हैदराबाद MGNREGA Job Card : राष्ट्रीय ग्रामीण रोजगार हमी कायदा (MGNREGA ) ग्रामीण नागरिकांना रोजगाराची हमी देतो. मनरेगा जॉब कार्डसाठी अर्ज करणं आता पूर्वीपेक्षा सोपं झालं आहे. महात्मा गांधी राष्ट्रीय रोजगार हमी योजनेंतर्गत (MGNREGA) सरकार ग्रामीण भागातील बेरोजगारांना 100 दिवसांची रोजगार हमी देते. जर तुम्ही तुमच्या ग्रामपंचायतीमध्ये मनरेगा अंतर्गत काम करत असाल, तर तुमच्याकडं मनरेगा जॉब कार्ड असणे आवश्यक आहे. हे कार्ड तुम्हाला अनेक सरकारी योजनांचा लाभ मिळवून देण्यास मदत करेल. तसंच तुमच्या कामाची नोंद त्यामध्ये केली जाईल, जेणेकरून तुम्ही केलेल्या कामाची संपूर्ण नोंद सरकारकडं असेल. आज आपण जॉब कार्डसाठी अर्ज कसा करायचा?, त्यासाठी काय पात्रता आहे? आवश्यक कागदपत्राची तपशीलवार माहिती पाहणार आहोत.
NREGA जॉब कार्डसाठी ऑनलाइन अर्ज कसा करावा : सर्वप्रथम तुम्हाला उमंग किंवा उमंग ॲपच्या अधिकृत वेबसाइटवर जावे लागेल. यानंतर, तुम्हाला नोंदणी किंवा लॉगिन करावं लागेल. मनरेगा "जॉब कार्ड अर्जावर क्लिक करा. तुम्हाला एक फॉर्म भरावा लागेल, ज्यामध्ये तुम्हाला तुमची सामान्य माहिती आणि कुटुंबप्रमुखाचं नाव, शिधापत्रिका क्रमांक इत्यादी भरावं लागेल. यानंतर, तुम्हाला तुमचा फोटो अपलोड करावा लागेल आणि “Apply for Job Card” वर क्लिक करा. यानंतर, तुमचा फॉर्म सबमिट केला जाईल आणि तुम्हाला एक नोंदणी क्रमांक मिळेल.
नरेगा जॉब कार्डसाठी आवश्यक कागदपत्रं :
- आधार कार्ड
- पत्त्याचा पुरावा
- वय प्रमाणपत्र
- शिधापत्रिका
- जात प्रमाणपत्र
- मोबाईल नंबर
- उत्पन्न प्रमाणपत्र
- पासपोर्ट साइज फोटो इ.
नरेगा जॉब कार्डचे फायदे :
- नरेगा जॉब कार्डधारकांना दरवर्षी 100 दिवसांची रोजगार हमी मिळते.
- जॉब कार्डधारकांना दररोजच्या कामासाठी एक निश्चित रक्कम मिळते, जी त्यांच्या बँक खात्यात हस्तांतरित केली जाते.
- जॉबकार्डधारकांना शासकीय योजनांमध्ये प्राधान्य दिलं जात असल्यानं या कार्डद्वारे अनेक शासकीय योजनांचं लाभ मिळू शकतात.
- जॉब कार्डमध्ये कामगारांच्या कामाची नोंद केली जाते, ज्याद्वारे सरकार कामगारांना रोजगाराची खात्री देते.
हे वाचलंत का :