तिरंदाजीत भारताचा धमाका, महिलांपाठोपाठ पुरुष संघही उपांत्यपूर्व फेरीत - Paris Olympics 2024

India Archery Team : पॅरिस ऑलिम्पिक 2024 मध्ये भारतीय तिरंदाजांनी धमाकेदार कामगिरी केली आहे. तिरंदाजीच्या सांघिक प्रकारात भारतीय पुरुष आणि महिला संघानं उपांत्यपूर्व फेरीत थेट प्रवेश केला आहे.

पॅरिस Paris Olympics 2024 : जगातील सर्वात प्रतिष्ठित मानल्या जाणाऱ्या ऑलिम्पिक स्पर्धेत भारताच्या पुरुष आणि महिला तिरंदाजी संघानं उपांत्यपूर्व फेरीत धडक मारली आहे. गुरुवारी झालेल्या सामन्यात भारतीय तिरंदाजांनी दमदार कामगिरी केली. भारताच्या महिला संघात दीपिका कुमारी, अंकिता भकट आणि भजन कौर यांचा समावेश आहे. पुरुष संघात धीरज बोम्मादेवरा, तरुणदीप राय आणि प्रवीण यांचा समावेश आहे. सांघिक कामगिरी चांगली राहिल्यामुळं भारतीय संघ थेट उपांत्यपूर्व फेरीत पोहचला.

The trio of Tarundeep Rai, Dhiraj Bommadevara and Pravin Jadhav have done a superb job by finishing in 3rd place, with a total score of 2013!

Off to the quarter finals scheduled for July 29!

Keep chanting #Cheer4Bharat and let's cheer for our archers!#OlympicsOnJioCinema pic.twitter.com/VeU0FjjiCS

— SAI Media (@Media_SAI) July 25, 2024

तरुणदीप राय चौथी ऑलिम्पिक स्पर्धा खेळतोय, तर प्रविण दुसऱ्यांदा या स्पर्धेत उतरलाय. धिरज पहिल्यांदाच ऑलिम्पिक स्पर्धेत उतरलाय. तरुणदीप 337 गुणांसह 14व्या क्रमांकावर होता. तर प्रविण (328) व धिरज (335) हे अनुक्रमे 24 व 37व्या क्रमांकावर होते. भारत पहिल्या टप्प्यात 1000 गुणांसह सहाव्या क्रमांकावर होता.

𝐁𝐈𝐆 𝐔𝐩𝐝𝐚𝐭𝐞 𝐟𝐨𝐥𝐤𝐬 🏹

𝐀𝐫𝐜𝐡𝐞𝐫𝐲: 𝐈𝐧𝐝𝐢𝐚 𝐡𝐚𝐯𝐞 𝐚𝐝𝐯𝐚𝐧𝐜𝐞𝐝 𝐝𝐢𝐫𝐞𝐜𝐭𝐥𝐲 𝐢𝐧𝐭𝐨 𝐐𝐅 𝐨𝐟 𝐌𝐞𝐧'𝐬 𝐭𝐞𝐚𝐦 𝐞𝐯𝐞𝐧𝐭 𝐚𝐭 𝐏𝐚𝐫𝐢𝐬 𝐎𝐥𝐲𝐦𝐩𝐢𝐜𝐬.

In the ranking round, Indian trio of Dhiraj, Tarundeep & Pravin scored 2013 pts overall… pic.twitter.com/Dl17gHNKQv

— India_AllSports (@India_AllSports) July 25, 2024

धिरजनं मिळवले सर्वाधिक गुण : दुसऱ्या टप्प्यात भारतीय खेळाडूंनी चांगलं कमबॅक केलं. 2013 गुणांसह भारतीय संघानं गटात तिसऱ्या क्रमांकाची जागा पक्की केली आणि उपांत्यपूर्व फेरीत थेट प्रवेश मिळवला. कोरिया 2049 गुणांसह अव्वल राहिला, तर फ्रान्स 2025 गुणांसह दुसऱ्या स्थानी राहिला. भारताकडून धिरजनं सर्वाधिक 681 गुण मिळवत चौथं स्थान निश्चित केलं. तरुणदीप 674 व प्रविण 658 गुणांसह अनुक्रमे 14व्या व 39व्या स्थानावर राहिले. उपांत्यपूर्व फेरीत भारताचा सामना तुर्की विरुद्ध कोलंबिया यांच्यातील विजेत्या संघाशी होणार.

𝐀𝐫𝐜𝐡𝐞𝐫𝐲: 𝐌𝐞𝐧’𝐬 𝐓𝐞𝐚𝐦 𝐄𝐯𝐞𝐧𝐭 – 𝐈𝐧𝐝𝐢𝐚'𝐬 𝐩𝐚𝐭𝐡 𝐭𝐨 𝐭𝐡𝐞 𝐌𝐞𝐝𝐚𝐥:

➡️ Qualified directly for the QF, where they’ll face the winner of Colombia vs Turkey.
➡️ Potential Semis opponent: France
➡️ Potential Final opponent: South Korea #Archery… https://t.co/o2JNbt1UH9 pic.twitter.com/9yYI4U6uOM

— India_AllSports (@India_AllSports) July 25, 2024

अंकिता चमकली : भारतीय महिला संघाला तिरंदाजीत यश मिळालं असून संघानं चौथ्या क्रमांकावर राहून उपांत्यपूर्व फेरीत गाठली. ऑलिम्पिकमध्ये पदार्पण करणाऱ्या अंकिता भकटनं चमकदार कामगिरी केली. 26 वर्षीय अंकितानं 666 गुणांसह भारतीय महिला तिरंदाजांमध्ये सर्वोत्तम मानांकन मिळवलं. सांघिक स्पर्धेत भारतानं 1983 गुणांसह चौथं स्थान पटकावलं. दक्षिण कोरियाचा संघ 2046 गुणांसह अव्वल स्थानावर आहे. यानंतर चीन दुसऱ्या आणि मेक्सिको तिसऱ्या स्थानावर आहे. उपांत्यपूर्व फेरीत भारताचा सामना फ्रान्स विरुद्ध नेदरलँड्स यांच्यातील विजेत्या संघाशी होणार.

The Indian Women's #Archery team comprising Bhajan Kaur, Deepika Kumari and Ankita Bhakat finish 4th in the team ranking round at #paris2024olympics.

Off to the quarterfinals tomorrow! 🏹

Many congratulations to them. Let's #Cheer4Bharat👏🏻🥳 pic.twitter.com/afSeWP55EG

— SAI Media (@Media_SAI) July 25, 2024

पदक जिंकण्यासाठी फक्त दोन विजय : 26 वर्षीय अंकितानं 666 गुणांसह भारतीय महिला तिरंदाजांमध्ये सर्वोत्तम मानांकन मिळवलं. यानंतर भजन कौर 559 गुणांसह 22व्या क्रमांकावर राहिली, तर दीपिका कुमारी 658 गुणांसह 23व्या क्रमांकावर आहे. भारतीय महिला आणि भारतीय पुरूष संघाला ऑलिम्पिक पदक जिंकण्यासाठी फक्त दोन विजयांची गरज आहे.

हेही वाचा