बेंगळुरु Lowest Score in Test Cricket History : भारत आणि न्यूझीलंड यांच्यातील तीन सामन्यांच्या कसोटी मालिकेतील पहिला कसोटी सामना बेंगळुरु इथं खेळवला जात आहे. या सामन्याच्या दुसऱ्या दिवशी भारतीय संघ अवघ्या 46 धावांवर ऑलआऊट झाला. भारताची ही तिसरी सर्वात कमी धावसंख्या आहे. भारतीय भूमीवर कोणत्याही संघाची ही सर्वात कमी धावसंख्या आहे. भारतीय संघाचे पाच फलंदाज शून्य धावांवर बाद झाले. न्यूझीलंडकडून मॅट हेन्रीनं एकूण 5 बळी घेतले. तर विल्यम ओ'रुर्कला एकूण 4 बळी मिळाले.
🚨 HISTORY IN BENGALURU...!!! 🚨
— Mufaddal Vohra (@mufaddal_vohra) October 17, 2024
- India registered their lowest ever score in a home Test match and 3rd lowest overall - 46. 🤯 pic.twitter.com/IC7inj28hh
कसोटी क्रिकेटच्या इतिहासातील सर्वात कमी धावसंख्या : भारत आणि न्यूझीलंड दरम्यान खेळल्या जात असलेल्या बेंगळुरु कसोटीनं भारताची खराब कामगिरी उघडकीस आणली, जिथं भारतीय संघ 46 धावांवर सर्वबाद झाला. पण कसोटी क्रिकेटच्या इतिहासात कोणत्या संघाची सर्वात कमी धावसंख्या आहेत हे तुम्हाला माहिती आहे का? तर 1955 मध्ये ऑकलंडमध्ये इंग्लंड विरुद्ध न्यूझीलंडनं कसोटी क्रिकेटमधील सर्वात लज्जास्पद विक्रम केला, जेव्हा संपूर्ण संघ केवळ 26 धावांवर बाद झाला. हा विक्रम आजही कायम आहे आणि कसोटी इतिहासातील सर्वात कमी सांघिक धावसंख्या मानली जाते.
A SCORECARD TO FORGET FOR INDIA. pic.twitter.com/AS6soSPjrv
— Mufaddal Vohra (@mufaddal_vohra) October 17, 2024
न्यूझीलंडचा संघ कसा बिथरला? : या ऐतिहासिक सामन्यात इंग्लंडच्या गोलंदाजांनी न्यूझीलंडचा अवघ्या 27 षटकांत खुर्दा उडवला. न्यूझीलंडचे 5 फलंदाज खाते न उघडताच पॅव्हेलियनमध्ये परतले. यातील सर्वात मोठी वयक्तिक खेळी फक्त 11 धावांची होती. इंग्लंडसाठी फ्रेडी ट्रुमन आणि जॉनी वॉर्डल यांनी घातक गोलंदाजी केली, ज्यामुळं न्यूझीलंडचा संपूर्ण डाव उद्ध्वस्त झाला. दुसऱ्या डावातही न्यूझीलंडचा संघ सावरु शकला नाही आणि सामना 8 गडी राखून गमावला.
कसोटी क्रिकेटमध्ये सर्वात कमी धावा करणारे सामने :
| संघ | धावा | षटकं | रन रेट | डाव | विरोधी संघ | मैदान | दिनांक | कसोटी सामना क्रमांक |
|---|---|---|---|---|---|---|---|---|
| न्यूझीलंड | 26 | 27.0 | 0.96 | 3 | इंग्लंड | ऑकलॅंड | 25 मार्च 1955 | टेस्ट # 402 |
| दक्षिण आफ्रीका | 30 | 18.4x5 | 1.91 | 4 | इंग्लंड | गकेबरहा | 13 फेब्रुवारी 1896 | टेस्ट # 47 |
| दक्षिण आफ्रीका | 30 | 12.3 | 2.40 | 2 | इंग्लंड | बर्मिंघम | 14 जून 1924 | टेस्ट # 153 |
| दक्षिण आफ्रीका | 35 | 22.4x5 | 1.84 | 4 | इंग्लंड | केपटाउन | 1 एप्रिल 1899 | टेस्ट # 59 |
| दक्षिण आफ्रीका | 36 | 23.2 | 1.54 | 1 | ऑस्ट्रेलिया | मेलबर्न | 12 फेब्रुवारी 1932 | टेस्ट # 216 |
