निवती समुद्रात मच्छिमारी करणारी बोट उलटली; दोन खलाशांचा मृत्यू - Sindhudurg Boat Accident

निवती समुद्रातून मच्छिमारी करुन परत येत असताना बोट उलटून झालेल्या दुर्घटनेत दोन खलांशांचा मृत्यू झाल्याची घटना घडली आहे. ही घटना पहाटे दोन वाजेच्या सुमारास घडली.

सिंधुदुर्ग : निवती समुद्रातून मच्छिमारी करुन परत येत असताना निवती येथील मच्छिमार आनंद धुरी यांची बोट उलटून दोन खलाशांचा मृत्यू झालाय. या बोटीमध्ये एकूण 14 खलाशी होते.

समुद्र किनाऱ्यापासून 200 मीटर अंतरावर बुडाली बोट : शुक्रवारी (4 ऑक्टोबर) रात्री 8 वाजेच्या सुमारास निवती येथील मच्छिमार आनंद धुरी त्यांच्या बोटीतून एकूण 14 खलाशांना घेऊन समुद्रात मच्छिमारी करण्यासाठी गेले होते. मध्यरात्रीच्या नंतर त्यांनी निवती समुद्राच्या किनारी परतीचा प्रवास करत असताना किनाऱ्यापासून जवळच असलेल्या म्हणजेच ज्या ठिकाणी समुद्र आणि खाडी एकत्रित येतात त्या ठिकाणी ही दुर्घटना घडली.

समुद्र किनाऱ्यापासून 200 मीटर अंतर असताना ही बोट बुडाली. यातील मृत्यू झालेले आनंद पुंडलिक पराडकर हे श्रीरामवाडी कोचरा येथील आणि येरागी खलाशी हे खवणे येथील रहिवासी होते. या दुर्घटनेमुळं निवती गावात दुःखाचं वातावरण निर्माण झालं आहे.

हेही वाचा -