हैदराबाद : ऑस्ट्रियास्थित मोटारसायकल उत्पादक ब्रिक्सटन मोटरसायकलनं आपल्या चार बाईक Crossfire 500X, Crossfire 500XC, Cromwell 1200 आणि Cromwell 1200X भारतीय बाजारात लॉंच केल्या आहेत. त्यांच्या किंमती अनुक्रमे 4.74 लाख, 5.19 लाख, 7.83 लाख आणि 9.10 लाख रुपये (एक्स-शोरूम) आहेत.
माहितीनुसार, क्रॉसफायर आणि क्रॉमवेल मॉडेल्सची डिलिव्हरी जानेवारी 2025 मध्ये सुरू होईल. इतर ब्रिक्सटन मोटारसायकलींप्रमाणे, भारतात लॉंच झालेल्या या चार मॉडेल्सना निओ-रेट्रो डिझाइन देण्यात आलं आहे. Crossfire 500X ही कॅफे रेसर बाईक आहे, तर क्रॉमवेल 1200 ही रोडस्टर बाईक आहे. तर Crossfire 500X आणि Cromwell 1200X स्क्रॅम्बलर डेरिव्हेटिव्ह दुचाकी आहे.
Brixton Crossfire 500X आणि Crossfire 500XC ची वैशिष्ट्ये : Brixton Crossfire 500X आणि Crossfire 500XC 486cc, लिक्विड-कूल्ड, इनलाइन दोन-सिलेंडर इंजिनसह येतात. हे इंजिन ४५ बीएचपी पॉवर आणि ४३ एनएम पीक टॉर्क प्रदान करतं. दोन्ही मोटरसायकलमध्ये 6-स्पीड मॅन्युअल गिअरबॉक्स आहे. ब्रिक्सटनचा दावा आहे की क्रॉसफायर 500X आणि क्रॉसफायर 500XC चा टॉप स्पीड 160 किमी/तासी आहे.
Crossfire 500X दुचाकी कॅफे रेसर : Crossfire 500X ही कॅफे रेसर आहे, तर Crossfire 500XC ही स्क्रॅम्बलर बाईक आहे. क्रॉसफायर 500X समोर USD फॉर्क्स आणि मागील बाजूस सिंगल शॉक असलेल्या स्विंगआर्मसह सुसज्ज आहे. दुसरीकडं, 500XC मध्ये, समोरील बाजूस ॲडजस्टेबल प्रीलोडसह लाँग ट्रॅव्हल USD फोर्क्स आणि मागील बाजूस रिबाउंड डॅम्पिंगसह ॲडजस्टेबल सिंगल शॉक आहे.
ब्रिक्सटन क्रॉमवेल 1200 आणि क्रॉमवेल 1200X ची वैशिष्ट्ये : या दोन्ही मोटरसायकलमध्ये 1222cc, लिक्विड-कूल्ड इनलाइन-फोर इंजिन आहे. हे इंजिन 80 bhp पॉवर आणि 108 Nm चा पीक टॉर्क प्रदान करतं. दोन्ही मोटारसायकलमध्ये 6-स्पीड गिअरबॉक्स वापरण्यात आला आहे. या मोटरसायकलचा कमाल वेग 198 किमी/तासी आहे.
हे वाचलंत का :
