नाशिकात अग्नितांडव! 70 पेक्षा जास्त वाहनं जळून खाक नाशिक Major Fire in Nashik : नाशिकच्या जुने नाशिक भागात आज सकाळी साडे सात वाजेच्या सुमारास दुचाकी वाहन खरेदी विक्री गोदाम आणि घरांना आग लागली. या आगीत 70 पेक्षा अधिक दुचाक्या जळून खाक झाल्या. अग्निशामक दलाच्या दहा बंबांनी ही आग आटोक्यात आणली. सुदैवानं या आगीत कुठलीही जीवित हानी झाली नाही. मात्र ही आग कशामुळं लागली हे अद्याप समजू शकलेलं नाही.
सकाळी साडेसात वाजता, जुन्या नाशिकमधील चौक मंडल इथं आग लागल्याची घटना कळवली. यावेळी वाहनाचं गॅरेजला आग लागली. त्यामुळे चप्पलचं गोडाऊन आणि चार घरांना आग लागली. त्याला खेटून आग इतर परिसरात आग पसरली. सध्या नाशिकमधील सहा अग्निशमन दलाचे 9 बंब घटनास्थळावर कार्यरत आहेत. सध्या आग कशानं लागली, याबाबत तपास सुरू आहे. माहिती घेतल्यानंतर आगीचं नेमकं कारण काय आहे, याबाबत सविस्तर माहिती कळेल. - किशोर बैरागी, अग्निशमन दल अधिकारी
नाशिकच्या जुने नाशिक भागात आज सकाळी साडेसात वाजेच्या सुमारास भीषण आगीची घटना घडली. या भागात असलेल्या दुचाकी वाहन खरेदी विक्रीच्या गोदामाला अचानक आग लागली. ही आग इतकी भीषण होती की यात रशीद खान यांच्या मालकीच्या गोदामामधील सत्तरहून अधिक दुचाक्या पूर्णहतः जळून खाक झाल्या. यानंतर आगीनं रौद्ररुप धारण केलं आणि गोदामाच्या मागच्या बाजूस असलेली तीन घरं यात जळून खाक झाली. सुदैवानं या आगीत कुठलीही जीवितहानी झाली नसली, तरी यात करोडो रुपयांचं आर्थिक नुकसान झाल्याचं म्हटलं जातंय. मात्र ही आग कशामुळं लागली, याची अद्याप माहिती मिळू शकली नाही.
हेही वाचा :
- ऐन निवडणुकांच्या तोंडावर मुंबईतील भाजपा प्रदेश कार्यालयाला आग; परिसरात धुराचे लोट - Mumbai BJP Office Fire
- भंगाराच्या गोडाऊनला भीषण आग; 100 पेक्षा जास्त दुकानं आगीत भस्मसात - Fire Breaks Out in Pimpri Chinchwad
- जळगावात केमिकल कंपनीला भीषण आग; अनेक कर्मचारी जखमी, पाहा व्हिडिओ - Fire in Jalgaon MIDC
