ନିଷ୍ପତ୍ତିରେ ଆନନ୍ଦ ପ୍ରକାଶ କରିବା ସହ ଟ୍ବିଟ କରିଛନ୍ତି । ପ୍ରଧାନମନ୍ତ୍ରୀ ଲେଖିଛନ୍ତି, ‘‘ ମୁଁ ଖୁସି ଯେ ଭାରତ ସରକାର ମହାନ ସାମାଜିକ ନ୍ୟାୟର ଆଇକନ କର୍ପୂରୀ ଠାକୁରଜୀଙ୍କୁ ‘ଭାରତରତ୍ନ’ ସମ୍ମାନ ସହ ସମ୍ମାନିତ କରିବାକୁ ନିଷ୍ପତ୍ତି ନେଇଛନ୍ତି । ତାଙ୍କ ଜନ୍ମ ଶତବାର୍ଷିକୀ ପାଳନ କରିବା ଅବସରରେ ତାଙ୍କୁ ଏହି ସମ୍ମାନରେ ସମ୍ମାନିତ କରାଯିବା ଅତି ଆନନ୍ଦର ବିଷୟ । ଦଳିତଙ୍କ ଉନ୍ନତି ପାଇଁ ତାଙ୍କର ଅଦମ୍ୟ ପ୍ରତିବଦ୍ଧତା ଓ ଦୂରଦୃଷ୍ଟିସମ୍ପନ୍ନ ନେତୃତ୍ୱ ଭାରତର ସାମାଜିକ-ରାଜନୈତିକ ଦୃଶ୍ୟପଟରେ ଏକ ଅବିସ୍ମରଣୀୟ ଚିହ୍ନ ଛାଡିଛି । ଏହି ସମ୍ମାନ କେବଳ ତାଙ୍କର ଉଲ୍ଲେଖନୀୟ ଅବଦାନକୁ ସମ୍ମାନ ନୁହେଁ ବରଂ ଏକ ନ୍ୟାୟପୂର୍ଣ୍ଣ ତଥା ସମତା-ସମାଜ ଗଠନ କରିବାର ମିଶନ ଜାରି ରଖିବା ପାଇଁ ଆମକୁ ପ୍ରେରଣା ଯୋଗାଇବ ।’’
ବ୍ୟୁରୋ ରିପୋର୍ଟ, ଇଟିଭି ଭାରତ
