पुणे Pune News : पुण्याच्या राजगड तालुक्यातील कोंढवळे गावात जमिनीच्या वादातून एका 22 वर्षीय तरुणीला जमिनीत गाडण्याचा प्रयत्न केल्याचा धक्कादायक प्रकार समोर आलाय. तर याप्रकरणी राजगड पोलीस ठाण्यात चौघांविरोधात गुन्हा दाखल करण्यात आला असून पुढील तपास पोलीस करत आहेत.
तरुणीला जमिनीत गाडण्याचा प्रयत्न : मिळालेल्या माहितीनुसार, राजगड तालुक्यातील कोंढवळे गावात ट्रॅक्टर आणि जेसीबी घेऊन दावा न्यायप्रविष्ट असलेल्या जमिनीचा बेकायदेशीर पध्दतीनं ताबा घेण्यासाठी आलेल्या 25 ते 30 जणांनी जेसीबीच्या साहाय्यानं अंगावर माती टाकून जमिनीत गाडण्याचा प्रयत्न केल्याचा 22 वर्षीय तरुणीचा आणि तिच्या कुटुंबीयांचा आरोप होता. तरुणीनं आरोप केलाय की, पोलिसांसह काही जण जमिनीचा ताबा घेण्यासाठी आले होते. तेव्हा तरुणी आणि त्यांच्यात झालेल्या वादा दरम्यान ही घटना घडली. या घटनेचा व्हिडिओ सध्या सोशल मीडियावर व्हायरल होत असून व्हिडिओत तरुणी कंबरेपर्यंत मातीमध्ये गाडली गेली असल्याचं दिसतय. तर याप्रकरणी पोलिसांनी चार जणांविरोधात गुन्हा दाखल करत अधिक तपास सुरू केलाय.
काय आहे प्रकरण? : मिळालेल्या माहितीनुसार, 2006 मधल्या प्रकरणात तत्कालीन जिल्हाधिकाऱ्यांनी संबंधित जागा भूसंपादन केली होती. मात्र, त्या जागेचा मोबदला या पीडित तरुणीच्या कुटुंबीयांना मिळाला नाही. त्यामुळं त्यांनी जागेचा ताबा सोडण्यास नकार दिला. ज्या व्यक्तीनं ही जागा घेतली, त्या जागेच्या मालकानं बळजबरीनं ताबा घेण्याचा प्रयत्न केला. त्यामुळं पीडित तरुणीला जमिनीत गाडण्याचा प्रयत्न करण्यात आला. तसंच, तरुणीच्या अंगावर ट्रॅक्टर आणि जेसीबीच्या सहाय्याने माती टाकण्याचा प्रयत्न करण्यात आला.
हेही वाचा -
- मुलीनं मित्राच्या मदतीनं जन्मदात्या आईचा केला खून; कारण जाणून बसेल धक्का - Mother killed by daughter
- पुणे हिट अँड रन प्रकरण : अल्पवयीन मुलाच्या आजोबांनाही अटक, ड्रायव्हरला धमकी दिल्याप्रकरणी गुन्हा दाखल - Pune Hit And Run Case
- Indapur Crime News: जेवायला हॉटेलमध्ये बसलेल्या तरुणाची गोळ्या झाडून हत्या, गँगवॉरची शक्यता
