हैदराबाद Winter Snacks : थंडीच्या मोसमात अन्नाची भूक वाढते. अशा परिस्थितीत या ऋतूचा आनंद घेण्यासाठी लोकांना चहा-पकोडे खायला आवडतात. आज या लेखात आम्ही तुम्हाला स्नॅक्ससाठी काही आरोग्यदायी पर्याय सांगणार आहोत. हे खाल्ल्यानं तुमचे शरीर उबदार राहते. तुम्ही ऋतुजन्य आजारांपासून दूर राहू शकता. हिवाळ्यात शरीर निरोगी ठेवण्यासाठी तुम्ही स्नॅक्समध्ये पौष्टिक गोष्टींचा समावेश करू शकता.
मखना : हिवाळ्यात स्नॅकसाठी मखना हा एक आरोग्यदायी पर्याय आहे. त्याचा वापर करून तुम्ही अनेक प्रकारचे पौष्टिक स्नॅक्स बनवू शकता. हिवाळ्यातील एक महत्त्वाचा नाश्ता मानला जातो. यामध्ये फायबर मुबलक प्रमाणात आढळते. कॅलरीजचे प्रमाण कमी असते. यामध्ये अँटिऑक्सिडंट गुणधर्म आढळतात. मखना रोगप्रतिकारक शक्ती वाढवण्यास मदत करतात. हे पचनासाठीदेखील फायदेशीर मानले जाते.
अक्रोड : पोषकतत्वांनी युक्त अक्रोड हे आरोग्यासाठी खूप फायदेशीर मानले जाते. हिवाळ्यात तुमचे शरीर उबदार ठेवण्यासाठी तुम्ही अक्रोडला तुमच्या आहाराचा भाग बनवू शकता. निरोगी चरबी, जीवनसत्त्वे आणि खनिजे त्यात आढळतात. अक्रोड हे शेंगदाणे किंवा काजूमध्ये मिसळून खाऊ शकता.
पॉपकॉर्न : पॉपकॉर्न हा हिवाळ्यातला आरोग्यदायी नाष्टा आहे. हे खाण्याचे काही फायदे आहेत. यामध्ये फायबर आणि अँटीऑक्सिडंट्स पुरेशा प्रमाणात आढळतात. हे खाल्ल्याने पोट जास्त काळ भरलेले राहते. वजन कमी होण्यास मदत होते.
केळी ब्रेड : पिकलेल्या केळ्यामध्ये पोटॅशियम, व्हिटॅमिन सी आणि व्हिटॅमिन बी 6 सारखे महत्त्वाचे पोषक घटक असतात. यातून हिवाळ्यात प्रतिकारशक्ती वाढवण्यास मदत होते. त्याचा वापर करून तुम्ही ब्रेड बनवू शकता. हिवाळ्यात स्नॅकसाठी हा देखील एक आरोग्यदायी पर्याय आहे.
रताळे : रताळे हे चव आणि आरोग्य या दोन्ही गोष्टींनी परिपूर्ण आहे. हिवाळ्यासाठी हा एक उत्तम स्नॅक पदार्थ आहे. त्यात फायबर, जीवनसत्त्वे आणि खनिजे पुरेशा प्रमाणात आढळतात. तुम्ही सॅलड किंवा सँडविचमध्येही वापरू शकता.
(डिस्क्लेमर- ही माहिती केवळ वाचकांसाठी दिलेली असून त्यात कोणताही दावा करण्यात आलेला नाही. वाचकांनी दिलेली माहिती आरोग्यासाठी वापरण्यापूर्वी वैद्यकीय सल्ला घ्यावा)
