राम चरण-उपासना कोनिडेनं साजरा केला लग्नाचा वाढदिवस, पोस्ट शेअर करत व्यक्त केली भावना - ram charan upasana

Ram Charan Upasana Anniversary : साऊथ स्टार राम चरण आणि त्याची पत्नी उपासना कोनिडेलानं लग्नाचा वाढदिवस साजरा केला होता. आता उपासनानं एक फोटो शेअर केला आहे.

मुंबई - Ram Charan Upasana Anniversary : तेलुगू सुपरस्टार राम चरणची पत्नी उपासना कोनिडेलानं तिच्या लग्नाचा वाढदिवस एका खास पद्धतीनं साजरा केला. 14 जून रोजी या जोडप्याच्या लग्नाला 12 वर्षे पूर्ण झाली. उपासना कोनिडेलानं एक सुंदर फोटो पोस्ट केला. ती पती राम चरण आणि मुलगी क्लिन काराबरोबर दिसत आहे. फोटोमध्ये राम चरण आणि उपासना यांनी त्यांची लाडकी मुलगी क्लिन कारा हिचे बोट धरलेले आहे. यात राम चरणनं बेज रंगाचा शर्ट घातला होता. तर उपासनानं निळ्या रंगाचा लॉग शर्ट घातला होता. त्यांचा व्हायरल होत असलेला हा फोटो अनेकांना आवडला आहे.

उपासना कोनिडेलानं शेअर केला फोटो : उपासना कोनिडेलानं फोटोबरोबर एक खास कॅप्शनही लिहिलं आहे की, "12 वर्षे एकत्रतेचे आहे.' तुमच्या प्रेमाबद्दल आणि शुभेच्छांबद्दल सर्वांचे आभार. तुम्हा सर्वांनी आम्हांला खूप पाठिंबा दिला आहे. भविष्यातही तुम्ही असाच सपोर्ट करत राहाल अशी आशा आहे." या पोस्टवर उपासनानं पती राम चरण यांनीही प्रतिक्रिया दिली आहे. या फोटोवर त्यानं कमेंट करत लिहिलं, "अरेरे, मला तुझा जीवनसाथीदार बनून खूप आनंद होत आहे. मी खूप खूश आहे." राम चरण आणि उपासना कॉलेजमध्ये एकत्र होते. यानंतर राम चरण उपासनाच्या प्रेमात पडला.

राम चरण आणि उपासना कोनिडेलाचं लग्न : या जोडप्यानं 2012 मध्ये लग्न केलं. 2023 मध्ये त्यांनी पहिली मुलगी, क्लिन काराचं स्वागत केलं. उपासना ही अनेकदा आपल्या पतीबरोबर फोटो शेअर करत असते. ती सोशल मीडियावर खूप सक्रिय आहे. राम चरणच्या आगामी चित्रपटांबद्दल बोलायचं झालं तर तो शेवटी 'आरआरआर' चित्रपटामध्ये दिसला होता. हा चित्रपट जगभरात खूप गाजला होता. आता पुढं तो 'गेम चेंजर' या चित्रपटामध्ये कियारा अडवाणीबरोबर दिसणार आहे. हा चित्रपट सप्टेंबर 2024 मध्ये थिएटरमध्ये प्रदर्शित होईल. याशिवाय तो 'मेरुपू', 'ऑटो जानी' आणि ' द इंडिया हाऊस' या चित्रपटामध्ये दिसणार आहे.

हेही वाचा :