अमरावती Naveen Rana : देशात पंतप्रधान नेरेंद्र मोदी यांची हवा असल्याच्या भ्रमात भाजपाच्या कोणत्याही कार्यकर्त्यांनं राहू नये, असा सल्ला अमरावतीच्या भाजपा उमेदवार नवनीत राणा यांनी दिला आहे. तसंच सर्व कार्यकर्त्यांनी मतदारांना दुपारी बाराच्या आत मतदान केंद्रावर आणण्याचा प्रयत्न करावा, असं आवाहन नवनीत राणा यांनी केलं आहे. त्या आज परतवाडात भाजपाच्या आयोजित सभेत बोलत होत्या.
मोदी लाटेत मी अपक्ष निवडून आले : मागच्या निवडणुकीच्या वेळेस संपूर्ण देशभर मोदींची लाट होती. एक मोठी यंत्रणा मतदारसंघात काम करीत असतानासुद्धा मोदींच्या लाटेत मी अपक्ष उमेदवार म्हणून निवडून आले. त्यामुळं एका अपक्ष उमेदवाराचा झेंडा अमरावती मतदासंघात गाडला गेला. म्हणून यावेळी देखील मोदींच्या लाटेच्या भरवशावर न राहता भाजपाच्या प्रत्येक कार्यकर्त्यानं बूथ स्तरावर लक्ष द्यायला हवं. ग्रामपंचायत निवडणुकीप्रमाणं प्रत्येक घरातील व्यक्तीकडून दुपारी बारा वाजेपर्यंत मतदान करून घेण्याची जबाबदारी सर्व कार्यकर्त्यांची आहे, असं देखील नवनीत राणा म्हणाल्या.
नवनीत राणांच्या रिल्स होताहेत व्हायरल : भाजपाच्या उमेदवार नवनीत राणा यांनी 2014 तसंच 2019 च्या लोकसभा निवडणुकीत पंतप्रधान नरेंद्र मोदी यांच्या विरोधात केलेल्या भाषणाच्या रील्स सध्या समाज माध्यमांवर जोरदार व्हायरल होत आहेत. मोदीं विरोधातील वक्तव्यांच्या रिल्स व्हायरल होत असतानाच आता अचलपूरच्या सभेत नवनीत राणा यांनी मोदी लाटेच्या भरवशावर न राहता प्रत्येकानं कामाला लागावं, असं आवाहन भाजपा कार्यकर्त्यांना केलय. त्यांच्या या वक्तव्याचा व्हिडिओ देखील प्रसार माध्यमांवर विरोधकांकडून व्हायरल केला जातोय.
हे वाचलंत का :
- भाजपाकडून उदयनराजे भोसले यांना अखेर उमेदवारी जाहीर, काय आहे साताऱ्यात स्थिती? - udayanraje bhosle
- भाजपा खासदार, अभिनेते रवी किशन अडचणीत; मुंबईतील महिलेचे गंभीर आरोप, लग्न होऊन एक मुलगी असल्याचा दावा - Woman Allegation On Ravi Kishan
- उदयनराजेंवर शरद पवारांची खोचक टीका; म्हणाले, राजाबद्दल आम्ही प्रजेनं काय सांगायचं, त्यांची स्थिती... - lok sabha election 2024
