'मॅचविनर' अष्टपैलू खेळाडूला संघात स्थान नाही; आगामी सामन्यासाठी युवा कर्णधारासह संघाची घोषणा

बांगलादेशनं वेस्ट इंडिजविरुद्ध खेळल्या जाणाऱ्या वनडे मालिकेसाठी आपला संघ जाहीर केला आहे. अनेक वरिष्ठ खेळाडू दुखापतीमुळं किंवा वैयक्तिक कारणांमुळं बांगलादेश संघात उपस्थित नाहीत.

ढाका Squad for West Indies ODI Series : बांगलादेश आणि वेस्ट इंडिज क्रिकेट संघ यांच्यात सध्या कसोटी मालिका सुरु आहे. यानंतर उभय संघांमध्ये वनडे मालिकाही होणार आहे. या मालिकेसाठी बांगलादेशनं आपला संघ जाहीर केला आहे. या मालिकेसाठी बांगलादेशच्या संघात अनेक वरिष्ठ खेळाडू उपस्थित नाहीत. त्यामुळं बांगलादेशचं मोठं नुकसान होऊ शकतं. बांगलादेशचे अनेक खेळाडू जखमी झाले आहेत. या मालिकेतील पहिला सामना 8 डिसेंबरपासून खेळवला जाणार आहे. या मालिकेत एकूण तीन सामने खेळवले जाणार आहेत. संघाला नवा कर्णधार मिळाला आहे.

Mehidy Hasan Miraz leads Bangladesh in the absence of Najmul Hossain Shanto for their upcoming ODI series against West Indies 🏏

More 👉 https://t.co/wrVF9Vr0Wh#WIvBAN pic.twitter.com/tAyxnqY5fW

— ICC (@ICC) December 3, 2024

बांगलादेशचे अनेक खेळाडू जखमी : बांगलादेशनं वनडे मालिकेसाठी मेहदी हसन मिराझची कर्णधारपदी नियुक्ती केली आहे. दरम्यान, संघाचा नियमित कर्णधार नजमुल हुसेन शांतो दुखापतीमुळं संघाबाहेर आहे. शाकिब अल हसनही संघात नाही. देशासाठी खेळण्याच्या मानसिक स्थितीत नसल्याचं सांगत शाकिब अल हसननं आपल्या अनुपस्थितीचं कारण दिलं आहे. त्यामुळं तो संघाबाहेर आहे. तौहीद हृदयाला फुटबॉल खेळताना पाठीला दुखापत झाली होती, त्यामुळं तो या मालिकेतूनही बाहेर पडला आहे. मुशफिकूर रहीम आणि मुस्तफिजुर रहमान देखील दुखापतीमुळं आणि वैयक्तिक कारणांमुळं निवडीबाहेर आहे. मात्र, नोव्हेंबरमध्ये अफगाणिस्तानविरुद्धच्या वनडे मालिकेतून बाहेर पडलेला लिटन दास या मालिकेत पुनरागमन करत आहे, ही संघासाठी दिलासादायक बाब आहे.

काय म्हणाले बीसीबीचे अध्यक्ष : शाकिब अल हसननं सप्टेंबरमध्ये कसोटी आणि T20 क्रिकेटमधून निवृत्ती घेतली आणि अफगाणिस्तानविरुद्धची शेवटची वनडे मालिकाही गमावली. तथापि, बीसीबीचे अध्यक्ष फारुख अहमद म्हणाले की, शाकिब जेव्हा तयार असेल तेव्हा त्याला संघात परत आणता येईल. तो म्हणाला की तो अजूनही संघासाठी खेळू शकतो, परंतु त्याला मानसिकदृष्ट्या तयार राहावं लागेल, कारण फ्रेंचायझीसाठी खेळणं आणि राष्ट्रीय संघासाठी खेळणं या वेगळ्या गोष्टी आहेत. वेस्ट इंडिज आणि बांगलादेश यांच्यातील तीन वनडे सामन्यांची मालिका 8 डिसेंबरपासून सुरु होईल आणि 12 डिसेंबरला संपेल. सर्व सामने सेंट किट्समध्ये खेळवले जातील.

🏏 Bangladesh Squad for the 3-match ODI Series Against West Indies. All matches are set to take place in St. Kitts. The series kicks off with the first ODI on December 8.#BCB #Cricket #Bangladesh #WIvBAN pic.twitter.com/O4y5zyHRLG

— Bangladesh Cricket (@BCBtigers) December 2, 2024

बांगलादेश वनडे संघ : मेहदी हसन मिराज (कर्णधार), लिटन दास (यष्टीरक्षक), तनजीद हसन, सौम्या सरकार, परवेझ हुसेन, महमुदुल्ला, झकर अली, अफिफ हुसेन, रिशाद हुसेन, नसुम अहमद, तस्किन अहमद, हसन महमूद, शरीफुल इस्लाम, तनजीम हसन, नाहिद राणा.

हेही वाचा :