रायगड Helicopter Crash In Mahad : शिवसेनेच्या नेत्या सुषमा अंधारे यांना घ्यायला आलेलं हेलिकॉप्टर क्रॅश झाल्यानं मोठी खळबळ उडाली. ही घटना रायगड जिल्ह्यातील महाड इथं आज सकाळी सव्वा नऊ वाजता घडली. या घटनेत सुषमा अंधारे यांच्यासह पायलट सुरक्षित असल्याची माहिती सूत्रांनी दिली आहे.
सुषमा अंधारेंना घेण्यासाठी आलेलं हेलिकॉप्टर क्रॅश : शिवसेना उबाठा गटाच्या नेत्या सुषमा अंधारे यांची महाड इथं कार्यकर्त्यांसह बैठक होती. तिथून त्यांना बारामती इथं पुढील कार्यक्रमासाठी जायचं होतं. त्यामुळे त्यांना घेण्यासाठी हेलिकॉप्टर आलं होतं, मात्र हे हेलिकॉप्टर महाड इथं क्रॅश झालं. या घटनेत हेलिकॉप्टरचा पायलट आणि सुषमा अंधारे हे दोघंही सुरक्षित आहेत.
महाड इथं सुषमा अंधारे होत्या मुक्कामी : शिवसेना उबाठा गटाच्या नेत्या सुषमा अंधारे यांनी गुरुवारी रायगड इथं सबा होती. मात्र सगळे थकल्यानं सुषमा अंधारे यांनी महाड इथं मुक्काम केला होता. सकाळी सव्वा नऊ वाजता त्यांना हेलिकॉप्टर घ्यायला येणार होतं. यावेळी हेलिकॉप्टर आलं नसल्यानं त्यांनी संयोजकांना फोनवर विचारणा केली. यावेळी हेलिकॉप्टर लवकरच येणार असल्याचं सुषमा अंधारे यांना सांगण्यात आलं. दरम्यान हेलिकॉप्टर आल्यानंतर त्यानं दोन घिरट्य़ा घातल्या. मात्र खाली येत असताना प्रचंड धुरळा उडून मोठा आवाज झाला. या आवाजात काय होतय याबाबत काहीच कळालं नाही, असं सुषमा अंधारे यांनी सांगितलं.
सुषमा अंधारे जाणार होत्या बारामतीला : उबाठा गटाच्या नेत्या सुषमा अंधारे यांनी पोहा आणि महाड इथं अनंत गिते यांच्यासाठी प्रचारसभा घेतल्या. त्यानंतर त्यांनी महाड इथं मुक्काम करुन आज सकाळी त्या बारामती इथं सुप्रिया सुळे यांच्या मतदार संघात सभा घेण्यासाठी जाणार होत्या. मात्र सकाळी हेलिकॉप्टर क्रॅश झाल्याची घटना घडली.
काय म्हणाल्या सुषमा अंधारे : "महाड इथं प्रचारसभा झाली. त्यानंतर आमच्या जिल्हा प्रमुखावर गुरुवारी रात्री हल्ला झाला. त्यामुळे आम्ही रात्री उशीरा महाड इथं बैठक घेतली. त्यानंतर मी सकाळी पावणे नऊ वाजता बारामतीसाठी जाणार होते. मात्र सव्वा नऊ वाजले तरी हेलिकॉप्टर आलं नव्हतं. हेलिकॉप्टर आल्यानंतर त्यानं दोन ते तीन घिरट्या घातल्या. यावेळी मोठी धूळ पसरुन प्रचंड आवाज झाला. त्यानंतर हेलिकॉप्टर क्रॅश झाल्याची घटना घडली. या अपघातात कोणता घातपात होता का, याबाबत आत्ताच सांगता येत नाही. पोलीस या प्रकरणातील पुढचा तपास करतील."
हेही वाचा :
