हैदराबाद : टाटा मोटर्सनं त्यांच्या पोर्टफोलिओमध्ये टियागो ईव्ही आणि टिगोरसह एंट्री लेव्हल कार टाटा टियागोला अपडेट केलंय. कंपनीनं 2025 या मॉडेलमध्ये नवीन तंत्रज्ञान, नवीन डिझाइन आणि नवीन रंग पर्याय दिले आहेत. कंपनीनं टियागो, टियागो ई, व्ही आणि टिगोरसाठी बुकिंग देखील सुरू केली आहे. 2025 टियागोची सुरुवातीची किंमत 4.99 लाख रुपये, टियागो ईव्हीची किंमत 7.99 लाख रुपये आणि टिगोरची किंमत 5.99 लाख रुपये (एक्स-शोरूम) पासून आहे. कंपनीनं 2025 टियागो पेट्रोल, सीएनजी आणि इलेक्ट्रिक व्हर्जनमध्ये लाँच केलीय. कारमध्ये एमटी आणि एएमटी पर्याय उपलब्ध आहे.
2025 टाटा टियागो
2025 च्या टाटा टियागो आवृत्तीमध्ये फ्रंट ग्रिलच्या खालच्या भागात एक नवीन पॅटर्न आहे. त्यात कोणताही बदल झालेला नाही. अलॉय व्हील्सची रचना पूर्वीसारखीच आहे. एलईडी हेडलाइट्स आणि डीआरएल अपडेट केले आहेत. आतील भागात नवीन रंगसंगती आणि मेलेंज फॅब्रिक अपहोल्स्ट्री देण्यात आली आहे. वैशिष्ट्यांबद्दल बोलायचं झाले तर, त्याच्या बेस व्हेरिएंटमध्ये डिजिटल इन्स्ट्रुमेंट क्लस्टर,सीट्स आणि ऑटोमॅटिक क्लायमेट कंट्रोल मिळेल. या हाय-एंड व्हेरियंटमध्ये 10.25 इंचाची इन्फोटेनमेंट स्क्रीन आणि नवीन टू-स्पोक स्टीअरिंग व्हील असेल.
सुरक्षेसाठी ड्युअल-फ्रंट एअरबॅग्ज
2025 टाटा टियागोमध्ये कोणतेही यांत्रिक बदल केलेले नाहीय. यात 1.2 लिटर इनलाइन थ्री-सिलेंडर पेट्रोल इंजिन मिळेल, जे 82bhp पॉवर आणि 144Nm टॉर्क जनरेट करतं, जे 5 स्पीड मॅन्युअल आणि AMT गिअरबॉक्सशी जोडलेलं आहे. यामध्ये ग्राहकांना सीएनजीचा पर्यायही मिळेल. सुरक्षेसाठी, त्यात ड्युअल-फ्रंट एअरबॅग्ज, ABS, EBD, TPMS आणि ESC मिळेल. 2025 टाटा टियागोच्या बेस व्हेरिएंटची एक्स-शोरूम किंमत 4.99 लाख रुपये आहे. XT व्हेरिएंटची किंमत 30 हजारांनी वाढवण्यात आली आहे.
2025 टाटा टियागो ईव्ही
2025 च्या टाटा टियागो ईव्हीमध्ये सध्याच्या मॉडेलपेक्षा खूप कमी बदल आहेत. बाहेरील भागात एलईडी हेडलाइट्स आणि दारांवर ईव्ही बॅज आहेत. आतील भागात नवीन अपहोल्स्ट्री आहे. ड्रायव्हर डिस्प्ले अपडेट करण्यात आला आहे. त्यात नवीन टू-स्पोक स्टीअरिंग व्हील आहे. 2025 टियागो ईव्हीच्या वैशिष्ट्यांच्या यादीमध्ये अपडेटेड रियर कॅमेरा, नवीन 10.25-इंच इन्फोटेनमेंट स्क्रीन, ऑटोमॅटिक हेडलॅम्प आणि बरेच काही समाविष्ट आहे. 2025 टियागो ईव्हीच्या पॉवरट्रेनमध्ये कोणताही बदल करण्यात आला नाहीय. 2025 टाटा टियागो ईव्हीची बेस व्हेरिएंटची एक्स-शोरूम किंमत 7.99 लाख रुपये आहे. XZ प्रकार बंद करण्यात आला आहे. त्याच्या XT LR व्हेरिएंट आणि XZ Plus Tech Lux LR व्हेरिएंटची किंमत बदलण्यात आली आहे.
2025 टाटा टिगोर
2025 टाटा टिगोरचा बाह्य भाग अपडेट करण्यात आला आहे. यात क्रोम एलिमेंट्ससह नवीन फ्रंट ग्रिल आहे. आतील भागात नवीन फॅब्रिक अपहोल्स्ट्री आणि अपडेटेड इन्स्ट्रुमेंट क्लस्टर आहे. 2025 टाटा टिगोरच्या वैशिष्ट्यांच्या यादीमध्ये 360-अंश पार्किंग कॅमेरा, प्रकाशित लोगोसह नवीन टू-स्पोक स्टीअरिंग व्हील, 10.25-इंच इन्फोटेनमेंट स्क्रीन आणि बरेच काही समाविष्ट आहे. टाटा टिगोरमधील इंजिन पर्याय तेच आहेत. त्यात सीएनजी पर्याय देखील उपलब्ध असेल. 2025 टिगोर एक्सएम व्हेरिएंटची किंमत 5.99 लाख रुपये, एक्स-शोरूम आहे. कंपनीनं या यादीत XT Plus आणि XZ Lux प्रकारांचाही समावेश केला आहे.
हे वचालंत का :
