मुंबई Badlapur Encounter Case : बदलापूर लैंगिक शोषण प्रकरणातील मुख्य आरोपी अक्षय शिंदेचा एन्काउंटरमध्ये मृत्यू झाल्यानं खळबळ उडाली. अक्षय शिंदेला बदलापूर येथे घेऊन जात असताना, त्यानं पोलिसांची बंदूक हिसकावून पोलिसांवर गोळी झाडली. पोलिसांनी सेल्फ डिफेन्ससाठी अक्षयवर गोळ्या झाडल्या व त्यात त्याचा मृत्यू झाला.
सरकारवर गंभीर आरोप : 'एसआयटी' पथकातील पीएसआय नीलेश मोरे आणि संजय शिंदे हे दोन पोलीस कर्मचारी जखमी झाले आहेत. जखमी पोलिसांना रुग्णालयात दाखल करण्यात आलंय. प्रत्यक्षात आरोपी शिंदेनं पोलिसांवर गोळीबार केला. या प्रकरणावर विरोधी पक्षातील नेत्यांनी सरकारवर गंभीर आरोप केले आहेत.
हलगर्जीपणा संशयास्पद : "बदलापूर येथे दोन चिमुरड्यांवर झालेल्या अन्यायाला न्याय मिळण्यासाठी कायद्याच्या योग्य चौकटीतून फाशी झालीच पाहीजे होती. परंतू या घटनेतील मुख्य आरोपीला स्थलांतरीत करताना गृह विभागाने दाखवलेला हलगर्जीपणा संशयास्पद आहे. भविष्यात अशा निंदनीय कृत्याची कल्पनाही कोणाच्या मनाला शिवणार नाही यासाठी कायद्याचा धाक घालण्यात शासन दुर्बल ठरलंय, असे भासते. या घटनेच्या सखोल चौकशीतून वस्तूस्थिती समोर येणं अपेक्षित आहे," अशी प्रतिक्रिया देत शरद पवारांनी राज्य सरकारवर हल्लाबोल केलाय.
बदलापूर घटनेतील आरोपी अक्षय शिंदेचा एन्काऊंटर झाल्याचे वृत्त समजले. स्वसंरक्षणाचा हा बनाव विश्वास ठेवण्यासारखा नाही. दोन्ही हातात बेड्या असलेला माणूस पोलिसांचेही पिस्तूल कसे हिसकाऊ शकतो.
— ANIL DESHMUKH (@AnilDeshmukhNCP) September 23, 2024
सदर प्रकरणातील
आरोपी अक्षय शिंदे जेवढा दोषी होता तितकेच दोषी शाळा चालक भाजप पदाधिकारी देखील…
एन्काऊंटरचे फेक नॅरेटिव्ह सेट : "बदलापूर घटनेतील आरोपी अक्षय शिंदेचा एन्काऊंटर झाल्याचं वृत्त समजले. स्वसंरक्षणाचा हा बनाव विश्वास ठेवण्यासारखा नाही. दोन्ही हातात बेड्या असलेला माणूस पोलिसांचेही पिस्तूल कसे हिसकाऊ शकतो. सदर प्रकरणातील आरोपी अक्षय शिंदे जेवढा दोषी होता तितकेच दोषी शाळा चालक भाजपा पदाधिकारी देखील आहेत. आपल्या पक्षातील पदाधिकाऱ्याला वाचवण्यासाठी आणि प्रकरण दडपण्यासाठी हे एन्काऊंटरचे फेक नॅरेटिव्ह सेट केले जात आहे," असं म्हणत गंभीर आरोप राष्ट्रवादी शरद पवार गटाचे आमदार अनिल देशमुख यांनी सरकारवर केलेत.
शासन पुरस्कृत थट्टा : "महायुती सरकारनं बदलापूर लैंगिक अत्याचार प्रकरण अतिशय चुकीच्या पद्धतीने हाताळलं आहे. याप्रकरणी एफआयआर दाखल करण्यात उशीर करण्यात आला. लोकांच्या प्रचंड दबावानंतर 'एफआयआर' दाखल करण्यात आली खरी पण आता आरोपीचा पोलीस कोठडीत मृत्यू झाला. कायदा सुव्यवस्था आणि न्यायव्यवस्थेची ही शासन पुरस्कृत थट्टा आहे," असं म्हणत खासदार सुप्रिया सुळे यांनी राज्य सरकारवर टीका केली.
बदलापूरमधील चिमुरड्यांवरील अत्याचार प्रकरणातील आरोपी अक्षय शिंदे याचा पोलीस एन्काऊंटर मध्ये मृत्यू झाल्याची बातमी येत आहे.
— Nana Patole (@NANA_PATOLE) September 23, 2024
शिंदे याने पोलिसांची बंदूक हिसकावून स्वत:वर आणि पोलिसांवर गोळीबार केला व पोलिसांनी स्वसंरक्षणार्थ केलेल्या गोळीबारात त्याचा मृत्यू झाल्याची माहिती मिळतेय.…
प्रकरण संपवण्याचा प्रयत्न आहे का? : "बदलापूरमधील चिमुरड्यांवरील अत्याचार प्रकरणातील आरोपी अक्षय शिंदे याचा पोलीस एन्काऊंटरमध्ये मृत्यू झाल्याची बातमी आहे. शिंदे याने पोलिसांची बंदूक हिसकावून पोलिसांवर गोळीबार केला आणि पोलिसांनी स्वसंरक्षणार्थ केलेल्या गोळीबारात त्याचा मृत्यू झाल्याची माहिती मिळतेय. तर फरार आरोपींना वाचवण्यासाठी या प्रकरणातील मुख्य आरोपीचे एन्काऊंटर करून प्रकरण संपवण्याचा प्रयत्न आहे का?" असा सवाल काँग्रेस प्रदेशाध्यक्ष नाना पटोले यांनी केला.
याची न्यायिक चौकशी झालीच पाहिजे!
— Vijay Wadettiwar (@VijayWadettiwar) September 23, 2024
अक्षय शिंदे याने गोळी झाडून घेणे म्हणजे पुरावा नष्ट करण्याचा प्रयत्न आहे का??
अक्षय शिंदे याने गोळी नेमकी कशी झाडली?
आरोपी अक्षय पोलिसांच्या ताब्यात असताना त्याचे हात बांधले नव्हते का? त्याला बंदूक कशी काय त्याला मिळाली? पोलिस इतके बेसावध कसे असू…
प्रकरणाची सीबीआय चौकशी करा : "अक्षय शिंदेंचा आवाज दाबणाच्या जागी बंद केला का? हे प्रकरण दडपण्यासाठी हत्या केली की, एन्काउंटर?" अशी विचारणा ठाकरे गटाच्या नेत्या सुषमा अंधारे यांनी केली. या प्रकाराची सीबीआय चौकशीची मागणी तसंच नार्को टेस्टसुद्धा करण्याची मागणी त्यांनी केली.
हेही वाचा -
- बदलापूर प्रकरणातील मुख्य आरोपी अक्षय शिंदेचा आत्महत्येचा प्रयत्न; प्रकृती गंभीर - Badlapur Girl Rape Case
- बदलापूर पुन्हा हादरलं; रेल्वे स्थानकात अंदाधूंद गोळीबार, प्रवाशांना मोठा धक्का - Badlapur Firing
- 'बदलापूर ते मालवण पुतळा दुर्घटना' सर्व घटनांसाठी RSS....; नाना पटोलेंचा गंभीर आरोप - Nagpur Congress Protest
