शाहरुख खाननं भरला सर्वाधिक कर, कपिल शर्मानं अल्लू अर्जुनला टाकले मागे - shah rukh khan

Top Tax Payers Indian Celebs : सेलिब्रिटींमध्ये शाहरुख खानने यावेळी सर्वाधिक कर भरला आहे. याशिवाय कपिल शर्मानं करदात्यांच्या यादीत साऊथ सुपरस्टार अल्लू अर्जुनला मागे टाकले आहे.

मुंबई - Shah Rukh Khan : 'हुरुन इंडिया रिच लिस्ट'मध्ये शाहरुख खानला स्थान मिळालं आहे. या यादीत अनेक दिग्गज उद्योगपतींच्या साथीनं शाहरुख खानचं आहे. आता फॉर्च्युननं 2023-24 या आर्थिक वर्षात सर्वाधिक कर भरणाऱ्या सेलिब्रिटींची यादी जाहीर केली आहे. यामध्ये टॅक्स भरणाऱ्या सेलिब्रिटींच्या यादीत शाहरुख खानचं नाव आघाडीवर आहे. मिळालेल्या माहितीनुसार, शाहरुखनं सर्वाधिक 92 कोटी रुपयांचा कर भरला आहे. या यादीत शाहरुख खानबरोबर सलमान खान, अमिताभ बच्चन आणि कपिल शर्मा यांनीही स्थान मिळलं आहे. दरम्यान या यादीत कपिल शर्मानं अल्लू अर्जुनला मागे टाकले आहे.

View this post on Instagram

A post shared by Fortune India (@fortune.india)

शाहरुख खाननं भराला सर्वाधिक कर : 2023 मध्ये शाहरुखने तीन सुपरहिट चित्रपट बॉक्स ऑफिसला दिले आहेत, 'पठाण', 'जवान' आणि 'डंकी' या तिन्ही चित्रपटांनी बॉक्स ऑफिसवर जोरदार कमाई केली होती. शाहरुखनं 2023 मध्ये या तीन चित्रपटांमधून 2.5 हजार कोटींहून अधिक कमाई केली होती. याशिवाय एका वर्षात एवढी कमाई करणारा शाहरुख खान हा एकमेव अभिनेता ठरला. शाहरुख खान आणि इतर सेलिब्रिटींनी जाहिरातींमधून कमावलेल्या उत्पन्नाचाही या करात समावेश आहे. या यादीतील टॉप 5 टॅक्स भरणाऱ्या कलाकारांबद्दल सांगायचं झालं तर यात साऊथ स्टार थलपथी विजय दुसऱ्या स्थानावर आहेत. विजयनं 80 कोटी रुपयांचा कर भरला आहे.

Top Celebrity Tax Payers!!💸

1. SRK
2. Thalapathy
3. Sallu Bhai pic.twitter.com/VO89TIsqjk

— Christopher Kanagaraj (@Chrissuccess) September 4, 2024

कपिल शर्मानं अल्लू अर्जुनला टाकलं मागे : यानंतर सलमान खाननं 75 कोटी रुपये, अमिताभ बच्चननं 71 कोटी आणि क्रिकेटर विराट कोहलीनं 66 कोटी रुपयांचा कर भरला आहे. तसेच साऊथ स्टार, 'पुष्पा' म्हणजेच अल्लू अर्जुननं 14 कोटी रुपये आणि कपिल शर्मानं 26 कोटी रुपयांचा कर भरला आहे. दरम्यान थलपथी विजय हा ॲक्शन ड्रामा चित्रपट 'गोट' ('द 'ग्रेटेस्ट ऑफ ऑल टाईम)मुळे सध्या चर्चेत आहे. त्याचा हा चित्रपट आज 5 सप्टेंबर रोजी चित्रपटगृहांमध्ये दाखल झाला आहे.'गोट' चित्रपटामध्ये विजय हा दुहेरी भूमिकेत दिसणार आहे. या चित्रपटाची केझ ही आता पाहायला मिळत आहे. चित्रपटगृहांमध्ये हा चित्रपट पाहण्यासाठी खूप गर्दी होताना दिसत आहेत. 'गोट'नं आगाऊ बुकिंगमध्ये धमाकेदार कमाई केली होती. रिलीजच्या पहिल्या दिवशी हा चित्रपट खूप नोटा छापणार आहे. 'ग्रेटेस्ट ऑफ ऑल टाइम' या चित्रपटाबाबत चाहत्यांमध्ये एक वेगळाच जल्लोष पाहायला मिळत आहे.

हेही वाचा :