मुंबई - Salman Khan Cameo in Singham Again : रोहित शेट्टीचा 'सिंघम अगेन' चित्रपट बऱ्याच दिवसांपासून चर्चेत आहे. अलीकडेच निर्मात्यांनी चाहत्यांना चित्रपटाच्या रिलीज तारखेबद्दल एक अपडेट शेअर केली होती. बॉलिवूड सुपरस्टार सलमान खान आणि अजय देवगण स्टारर चित्रपटात दिसणार आहे. सलमान खानच्या कॅमिओची बातमी सध्या सोशल मीडियात खूप चर्चेत आहे. अलीकडेच अजय आणि सलमानचा पोलीस गेटअपमधील एक फोटो एक्स सोशल मीडियावर व्हायरल झाला होता. मिळालेल्या माहितीनुसार, 'सिंघम अगेन'मध्ये सलमान खान 'दबंग' फेम अवतारात पोलीस इन्स्पेक्टर चुलबुल पांडेची भूमिका साकारणार आहे.
सलमान खानचा असेल 'सिंघम अगेन'मध्ये कॅमिओ : रिपोर्टनुसार रोहित शेट्टीनं सलमानला चित्रपटात कॅमिओ करण्यासाठी सहमती मिळविली आहे. सलमाननं कोणताही प्रश्न न विचारता चित्रपटासाठी सहमती दर्शवली. सलमाननं त्याच्या कॅमियोचं शूटिंग केल्याचं समजत आहे. या चित्रपटात सलमान कॅमिओ करत असल्याची अफवा आहेच. याशिवाय बाहुबली अभिनेता प्रभास रोहित शेट्टीच्या कॉप युनिव्हर्समध्ये कॅमिओ करणार असल्याचीही चर्चा आहे. याबाबत अद्याप अधिकृत दुजोरा मिळालेला नाही. 'सिंघम अगेन' या दिवाळीत चित्रपटगृहात दाखल होण्यासाठी सज्ज आहे. याचं दिवशी अभिनेता कार्तिक आर्यन स्टारर 'भूल भुलैया 3' चित्रपट देखील रुपेरी पडद्यावर रिलीज होणार आहे.
'सिंघम अगेन'ची स्टारकास्ट : 'सिंघम अगेन' हा चित्रपट सणासुदीच्या काळात प्रदर्शित होत असल्यानं हा चित्रपट बॉक्स ऑफिसवर चांगली कमाई करेल, अशी सध्या अपेक्षा केली जात आहे. या चित्रपटाच्या स्टारकास्टबद्दल बोलायचं झालं तर यात अजय देवगण व्यतिरिक्त करीना कपूर खान, अक्षय कुमार, रणवीर सिंग, अर्जुन कपूर, टायगर श्रॉफ आणि दीपिका पदुकोण यांच्या प्रमुख भूमिका आहेत. आता या चित्रपटाच्या रिलीजची अनेकजण वाट पाहात आहेत. 'सिंघम अगेन' चित्रपटामध्ये अजयची अ‍ॅक्शन प्रेक्षकांना पाहायला मिळणार आहे. या चित्रपटाकडून रोहित शेट्टीला खूप अपेक्षा आहेत. त्यानं 'सिंघम अगेन'साठी खूप मेहनत घेतली आहे.
हेही वाचा :
