मुंबई : पुणे ग्रामीण पोलिसांनी एक कार पकडून त्यामधील 5 कोटी रुपयाची रोकड जप्त केली आहे. मात्र या कारवाईवर आता विरोधकांकडून मोठी टीका करण्यात येत आहे. उबाठा गटाचे नेते संजय राऊत यांनी एकनाथ शिंदे यांच्या शिवसेनेतील नेत्यावर आरोप केल्यानंतर आता राष्ट्रवादी काँग्रेसचे नेते रोहित पवार यांनीही सरकारवर हल्लाबोल केला आहे. "हा विधानसभा निवडणुकीसाठी 25 -25 कोटी रुपयांचा पहिला हप्ता आहे. यातील एक गाडी पकडण्यात आली, इतर चार गाड्या कुठं आहेत," असा सवाल रोहित पवार यांनी केला.
सत्ताधारी पक्षाच्या उमेदवारांना निवडणुकीसाठी पहिली इंस्टॉलमेंट म्हणून 25- 25 कोटी दिले गेले असल्याची चर्चा असून काल यातलीच एक गाडी खेड-शिवापूर च्या #डोंगार_झाडीमध्ये पकडली गेली. एक गाडी सापडली पण अजून चार गाड्या कुठे आहेत?
— Rohit Pawar (@RRPSpeaks) October 22, 2024
लोकसभेलाही सत्ताधाऱ्यांनी पाण्यासारखा पैसा ओतून… pic.twitter.com/B9Z4gbqRk7
कारमधून पकडले 5 कोटी रुपये : विधानसभा निवडणूक 2024 च्या पार्श्वभूमीवर पुणे पोलिसांनी तगडा पोलीस बंदोबस्त लावला आहे. या बंदोबस्तात सोमवारी पुणे ग्रामीण पोलिसांनी एका कारमधून तब्बल 5 कोटी रुपयाची रोख रक्कम पकडली आहे. ही रोख रक्कम साताऱ्याकडं नेण्यात येत असल्याची माहिती पोलिसांनी दिली. यावेळी पोलिसांनी ही रोख कोणाची होती, कुठं नेण्यात येत होती, याबाबतची अधिकृत माहिती अद्यापही दिली नाही. मात्र ही रक्कम सोलापूर जिल्ह्यातील एका सत्ताधारी आमदाराची असल्याचा आरोप उबाठा गटाचे नेते खासदार संजय राऊत यांनी केला.
एक गाडी पकडली चार कुठं गेल्या, रोहित पवारांचा आरोप : राष्ट्रवादी शरदचंद्र पवार गटाचे आमदार रोहित पवार यांनी सरकारवर मोठा हल्लाबोल केला. "सत्ताधारी पक्षाच्या उमेदवारांना निवडणुकीसाठी पहिली इंस्टॉलमेंट म्हणून 25- 25 कोटी दिले गेले असल्याची चर्चा असून काल यातलीच एक गाडी खेड-शिवापूर च्या #डोंगार_झाडीमध्ये पकडली गेली. एक गाडी सापडली पण अजून चार गाड्या कुठे आहेत?
लोकसभेलाही सत्ताधाऱ्यांनी पाण्यासारखा पैसा ओतून महाराष्ट्राच्या जनतेला विकत घेण्याचा प्रयत्न केला, परंतु इथल्या स्वाभिमानी जनतेने महायुतीला कात्रजचा घाट दाखवला.
विधानसभेलाही #दलालीतून आलेल्या पैशाच्या जोरावर रात्रीस खेळ करण्याचा महायुतीचा कानमंत्र असला तरी, महाराष्ट्राशी गद्दारी करणाऱ्या खोकेबाजांना इथली जनता ok करुन डोंगर दऱ्या बघण्यासाठी पर्मनंट घरी पाठवणार, हे नक्की आहे.
कारण ‘महाराष्ट्र आहे, गुजरात नाही’ हे सत्ताधाऱ्यांनी लक्षात ठेवावं!" अशी तिखट प्रतिक्रिया रोहित पवार यांनी सोशल माध्यमांवर व्यक्त केली.
हेही वाचा :
- सरकार भपकेबाज; विचारसरणी समजते, एसटीत हवाई सुंदरी आणण्यावरून रोहित पवार संतापले - ST Corporation Chairman
- देवेंद्र फडणवीस घाबरलेत; भाजपा 60 जागांच्या पुढे जाऊ शकत नाही, रोहित पवारांची भविष्यवाणी - Rohit Pawar On Devendra Fadnavis
- ‘धर्मवीर 2’वरुन रोहित पवारांची सरकारवर खरमरीत टीका; म्हणाले, "निवडणुकीपूर्वी केलेला स्टंट..." - Dharmaveer 2
