हैदराबाद : Google कंपनीनं फ्लॅगशिप Pixel 9 मालिकेसह स्मार्टफोन आणि टॅब्लेटसाठी Android 15 आधारित नवीनतम अपडेट आणले आहेत. स्मार्टफोनवर नवीनतम Android OS अपडेट पुश करणारा गुगल पहिला ब्रँड ठरलाय. vivo आणि iQOO सारख्या ब्रँडनं त्यांच्या काही डिव्हाइसेसना नवीनतम Android 15 आधारित FunTouchOS 15 सह आधीच अपडेट केलं आहे. गुगल पिक्सेल टॅब्लेट आणि पिक्सेल फोल्डसह 13 पिक्सेल डिव्हाइस अपडेट करता येणार आहेत. चला तर जाणून घेऊया यूजर्सना कोणत्या स्मार्टफोन्समध्ये Android 15 ची सुविधा मिळणार आहे.
Google Pixel Android 15 अपडेट : Android 15 अपडेटमुळ तुमच्या फोनची सुरक्षा अधिकच चांगली होणार आहे. फोन अपडेट केल्यानंतर चोरीला गेल्यास पन्हा मिळवता येऊ शकतो. मात्र, Android 14 आणि Android 15 मध्ये फारसा फरक नाहीय. Android 15 तुम्हाला तुमचा चोरीला गेलेला Pixel स्मार्टफोन पुनर्प्राप्त करण्यात मदत करू शकतो, असा कंपनीचा दावा आहे. यात वापरकर्त्यांना एआय-बॅक्ड थेफ्ट डिटेक्शन लॉक मिळतंय. या फीचरमुळं तुमचा फोन कोणी चोरल्यास किंवा हिसकावून घेतल्यास स्मार्टफोन आपोआप लॉक होतो.
'या' स्मार्टफोन्सला करणार सपोर्ट :
- Google Pixel 6
- Google 6 Pro
- Google Pixel 6a
- Google Pixel 7
- Google Pixel 7 Pro
- Google Pixel 7a
- Google Pixel 8
- Google 8 Pro
- Google Pixel 9
- Google Pixel 9 Pro
- Google Pixel 9 Pro Fold
- Google Pixel Fold
- Pixel tablet
कसं करणार डाउनलोड :
1. सर्वप्रथम तुम्ही फोनच्या सेटिंगमध्ये जा.
2. तिथं गेल्यावर System Update वर जा.
3. त्यानंतर तुम्ही डाउनलोड बटणावर क्लिक करून Android 15 इंस्टॉल करू शकता.
हे वाचलंत का :
