'पुष्पा 2' मुळं इतर सिनेमांचं रिलीज शेड्यूल फिसकटलं, 'पुष्पा'ची होणार 'छावा'शी टक्कर, रश्मिका मंदान्नाच्याही टेन्शनमध्ये वाढ - Pushpa 2 Vs Chhava

Pushpa 2 Vs Chhava : अल्लू अर्जुन स्टारर 'पुष्पा 2' चित्रपट 6 डिसेंबर 2024 पर्यंत पुढे ढकलण्यात आल्यानं त्याची विकी कौशल आणि रश्मिका मंदान्नाच्या 'छावा' चित्रपटाशी टक्कर होण्याची शक्यता निर्माण झाली आहे. दोन्ही चित्रपटात रश्मिका मुख्य भूमिकेत असल्यामुळं तिचं टेन्शन वाढू शकतं. तर 15 ऑगस्टला रिलीज करण्याची इच्छा असलेल्या इतर चित्रपटांचीही यामुळं तारांबळ उडाली आहे.

मुंबई - Pushpa 2 Vs Chhava : अल्लू अर्जुनचा बहुप्रतिक्षित 'पुष्पा 2: द रुल' अपेक्षेप्रमाणे 15 ऑगस्ट रोजी चित्रपटगृहात दाखल होणार नाही. हा चित्रपट स्वातंत्र्यदिनी रिलीज होणार असल्यामुळं सर्वांच्याच खूप अपेक्षा उंचावल्या होत्या. आता 6 डिसेंबर 2024 रोजी रिलीजसाठी पुन्हा शेड्यूल करण्यात आला आहे. या घोषणेमुळे 'पुष्पा 2' आणि दुसरा आगामी चित्रपट 'छावा' या दोन्ही चित्रपटांची नायिका रश्मिका मंदान्ना हिच्यासाठी अडचणी निर्माण होण्याची शक्यता आहे.

'पुष्पा 2' च्या निर्मात्यांनी स्पष्ट केलं की, शूटिगला होत असलेला विलंब आणि त्यानंतरच्या पोस्ट-प्रॉडक्शन कामामुळे रिलीज पुढं ढकलण्यात आलंय. या नवीन रिलीज तारखेसह 'पुष्पा 2' हा चित्रपट 'छावा' या चित्रपटाशी बॉक्स ऑफिसवर टक्कर देणार आहे. 'छावा' या चित्रपटात रश्मिका मंदान्ना आणि विकी कौशल मुख्य भूमिकेत आहे. त्यामुळे हे दोन्ही चित्रपट एकाच दिवशी रिलीज होणार असल्यामुळे रश्मिकाच्या चाहत्यांना चिंतेनं ग्रासलं आहे.

• View this post on Instagram

  A post shared by Allu Arjun (@alluarjunonline)

यापूर्वी 'छावा'च्या निर्मात्यांनी रिलीजची तारीख 6 डिसेंबर 2024 अशी असल्याचं जाहीर केली होती. याच तारखेला 'पुष्पा 2' रिलीज होणार असल्याची घोषणा नुकतीच अल्लू अर्जुननं केली आहे. त्यामुळं फिल्म इंडस्ट्रीत अशी चर्चा आहे की हा संघर्ष टाळण्यासाठी 'छावा'चे दिग्दर्शक दिग्दर्शक लक्ष्मण उतेकर रिलीजच्या तारखेवर पुनर्विचार करु शकतात.

'पुष्पा 2' मुळं इतर सिनेमांचं रिलीज शेड्यूल विस्कळीत

'पुष्पा 2' आणि 'छावा' हे दोन्ही महत्त्वपूर्ण रिलीज मानले जात आहेत आणि रश्मिकानं दोन्ही चित्रपटांमध्ये महत्त्वाच्या भूमिका साकारल्यानं तिच्यासाठी ही एक मोठी परीक्षा ठरू शकते. 15 ऑगस्ट 2024 या तारखे ऐवजी 'पुष्पा 2' वेगळ्या तारखेला रिलीज होत असल्यामुळं इतर चित्रपटांच्या रिलीजवरही मोठा परिणाम झाला आहे. श्रध्दा कपूर आणि राजकुमार राव यांच्या 'स्त्री 2' ने 'पुष्पा 2' च्या विलंबामुळे 15 ऑगस्टचा स्लॉट बुक करण्याची संधी मिळवली आहे. त्याचप्रमाणे, कमल हासनचा 'इंडियन 2' देखील स्वातंत्र्यदिनी प्रदर्शित होणार असल्याचं सांगितले जात होतं, परंतु निर्मात्यांनी 'पुष्पा 2' ची स्पर्धा टाळण्यासाठी हे रिलीज 12 जुलैला करण्याचा निर्णय घेतला होता. आता 'इंडियन 2' चे निर्मातेही आपली तारीख 15 ऑगस्ट करण्यास पुन्हा उत्सुक झाल्याचं समजतं. दरम्यान, जॉन अब्राहमने त्याच्या 'वेदा' या चित्रपटाच्या रिलीजसाठी स्वातंत्र्य दिनानंतरच्या शनिवार व रविवारची घोषणा केली आहे.

हेही वाचा -