हैदराबाद Jio Bharat V3 and V4 4G Launch : Jio नं मोबाईल काँग्रेस (IMC) 2024 मध्ये आणखी दोन स्वस्त 4G फोन लाँच केले आहेत. जिओच्या भारत सीरिजमध्ये लॉन्च केलेल्या V2 4G फोनचे हे अपग्रेडेड मॉडेल्स आहेत. JioPay ला JioBharat V3 4G आणि V4 4G फोनसह UPI पेमेंट करण्यासाठी एकत्रित केलं आहे. याशिवाय यूजर्सना 450 हून अधिक मोफत लाइव्ह टीव्ही चॅनेल, अमर्यादित व्हॉईस कॉलिंग आणि स्वस्त इंटरनेट डेटाचा लाभही मिळणार आहे.
जियो ने लॉन्च किये दो शानदार फीचर वाले 4जी मोबाइल फ़ोन JioBharatV3 और JioBharatV4
— AkashMAmbani (@AkashMAmbani) October 15, 2024
डिज़ाइन में शानदार
फीचर से भरपूर जियो JioTV पर 455 से ज्यादा चैनल्स लाइव
जियो सिनेमा पर फिल्म, खेल और सीरियल अपनी क्षेत्रीय भाषा में
JioSaavn पर अपनी भाषा में संगीत का आनंद
JioChat, FMRadio,… pic.twitter.com/ISWzfajwBB
किती आहे किंमत ? : JioBharat V3 आणि V4 4G फोनची किंमत फक्त 1 हजार 99 रुपये आहे. हे दोन्ही फीचर फोन Amazon, JioMart यासह देशातील आघाडीच्या रिटेल स्टोअरमधून खरेदी केले जाऊ शकतात. या दोन्ही फीचर फोनसह, कंपनी 123 रुपयांचा एक महिन्याचा रिचार्ज प्लॅन देत आहे, ज्यामध्ये वापरकर्त्यांना एकूण 14GB डेटासह देशभरातील कोणत्याही नेटवर्कवर मोफत कॉलिंगचा लाभ मिळेल.
JioBharat V3, V4 4G ची वैशिष्ट्ये : Jio चे हे दोन्ही 4G फीचर फोन समान फीचर्ससह येतात. मात्र, या दोन्ही फोनच्या डिझाइनमध्ये फरक आहे. गेल्या वर्षी लाँच झालेल्या JioBharat V2 च्या तुलनेत V3 ला स्टायलिश बनवण्यात आलं आहे. त्याच वेळी, V4 चे डिझाइन आकर्षक करण्यात आलं आहे. हे दोन्ही फोन 1,000mAh च्या पॉवरफुल बॅटरीसह येतात. हे 128GB पर्यंतच्या स्टोरेजसह बाह्य मेमरी कार्डांना समर्थन देतात. त्याच वेळी, हे फोन 23 भारतीय भाषांच्या समर्थनासह येतात.
455 लाइव्ह टीव्हीचा लाभ : Jio नं या दोन्ही 4G फीचर फोनमध्ये JioTV ॲपसाठी ऑपशन दिलं आहे. ज्याद्वारे तुम्ही 455 लाइव्ह टीव्ही चॅनेल विनामूल्य पाहू शकता. याशिवाय, Jio Cinema ॲपवर प्रवेश देखील उपलब्ध असेल, ज्यामध्ये वापरकर्ते त्यांच्या आवडत्या वेब सीरिज, टीव्ही शो आणि चित्रपट पाहू शकतील. एवढंच नाही तर जिओचं हे फीचर फोन कोणत्याही स्मार्टफोनपेक्षा कमी नाहीत. यामध्ये JioChat समर्थित आहे, ज्याद्वारे वापरकर्ते इन्स्टंट मेसेजिंगचा आनंद घेऊ शकतात.
मल्टीमीडिया फीचर : एवढंच नाही तर या दोन्ही फोनना UPI पेमेंट करण्यासाठी JioPay वर प्रवेश देण्यात आला आहे. याशिवाय, कीपॅडसह या दोन्ही मल्टीमीडिया फीचर फोनमध्ये एक इन-बिल्ड साउंड बॉक्स देखील आहे, जो UPI व्यवहारानंतर पेमेंटची माहिती देईल.
हे वाचलंत का :
