मुंबई - Pulkit And Kriti Wedding : अभिनेता पुलकित सम्राट लवकरच लग्नबंधनात अडकणार आहे. पुलकित अभिनेत्री क्रिती खरबंदाबरोबर गुरुग्राममधील आयटीसी ग्रँड भारत (मानेसर) येथे लग्न करणार आहे. पुलकित-क्रितीचे लग्न 15 मार्चला होणार आहे. या जोडप्याचा विवाहसोहळा आज 13 मार्चपासून सुरू झाला आहे. आता पुलकित दिल्लीतील घरातून लग्नासाठी रवाना झाला आहे. आता लग्नामधील खास कार्यक्रमासाठी त्यानं पिवळा कुर्ता आणि पांढरा पायजमा घातला आहे. आता यावरून स्पष्ट होत आहे की, आज पुलकित-क्रितीचा हळदी समारंभ होईल. घरातून बाहेर पडताच तो त्याच्या पांढऱ्या रंगाच्या कारमध्ये बसला आणि गोड हसला.
पुलकित सम्राटचा लूक : पुलकितनं त्याच्या पोशाखावर काळ्या रंगाचा चष्माही लावला आहे. या लूकमध्ये तो खूप देखणा दिसत आहे. याआधी, पुलकित-क्रितीच्या लग्नाच्या ठिकाणाहून एक व्हिडिओ देखील आला होता, ज्यामध्ये हे जोडपे आपल्या नवीन आयुष्याची सुरुवात एका विशेष ठिकाणावर करणार असल्याचं दाखविण्यात आलं होतं. आज या जोडप्याच्या मेहंदीबरोबर हळदीचा विधीही होणार असल्याचं समजत आहे. 14 मार्च रोजी या जोडप्याचा संगीत सोहळा होईल. यानंतर कपलसाठी कॉकटेल पार्टीही होणार आहे. दुसऱ्या दिवशी 15 मार्चला हे जोडपे लग्नबंधनात अडकणार आहेत. पुलकित आणि क्रितीच्या लग्नात कोणते स्टार्स हजर राहणार आहेत, याची कोणतीही माहिती या जोडप्यानं शेअर केलेली नाही.
पुलकित आणि क्रिती लव्हस्टोरी : पुलकित आणि क्रिती 2019 मध्ये पागलपंती चित्रपटाच्या सेटवर भेटले आणि तेव्हापासून हे जोडपे एकमेकांना डेट करू लागले. ही जोडी 'वीरे की वेडिंग' आणि 'तैश' यांसारख्या अनेक चित्रपटांमध्येही एकत्र दिसली आहे. दरम्यान या जोडप्यानं आपल्या कुटुंबियांच्या उपस्थित काही दिवसापूर्वी साखरपुडा केला होता. या कार्यक्रमामधील फोटो पुलकितच्या बहिनीनं सोशल मीडियावर शेअर केले होते. दरम्यान या जोडप्याच्या वर्कफ्रंटबद्दल बोलायचं झालं तर पुलकित शेवटी 'फुकरे 3' या चित्रपटामध्ये दिसला होता. दुसरीकडे क्रिती शेवटी '14 फेरे'मध्ये दिसली होती. आता पुढं ती 'हाऊसफुल्ल 5', 'रिस्की रोमियो' 'वान' आणि 'पप्पु' या चित्रपटांमध्ये दिसणार आहे.
हेही वाचा :
