चेन्नई - Sardar 2 Stuntman Death : तमिळ चित्रपटसृष्टीतून एक अतिशय हृदय पिळवूटून टाकणारी बातमी समोर आली आहे. दाक्षिणात्य अभिनेता कार्ती (अभिनेता सूर्याचा भाऊ) च्या आगामी 'सरदार 2' चित्रपटाच्या सेटवर स्टंट करत असताना स्टंटमॅन इझुमुल्लईचा मृत्यू झाला. इझुमुलई हे 'सरदार 2' चित्रपटासाठी एका अ‍ॅक्शन सीनचे शूटिंग करत होते आणि याच दरम्यान 20 व्या मजल्यावरून पडल्यानं त्यांचा मृत्यू झाला. इझुमुलई यांच्या निधनामुळे सेटवर शोककळा पसरली असून चित्रपटाचं शूटिंग थांबवण्यात आलं आहे. चेन्नईतील सालीग्रामम येथील प्रसाद स्टुडिओमध्ये १५ जुलैपासून या चित्रपटाचे शूटिंग सुरू झालं. या घटनेची माहिती स्थानिक पोलिसांना देण्यात आली असून आता पोलीस त्याचा तपास करत आहेत.
मिळालेल्या बातमीनुसार, पडल्यामुळे स्टंटमनला गंभीर दुखापत झाली होती, परंतु अंतर्गत रक्तस्त्रावामुळे त्यांचा मृत्यू झाला. या अपघातानंतर शूटिंग थांबवण्यात आले आहे. 'सरदार 2' चित्रपटाचे दिग्दर्शक पीएस मिथरान, अभिनेता कार्ती आणि प्रॉडक्शन हाऊसकडून अद्याप अधिकृत स्पष्टीकरण आलेलं नाही.
The auspicious pooja for #Karthi starrer #Sardar2 took place recently and the shooting of the film is scheduled to start on July 15th 2024 in grand sets in Chennai.@Karthi_Offl @psmithran @Prince_Pictures @lakku76 @venkatavmedia @thisisysr @george_dop @rajeevan69 @dhilipaction… pic.twitter.com/nVraSAbMi4
— Prince Pictures (@Prince_Pictures) July 12, 2024
12 जुलै रोजी पूजा समारंभासह 'सरदार 2' चित्रपटाची घोषणा करण्यात आली होती. सरदार 2 चित्रपटाच्या पूजा समारंभात अभिनेता कार्ती आणि दिग्दर्शकासह चित्रपटाची संपूर्ण टीम उपस्थित होती. साऊथ सिनेसृष्टीतील दिग्गज अभिनेते शिवकुमार यांनीही 'सरदार 2' च्या पूजा सोहळ्याला हजेरी लावली.
'सरदार २' हा चित्रपट २०२२ मध्ये प्रदर्शित झालेल्या 'सरदार' चित्रपटाचा सीक्वल आहे. यामध्ये कार्ती याच्या बरोबर राशि खन्ना, लैला, ऋत्विक, राजिशा विजयन, चंकी पांडे आणि मुनीषकांत या अभिनेत्री दिसल्या होत्या. 'सरदार' हा कार्तीच्या कारकिर्दीतील हिट चित्रपटांपैकी एक आहे.
