मुंबई - Madhuri Dixit : बॉलिवूड अभिनेत्री माधुरी दीक्षित वयाच्या 56 व्या वर्षीही फिट आणि अत्यंत सुंदर दिसते. 90 च्या दशकात माधुरीला फक्त तिच्या अभिनयासाठीच नाही तर नृत्यासाठीही ओळखले जात होते. सध्या ती 'डान्स दीवाने' या शोमध्ये जज आहे. दरम्यान, धक धक गर्लचा एक व्हिडिओ सोशल मीडियावर व्हायरल झाला आहे. यामध्ये माधुरी तिच्या क्यूट फॅनबरोबर दिसत आहे, ज्यानं तिला सर्वांसमोर आंटी म्हटलं. त्यानंतर माधुरीच्या चेहऱ्यावरचे हावभाव पूर्णपणे बदललेले. या व्हिडिओमुळे माधुरी चर्चेत आली आहे.
माधुरी दीक्षितच्या छोट्या चाहत्यानं म्हटलं आंटी : माधुरी दीक्षित 'डान्स दिवाने' शोसाठी तयार होऊन व्हॅनिटी व्हॅनमधून बाहेर येत असताना, अचानक एक महिला एका मुलाला घेऊन तिच्याजवळ आली आणि म्हटलं, "माझ्या मुलाला तुला भेटायचे आहे." माधुरीनं मुलाला पाहिलं आणि हॅलो म्हटलं. या महिलेनं आपल्या मुलाला "से हॅलो टू आंटी" असं म्हणाला सांगितलं. यानंतर त्या लहान मुलानं सर्वांसमोर माधुरीला आंटी म्हटलं आणि सर्वजण आश्चर्यचकित झाले. यानंतर माधुरी दीक्षित हसली. व्हायरल व्हिडिओमध्ये, माधुरी दीक्षित बहुरंगी लेहेंगा चोलीमध्ये दिसत आहे. यावर तिनं मोठ्या ड्रॉप इअरिंग्ज आणि बांगड्या घातल्या आहेत. या लूकमध्ये ती खूपच सुंदर दिसत आहे.
माधुरी दीक्षित-करिश्मा कपूरचा डान्स : 'डान्स दिवाने' या शोमध्ये माधुरी दीक्षित आणि करिश्मा कपूर यांनी त्यांच्या ब्लॉकबस्टर चित्रपट 'दिल तो पागल है'मधील प्रसिद्ध गाणं 'चक धूम धूम'वर पुन्हा डान्स केला. 27 एप्रिल, शनिवारी, 1997 मध्ये आलेल्या, हा चित्रपट बॉक्स ऑफिसवर खूप हिट झाला होता. या चित्रपटामध्ये शाहरुख खानबरोबर माधुरी आणि करिश्मानं काम केलं होतं. दरम्यान माधुरीच्या वर्कफ्रंटबद्दल बोलायचं झालं तर ती शेवटी 'मजा मा' या चित्रपटामध्ये दिसली होती. आता पुढं ती 'भूल भुलैया 3' या चित्रपटामध्ये कार्तिक आर्यन आणि विद्या बालनबरोबर दिसणार आहे. हा चित्रपट दिवाळीच्या मुहूर्तावर बॉक्स ऑफिसवर प्रदर्शित होईल.
हेही वाचा :
- खळबळजनक! सलमान खान गोळीबार प्रकरणातल्या आरोपीनं लॉकअपमध्ये केली आत्महत्या, सीआयडी करणार चौकशी - Salman Khan shooting case
- अल्लू अर्जुन स्टारर 'पुष्पा-द रुल'मधील पहिलं गाणं 'पुष्पा पुष्पा' रिलीज, पाहा व्हिडिओ - First song Pushpa Pushpa Released
- अक्षय कुमार स्टारर 'हाऊसफुल 5'चं शूटिंग ऑगस्टपासून यूकेमध्ये होणार सुरू - housefull 5
