Samsung Galaxy S25 मालिकेच्या लाँचिंगची तारीख लीक, काय असेल खास?

Samsung Galaxy S25 मालिका लवकरच लॉंच होण्याची शक्यता आहे. Galaxy S25 मालिकीची किंमत किती असेल, फीचर काय असेल खास जाणून घेऊया...

हैदराबाद : Samsung अनेक नवीन अपग्रेड्ससह Galaxy S25 मालिका सादर करण्याची तयारी करत आहे. Samsung पुढील वर्षी त्यांचा पुढील Galaxy S मालिकेचा फोन, Galaxy S25 मालिका लाँच करण्याची तयारी करत आहे. याबाबत अभिषेक यादव यांनी X वर पोस्ट करत, कंपनी 22 जानेवारी 2025 रोजी Samsung Galaxy S25 मालिका लॉंच करणार असल्याचं म्हटलं आहे. मात्र, Samsung कंपनीकडून आद्याप कोणतीही अधिकृत माहिती समोर आलेली नाहीय. या सीरीजमध्ये कंपनी चार फोन लाँच करू शकते, ज्यामध्ये व्हॅनिला Galaxy S25+, Galaxy S25 Ultra आणि एक पूर्णपणे नवीन Galaxy S25 स्लिम प्रकार समाविष्ट आहे.

Samsung Galaxy S25 series launch date confirmed: January 22, 2025.

Via: Evleaks#Samsung #Galaxys25 #GalaxyS25Ultra pic.twitter.com/mQG7zYwCB1

— Abhishek Yadav (@yabhishekhd) December 18, 2024

Samsung Galaxy S25 Ultra कधी होणार लाँच? : सॅमसंगनं अद्याप Samsung Galaxy S25 Ultra च्या लाँचची तारीख अधिकृतपणे जाहीर केलेली नाही, परंतु संभाव्य लाँच तारखेबद्दल अफवा पसरल्या आहेत. अभिषेक यादव यांनी केलेल्या पोस्टनुसार कंपनी 22 जानेवारी रोजी एका कार्यक्रमात भारत आणि इतर बाजारपेठांमध्ये नवीन Galaxy S25 Ultra लाँच करू शकते, असं म्हटलं आहे.

Samsung Galaxy S25 Ultra ची किंमत (अपेक्षित) : सॅमसंग गॅलेक्सी S24 Ultra या वर्षी जानेवारीमध्ये भारतात 1,29,999 रुपयांच्या सुरुवातीच्या किमतीसह लाँच झाला. येणाऱ्या Samsung Galaxy S25 Ultra ची किंमतही सारखीच असण्याची शक्यता आहे. मात्र, फोनची नेमकी किंमत लॉंच कार्यक्रमात जाहीर झाल्यानंतरच कळेल.

सॅमसंग गॅलेक्सी S25 Ultra मध्ये काय असेल खास? : सॅमसंग गॅलेक्सी S25 Ultra मध्ये hQualcomm चा सर्वात अप्रतिम स्नॅपड्रॅगन 8 Elite चिपसेट असण्याची अपेक्षा आहे. स्मार्टफोन नवीन Galaxy AI वैशिष्ट्यांसह सुसज्ज असू शकतो. हँडसेटमध्ये सुधारित AI प्रक्रियेसह 200MP चा कॅमेरा असण्याची शक्यता आहे.

12 मेगापिक्सेलचा अल्ट्रा-वाइड कॅमेरा : गॅलेक्सी S25 अल्ट्रामध्ये 12 मेगापिक्सेलचा अल्ट्रा-वाइड कॅमेरा आणि 3x आणि 10x ऑप्टिकल झूमसह दोन टेलिफोटो लेन्स असू शकतात. फोन 100x स्पेस झूम देऊ शकतो. डिस्प्लेबद्दल बोलायचं झालं तर, हा फोन 120 हर्ट्झच्या रिफ्रेश रेटसह 6.9 -इंचाचा डायनॅमिक एमोलेड 2एक्स डिस्प्ले देऊ शकतो.

हे वाचलंत का :