मनोहर भिडेंच्या प्रतीकात्मक मिश्या कापत 'जोडो मारत आंदोलन', 'त्या' वक्तव्यानं महिला कॉंग्रेसचा संताप अनावर - WOMAN CONGRESS PROTEST

Woman Congress Protest : शिवप्रतिष्ठान हिंदुस्थान या संस्थेचे अध्यक्ष मनोहन भिडे यांनी आपल्याला मिळालेलं स्वातंत्र्य दळभद्री मिळालं आहे, असे वक्तव्य केलं. तसेच महिलांबद्दल वादग्रस्त वक्तव्य केलं आहे. त्याच्या निषेधार्थ पुणे शहर महिला काँग्रेसकडून मनोहर भिडे यांच्या प्रतिकात्मक मिश्या कापत त्यांच्या प्रतिमेला जोडो मारत आंदोलन करण्यात आलं आहे.

पुणे Woman Congress Protest : पुण्यातील फडके हौद येथे पुणे शहर काँग्रेस पक्षाच्यावतीनं आज (3 जुलै) मनोहर भिडे यांच्या विरोधात आंदोलन करण्यात आलं. यावेळी भिडे यांच्या विरोधात जोरदार घोषणाबाजी करण्यात आली. यावेळी काँग्रेसचे शहराध्यक्ष अरविंद शिंदे म्हणाले की, "मनोहर भिडे यांनी महिलांचा अपमान केला आहे. त्यांच्यावर गुन्हा दाखल करावा ही, आमची मागणी आहे. तसेच स्वातंत्र्याबद्दल अपशब्द वापरले आहेत, त देखील निषेधार्थ आहे. आज आम्ही प्रतीकात्मक स्वरूपात भिडे यांच्या मिश्या कापण्याचं काम केलं आहे. ज्या माणसाला महिलांचा सन्मान करता येत नाही, अशा व्यक्तीला मिश्या ठेवायचा अधिकार नाही."

भाजपाचा बोलवती धनी भिडेच : यावेळी काँग्रेस उपाध्यक्षा संगीता तिवारी म्हणाल्या की, "मनोहर भिडे यांनी केलेलं वक्तव्य निषेधार्य आहे. आज एवढं वक्तव्य करून भाजपाकडून काहीही बोललं जात नाहीये. याचा अर्थ भाजपाचं भिडे यांना समर्थन आहे. राज्याचे गृहमंत्री आत्ता कुठे गेले ते का याबाबत बोलत नाहीय. याचा अर्थ भाजपा हा बोलावता धनी आहे," असे यावेळी तिवारी म्हणाल्या.