मुंबई : उत्तर प्रदेशातील निवडणुकीच्या वेळी मुख्यमंत्री योगी आदित्यनाथ यांनी 'कटेंगे तो बटेंगे असा नारा दिला होता. त्यानंतर आज पंतप्रधान नरेंद्र मोदी यांनी महाराष्ट्रात प्रचाराचं रणशिंग फुकलं. पंतप्रधान नरेंद्र मोदी यांनी यावेळी, 'एक है तो सेफ है' असा नवा नारा दिला आहे. पंतप्रधान नरेंद्र मोदी यांनी धुळ्यात बोलताना महाविकास आघाडीवर जोरदार हल्लाबोल केला. काँग्रेस पक्षानं देशात दलित आणि इतर मागासवर्गीयात भांडणं लावली. आदिवासी नागरिकांचे अधिकार हडपले, असा जोरदार हल्लाबोल केला.
महाविकास आघाडीनं महाराष्ट्राला लुटण्याचं काम केलं : महाविकास आघाडीच्या नेत्यांनी महाराष्ट्राला लुटण्याचं काम केलं. केवळ लोकांना लुटणं हेच महाविकास आघाडीच्या नेत्यांचं ध्येय आहे. ड्रायव्हरच्या सीटवर बसण्यासाठी महाविकास आघाडीचा वाद सुरू आहे, असा जोरदार हल्लाबोल पंतप्रधान नरेंद्र मोदी यांनी केला. यावेळी त्यांनी महायुतीनं रेकॉर्डब्रेक कामं केल्याचा दावाही केला. पंतप्रधान नरेंद्र मोदी यांनी आज धुळ्यात महाराष्ट्र विधानसभा निवडणूक 2024 च्या प्रचाराचा धुरळा उडवला, यावेळी ते बोलत होते.
बातमी अपडेट होत आहे. . . . . .
