मुंबई : मुंबई वाहतूक पोलिसांच्या व्हॉट्सॲप नंबरवर धमकीचा मेसेज काही दिवसांपूर्वी आला होता. त्यात अभिनेता सलमान खानकडं ५ कोटी रुपयांची मागणी करण्यात आली होती. आता पुन्हा एकदा वाहतूक पोलिसांच्या व्हॉट्सॲप नंबरवर त्याच नंबरवरुन मेसेज आलाय. धमकी दिल्याप्रकरणी संबंधित व्यक्तीनं माफी मागितल्याचा या मेसेजमध्ये उल्लेख आहे. या प्रकरणाचा पोलीस अधिक तपास करत आहेत.
सलमान खानला काय दिली होती धमकी : "हलक्यात घेऊ नका, जर सलमान खानला जिवंत राहायचं असेल आणि लॉरेन्स बिश्नोईशी वैर संपवायचं असेल तर 5 कोटी रुपये द्यावे लागतील. जर पैसे दिले नाहीत तर सलमान खानची अवस्था बाबा सिद्दीकीपेक्षाही वाईट होईल," अशा पद्धतीचा मेसेज मुंबई वाहतूक पोलिसांना आला होता. त्यानंतर पोलिसांनी युद्धपातळीवर तपास सुरू केला होता.
Mumbai Traffic Police received another message from the same WhatsApp number a few days later in which the person who threatened apologized, the message sender said that this message was sent by mistake and he apologised for it. The police have found the location of the person… https://t.co/0OX5keQQrH
— ANI (@ANI) October 21, 2024
धमकी देणाऱ्यानं मागितली माफी : मुंबई वाहतूक पोलिसांना पुन्हा याच व्हॉट्सॲप नंबरवरून आणखी एक मेसेज आला. यामध्ये धमकी देणाऱ्या व्यक्तीनं माफी मागितली आहे. हा मेसेज चुकून पाठवण्यात आल्याचं मेसेज पाठवणाऱ्यानं सांगितलं. त्याबद्दल त्यानं माफी मागितली. हा मेसेज पाठवणाऱ्या व्यक्तीचं झारखंडमधील ठिकाण पोलिसांना सापडलं आहे. पुढील तपास सुरू असल्याची माहिती मुंबई पोलिसांनी दिली.
सलमान खानच्या सुरक्षेत वाढ : काही दिवसांपूर्वी राष्ट्रवादीचे नेते बाबा सिद्दीकी यांची गोळ्या झाडून हत्या करण्यात आली होती. बाबा सिद्दीकी हे सलमान खानच्या जवळचे असल्यानं बिश्नोई गँगनं त्यांची हत्या केल्याचा संशय पोलिसांना आहे. खबरदारी म्हणून अभिनेता सलमान खानच्या सुरक्षेतही मुंबई पोलिसांनी वाढ केली असल्याची माहिती मिळत आहे.
हेही वाचा -