| ऑस्ट्रेलिया | 36 | 23.0 | 1.56 | 2 | इंग्लंड | बर्मिंघम | 29 मे 1902 | टेस्ट # 70 |
| भारत | 36 | 21.2 | 1.68 | 3 | ऑस्ट्रेलिया | एडिलेड | 17 डिसेंबर 2020 | टेस्ट # 2396 |
| आयर्लंड | 38 | 15.4 | 2.42 | 4 | इंग्लंड | लॉर्ड्स | 24 जुलै 2019 | टेस्ट # 2352 |
| न्यूझीलंड | 42 | 39.0 | 1.07 | 1 | ऑस्ट्रेलिया | वेलिंगटन | 29 मार्च 1946 | टेस्ट # 275 |
| ऑस्ट्रेलिया | 42 | 37.3x4 | 1.66 | 2 | इंग्लंड | सिडनी | 10 फेब्रुवारी 1888 | टेस्ट # 27 |
| भारत | 42 | 17.0 | 2.47 | 3 | इंग्लंड | लॉर्ड्स | 20 जून 1974 | टेस्ट # 740 |
| दक्षिण आफ्रीका | 43 | 28.2x4 | 2.26 | 3 | इंग्लंड | केपटाउन | 25 मार्च 1889 | टेस्ट # 32 |
| बांगलादेश | 43 | 18.4 | 2.30 | 1 | वेस्ट इंडीज | नॉर्थ साउंड | 4 जुलै 2018 | टेस्ट # 2310 |
| ऑस्ट्रेलिया | 44 | 26.0x5 | 2.03 | 4 | इंग्लंड | ओव्हल | 10 ऑगस्ट 1896 | टेस्ट # 52 |
| दक्षिण आफ्रीका | 45 | 31.3 | 1.42 | 3 | ऑस्ट्रेलिया | मेलबर्न | 12 फेब्रुवारी 1932 | टेस्ट # 216 |
| इंग्लंड | 45 | 35.3x4 | 1.88 | 1 | ऑस्ट्रेलिया | सिडनी | 28 जानेवरी 1887 | टेस्ट # 25 |
| न्यूझीलंड | 45 | 19.2 | 2.32 | 1 | दक्षिण आफ्रीका | केपटाउन | 2 जानेवरी 2013 | टेस्ट # 2069 |
| भारत | 46 | 31.2 | 1.46 | 1 | न्यूझीलंड | बेंगळुरु | 16ऑक्टोबर 2024 | टेस्ट # 2555 |
| इंग्लंड | 46 | 19.1 | 2.40 | 4 | वेस्ट इंडीज | पोर्ट ऑफ स्पेन | 25 मार्च 1994 | टेस्ट # 1257 |
| न्यूझीलंड | 47 | 32.3 | 1.44 | 2 | इंग्लंड | लॉर्ड्स | 19 जून 1958 | टेस्ट # 455 |
| दक्षिण आफ्रीका | 47 | 47.1x4 | 1.49 | 2 | इंग्लंड | केपटाउन | 25 मार्च 1889 | टेस्ट # 32 |
| वेस्ट इंडीज | 47 | 25.3 | 1.84 | 3 | इंग्लंड | किंग्स्टन | 11 मार्च 2004 | टेस्ट # 1687 |
| ऑस्ट्रेलिया | 47 | 18.0 | 2.61 | 3 | दक्षिण आफ्रीका | केपटाउन | 9 नोव्हेंबर 2011 | टेस्ट # 2016 |
| पाकिस्तान | 49 | 29.1 | 1.68 | 2 | दक्षिण आफ्रीका | जोहान्सबर्ग | 1 फेब्रुवारी 2013 | टेस्ट # 2072 |
| इंग्लंड | 51 | 33.2 | 1.53 | 3 | वेस्ट इंडीज | किंग्स्टन | 4 फेब्रुवारी 2009 | टेस्ट # 1906 |
भारताची तिसरी सर्वात कमी धावसंख्या : 17 ऑक्टोबर रोजी बेंगळुरु कसोटीतही भारतीय संघानं लज्जास्पद कामगिरी केली आणि अवघ्या 46 धावांत त्यांचा पराभव झाला. भारताची ही तिसरी सर्वात कमी धावसंख्या आहे. न्यूझीलंडच्या मॅट हेन्री आणि विल्यम ओरूर्के यांनी भारतीय फलंदाजांना टिकू दिलं नाही आणि भारताचे पाच खेळाडू शून्यावर बाद झाले. कसोटी क्रिकेटचा हा इतिहास सांगतो की कधी कधी अनुभवी संघही अपेक्षेपेक्षा वाईट कामगिरी करतात, पण न्यूझीलंडचा 26 धावांचा विक्रम अजूनही सर्वात लाजिरवाणा आहे.
हेही वाचा :
