हैदराबाद Jio Ultimate 5G Upgrade Voucher : रिलायन्स जिओनं आपल्या ग्राहकांसाठी एक नवीन "5G अपग्रेड व्हाउचर" लाँच केलं आहे, ज्याची किंमत 601 रुपये आहे. या व्हाउचरसह, ग्राहकांना एका वर्षासाठी अमर्यादित 5G डेटा देखील दिला जाईल. जाणून घेऊया 5G अपग्रेड व्हाउचरबद्दल...
या वापरकर्त्यांना फायदा होईल : यापूर्वी केवळ 299 किंवा त्याहून अधिक डेटा पॅक असलेले वापरकर्ते अमर्यादित 5G वापरू शकत होते, ज्यामध्ये दररोज किमान 2GB डेटा उपलब्ध होता. हे नवीन व्हाउचर कमी डेटा वापरत असलेल्या वापरकर्त्यांसाठी आहे. आता डेटा कमी वापरणारे ग्राहक देखील जास्त पैसे खर्च न करता Jio च्या 5G नेटवर्कचा आनंद घेऊ शकतात.
12 महिन्यांसाठी अमर्यादित 5G डेटा : वापरकर्ते हे व्हाउचर फक्त एकाच वेळी 601 भरून सक्रिय करू शकतात. त्यानंतर 12 महिन्यांसाठी अमर्यादित 5G डेटा वापरू शकतात. तुम्ही ते MyJio ॲपवरून खरेदी करू शकता आणि तुमच्या सोयीनुसार ते सक्रिय करू शकता. परंतु या व्हाउचरमध्ये अमर्यादित डेटासह (FUP) धोरण देखील असण्याची शक्यता आहे. म्हणजेच ठराविक प्रमाणात डेटा वापरल्यानंतर इंटरनेटचा वेग कमी होईल.
व्हाउचर कसं सक्रिय करावं : Jio चे 601 5G व्हाउचर खरेदी करण्यासाठी, तुम्हाला Jio च्या अधिकृत वेबसाइटवर जावं लागेल. यानंतर, तुम्हाला ₹601 चे गिफ्ट कार्ड खरेदी करावं लागेल, जे तुम्हाला 1 वर्षासाठी अमर्यादित 5G डेटा देतं. तुम्ही व्हाउचर थेट Jio वेबसाइटवरून खरेदी करू शकता आणि नंतर MyJio ॲपवरून ते स्वतः रिडीम करू शकता. यानंतर, तुम्ही एका वर्षासाठी अमर्यादित 5G डेटाचा आनंद घेऊ शकता.
हे वाचलंत का :
