एंड ऑफ ॲन ईरा...! 'अण्णा'चा क्रिकेटला अलविदा

ब्रिस्बेन येथे होणाऱ्या बॉर्डर-गावस्कर ट्रॉफी मालिकेतील तिसऱ्या कसोटी सामन्याच्या शेवटी आर. अश्विननं आंतरराष्ट्रीय क्रिकेटमधून तात्काळ निवृत्ती घेतली आहे. तो गुरुवारी भारताला रवाना होणार आहे.

ब्रिस्बेन R Ashwin Retires : भारताचा ऑफस्पिनर आर अश्विननं आंतरराष्ट्रीय क्रिकेटमधून निवृत्ती घेतली आहे. गाबा कसोटी संपताच अश्विननं निवृत्ती जाहीर केली. रविचंद्रन अश्विन हा भारतीय कसोटी इतिहासातील आतापर्यंतचा सर्वात यशस्वी गोलंदाज ठरला आहे. या दौऱ्यात त्याला आतापर्यंत फक्त एकच सामना खेळण्याची संधी मिळाली आहे. ॲडलेडनंतर तो गाबा कसोटीतून बाहेर पडला. गाबा टेस्ट दरम्यान अश्विन टीम इंडियाच्या खेळाडूंना मिठी मारताना दिसला. त्यानं‌ कर्णधार रोहित शर्मा आणि विराट कोहलीला मिठी मारली. अश्विननं‌ मुख्य प्रशिक्षक गंभीरशीही बराच वेळ चर्चा केली आणि त्यानंतर पत्रकार परिषदेत येऊन निवृत्ती जाहीर केली.

𝙏𝙝𝙖𝙣𝙠 𝙔𝙤𝙪 𝘼𝙨𝙝𝙬𝙞𝙣 🫡

A name synonymous with mastery, wizardry, brilliance, and innovation 👏👏

The ace spinner and #TeamIndia's invaluable all-rounder announces his retirement from international cricket.

Congratulations on a legendary career, @ashwinravi99 ❤️ pic.twitter.com/swSwcP3QXA

— BCCI (@BCCI) December 18, 2024

अश्विनची आंतरराष्ट्रीय कारकीर्द कशी : आर अश्विननं कसोटी क्रिकेटमध्ये 106 सामन्यात 537 विकेट घेतल्या आहेत. त्याच्या नावावर 375 विकेट आहेत आणि 8 वेळा मॅचमध्ये 10 विकेट घेतल्या आहेत. अश्विननं 156 एकदिवसीय विकेट्सही घेतल्या आहेत. अश्विननं T20 मध्ये 72 विकेट घेतल्या. त्याच्या आंतरराष्ट्रीय कारकिर्दीत 765 विकेट्स आहेत. अश्विननं फलंदाज म्हणूनही आपली छाप सोडली. त्याच्या कसोटी क्रिकेटमध्ये 3503 धावा आहेत आणि एकूण 6 कसोटी शतकं आहेत. प्रथम श्रेणी क्रिकेटमध्ये त्यांची एकूण 8 शतके होती.

🫂💙🇮🇳

Emotional moments from the Indian dressing room 🥹#AUSvINDOnStar #BorderGavaskarTrophy #Ashwin #ViratKohli pic.twitter.com/92a4NqNsyP

— Star Sports (@StarSportsIndia) December 18, 2024

अश्विनच्या कारकिर्दीबद्दल मोठ्या गोष्टी : आर अश्विननं आपल्या कारकिर्दीत अनेक मोठे टप्पे गाठले. अनेक विक्रमांव्यतिरिक्त, त्यानं 2011 मध्ये एकदिवसीय विश्वचषक जिंकला. त्यानं 2013 मध्ये चॅम्पियन्स ट्रॉफीही जिंकली होती. याशिवाय अश्विननं आशिया कपही जिंकला. अश्विननं कसोटीत सर्वाधिक वेळा मालिका पुरस्कार पटकावला आहे.

अश्विननं आपल्या कारकिर्दीत काय मिळवलं? :

अश्विन हा कसोटी क्रिकेटमध्ये सर्वात जलद 250, 300 आणि 350 बळी घेणारा खेळाडू आहे.

अश्विन हा भारतासाठी 50, 100, 150, 200, 250, 300, 350, 400, 450 आणि 500 कसोटी विकेट्स पूर्ण करणारा सर्वात वेगवान खेळाडू आहे.

अश्विननं चार सामन्यांत एक शतक आणि पाच बळी घेण्याचा विक्रम केला आहे. ही कामगिरी करणारा तो एकमेव भारतीय आहे.

अश्विन हा एका मोसमात सर्वाधिक 82 बळी घेणारा खेळाडू ठरला आहे.

अश्विननं कसोटी क्रिकेटमध्ये सर्वाधिक डावखुऱ्या फलंदाजांना बाद केले.

अश्विनच्या नावावर भारतात सर्वाधिक 383 बळी आहेत.

अश्विन हा कसोटी क्रिकेटमध्ये सर्वाधिक रेटिंग गुण मिळवणारा खेळाडू आहे.

हे वाचलंत का :