मुंबई Hyundai Alcazar facelift Launched : Hyundai नं भारतात 2024 Hyundai Alcazar लाँच केली आहे. कंपनीनं त्याचे बुकिंग आधीच सुरू केलं होतं. ही कार दोन इंजिन पर्यायांमध्ये लॉन्च करण्यात आले आहे. यासोबतच यात 70 हून अधिक कनेक्टेड कार फीचर्स यात देण्यात आले आहेत. एवढंच नाही, तर तुम्ही तुमच्या फोन किंवा स्मार्टवॉचच्या माध्यमातून कारचा दारवाजा लॉक अनलॉक करू शकता. नवीन अल्काझर एक्झिक्युटिव्ह, प्रेस्टिज, प्लॅटिनम आणि सिग्नेचर अशा चार प्रकारात लाँच करण्यात आली आहे. चला जाणून घेऊया Hyundai Alcazar कोणत्या फीचर्ससह लॉन्च करण्यात आली आहे.
बॉक्सी एलईडी हेडलाइट्स : नवीन अल्काझरच्या पुढील भागामध्ये कंपनीच्या लोगोसह कनेक्टेड LED DRL सेटअप आहे. याच्या खाली, एक मोठी ग्रिल दिली आहे, ज्याच्या दोन्ही बाजूंना बॉक्सी एलईडी हेडलाइट्स आहेत. वाहनाच्या बंपरवर सिल्व्हर स्किड प्लेट देण्यात आली आहे, ज्यामुळं कारचा लूक छान दिसतो. यात 18 इंची अलॉय व्हील्स आहेत.
इंटिरियर डिझाइन : नवीन अल्काझारमध्ये कंट्रोल पॅनेलसह ड्युअल झोन स्वयंचलित हवामान नियंत्रण आहे. यामध्ये इन-बिल्ट नेव्हिगेशनसह इन्फोटेनमेंट सिस्टीम आणण्यात आली आहे. यात स्लीक एसी व्हेंट आणि क्रोम इन्सर्टसह ग्लॉस ब्लॅक स्ट्रिप आहे. केबिनच्या सर्व कोपऱ्यांवर सॉफ्ट टच मटेरियलसह लेदरेट अपहोल्स्ट्री आहे. यासोबतच सेंटर कन्सोल, दरवाजे आणि स्टीयरिंग व्हीलवर ग्लॉस ब्लॅक आणि क्रोम एलिमेंट्स देण्यात आले आहेत. नवीन अल्काझार अजूनही 6- आणि 7-सीटर अशा दोन्ही पर्यायांमध्ये उपलब्ध आहे.
Hyundai Alcazar फिचर : नवीन Alcazar मध्ये ड्युअल-स्क्रीन सेटअप आहे, ज्यामध्ये 10.25-इंच टचस्क्रीन इन्फोटेनमेंट सिस्टम आणि 10.25-इंचाचा डिजिटल ड्रायव्हर डिस्प्ले समाविष्ट आहे. यात ड्युअल-झोन क्लायमेट कंट्रोल, अँड्रॉइड ऑटो आणि ऍपल कारप्ले, वायरलेस फोन चार्जर, पॅनोरामिक सनरूफ आणि क्रूझ कंट्रोल सारखी वैशिष्ट्ये आहेत. समोरच्या सीटसाठी 8-वे पॉवर ऍडजस्टमेंट देखील आहे. Alcazar मध्ये इलेक्ट्रिक बॉस मोड देण्यात आला आहे.
Hyundai Alcazar सुरक्षा फिचर : प्रवाशांची सुरक्षितता लक्षात घेऊन, नवीन अल्काझरमध्ये 6 एअरबॅग्ज, EBD सह ABS, इलेक्ट्रॉनिक स्थिरता नियंत्रण (ESC), टायर प्रेशर मॉनिटरिंग सिस्टम (TPMS), हिल स्टार्ट असिस्ट, हिल डिसेंट कंट्रोल, ऑल-व्हील डिस्क ब्रेक यांसारखी वैशिष्ट्ये आहेत. , ऑटो होल्डमध्ये इलेक्ट्रॉनिक पार्किंग ब्रेक आणि ब्लाइंड व्ह्यू मॉनिटरसह 360-डिग्री कॅमेरा देखील देण्यात आला आहे. नवीन Alcazar मध्ये लेन कीप असिस्ट, अडॅप्टिव्ह क्रूझ कंट्रोल आणि ऑटोनॉमस इमर्जन्सी ब्रेकिंग यांसारख्या लेव्हल-2 ADAS (प्रगत ड्रायव्हर असिस्टन्स सिस्टीम) प्रगत वैशिष्ट्यांसह देखील येतो.
कनेक्टिव्हिटी : नवीन Alcazar मध्ये 70+ पेक्षा जास्त ब्लूलिंक कनेक्टेड कार वैशिष्ट्ये प्रदान करण्यात आली आहेत. यामध्ये स्मार्टवॉच आणि स्मार्ट फोन कनेक्टिव्हिटीही देण्यात आली आहे. या प्रीमियम SUV मध्ये 270+ एम्बेडेड VR कमांड्स आहेत, जे हिंग्लिश आणि 135 हिंदी व्हॉईस कमांड्ससह येतात. 10 प्रादेशिक आणि 2 आंतरराष्ट्रीय भाषा यामध्ये देण्यात आल्या आहेत.
Hyundai Alcazar इंजिन : नवीन Hyundai Alcazar 1.5 लिटर टर्बो-पेट्रोल आणि 1.5 लिटर डिझेल इंजिन पर्यायांसह लॉन्च करण्यात आली आहे. त्याचे 1.5 लीटर टर्बो-पेट्रोल इंजिन 160 पीएस पॉवर आणि 253 एनएम टॉर्क जनरेट करतं. त्याचं इंजिन 6MT किंवा 7DCT गिअरबॉक्ससह जोडलेलं आहे. त्याच वेळी, कारचं 1.5 लिटर डिझेल इंजिन 116 पीएस पॉवर आणि 250 Nm टॉर्क जनरेट करतं. हे इंजिन 6MT किंवा 6AT गिअरबॉक्सशी जोडलेलं आहे.
Hyundai Alcazar मायलेज :
- 1.5 लिटर टर्बो-पेट्रोल इंजिन 6MT - 17.5 किमी/लि
- 1.5 लिटर टर्बो-पेट्रोल इंजिन 7DCT - 18.0 किमी/लि
- 1.5 लिटर डिझेल इंजिन 6MT - 20.4 किमी/लि
- 1.5 लिटर डिझेल इंजिन 6AT - 18.1 किमी/लि
Hyundai Alcazar किंमत : नवीन Alcazar च्या 1.5 लीटर टर्बो-पेट्रोल इंजिन प्रकाराची एक्स-शोरूम किंमत 14.99 लाख रुपये आहे. नवीन Alcazar च्या 1.5 लीटर डिझेल इंजिन प्रकाराची एक्स-शोरूम किंमत 15.99 लाख रुपये आहे.
हे वाचलंत का :
- Tata Motors च्या फेस्टिव्हल ऑफर्सचा धमाका : सणासुदीच्या हंगामात SUV वर बंपर सुट - Tata Motors Festival Cars Offers
- इलेक्ट्रिक वाहनांच्या किमतीत 3 लाखांची कपात, मोफत चार्जिंग सुविधा, ऑफर मर्यादित कालावधीसाठी - Tata Motors Festival EV Cars Offers
- Apple iPhone 16 मालिकासह AirPods, स्मार्टवॉच लॉन्च - Apple AirPods 4 launched
