मुंबई Media influencer Sakshi Shivdasani : भारत हा जगातील विविधतेनं परिपूर्ण असा देश आहे. जिथं प्रत्येकाची भाषा, संस्कृतीच वेगळी असून वैशिष्ट्यपूर्णदेखील आहे. तसंच खाण्याच्या सवयीदेखील एकमेकांपासून पूर्णपणे भिन्न असल्याचं प्रत्येकाला माहिती आहे. त्यात मुंबई शहराची वेगळी ओळख आहे. ती म्हणजे मुंबईचा प्रसिद्ध 'वडापाव'. मुंबईकरांना 'वडापाव' ही अगदी चटणी सारखी आवश्यक आहे. इतर राज्यांतील नागरिकांनादेखील मुंबईतील वडापावचा आस्वाद नक्कीच घ्यावासा वाटतो. मात्र, अलीकडेच एका सोशल मीडियावर इन्फ्लुएन्सरनं 'वडापाव' संदर्भात वक्तव्य केल्यामुळं तिला ट्रोल केलं जातय.
वडापावला म्हणाली कचरा : साक्षी शिवदासानी असं या सोशल मीडिया इन्फ्लुएन्सरचं नाव असून ती 'द हॅविंग सेड दॅट शो'मध्ये सहभागी झाली होती. यावेळी तिनं "वडापाव हा कचरा असल्याचं म्हटलं. तसंच मी वडापावचा मनापासून तिरस्कार करतो." असं तिनं वक्तव्य केलं होतं. कार्यक्रमाचं सूत्रसंचालन करणाऱ्या निवेदकानं विचारलं, मुंबईची आहेस तर, तर तुला वडापाव नक्कीच आवडत असेल. यावर साक्षी म्हणाली "वडापाव कचरा आहे. उकडलेले बटाटे तसंच यातील ब्रेडला काही अर्थ नाही." त्यामुळं मी वडापावचा मनापासून तिरस्कार करते.
उत्तर ऐकून सूत्रसंचालकही थक्क : साक्षीने दिलेलं उत्तर ऐकून कार्यक्रमाचा सूत्रसंचालकही थक्क झाला. कदाचित त्यालाही साक्षीनं दिलेलं उत्तर आवडलेलं नव्हतं. त्यानं साक्षीचं सर्व बोलणं ऐकून घेतल्यावर तिला चांगलंच सुनावलं. यावर सुत्रसंचालक म्हणाला, पहिली गोष्ट म्हणजे बटाटे उकडलेले नसतात, तर, त्यांना आगोदर तळण्यात येते. यासाठी ब्रेड नाही, तर पावाचा वापर केला जातो. तसंच वडापाव मसालेदार-गोड चटणीबरोबर सर्व्ह केला जातो, असं त्यांनं तिला सांगण्याचा प्रयत्न केला. मात्र साक्षी तिच्या मतावर ठाम होती.
हे वाचलंत का :
- Aamchya Pappani Ganpati Anla: 'आमच्या पप्पांनी गणपती आणला' गाण्याचा 'गीतकार' आहे वडापाव विक्रेता, वाचा त्याचा खडतर प्रवास...
- japan ambassador to india News: जपानच्या राजदूतांनी पुण्यात मारला भारतीय पदार्थांवर ताव, पंतप्रधान मोदींनी दिली कौतुकाची फोडणी
- Birthday Girl Alyssa Healy : बर्थडे गर्ल अ‍ॅलिसा हिलीला आवडतो मुंबईचा वडापाव; रेस्टॉरंटला भेट देत चाखली चव
