मुंबई - Priyanka Chopra holi celebration : ग्लोबल स्टार प्रियांका चोप्रा बऱ्याच दिवसांपासून भारतात आहे. ती सध्या आपल्या कुटुंबाबरोबर क्वालिटी घालवत आहे. भारतात आल्यापासून प्रियांका पती निक जोनास आणि मुलगी मालती मेरीबरोबर वेगवेगळ्या ठिकाणी जात आहे. काही दिवसापूर्वी प्रियांकानं आपल्या कुटुंबासह अयोध्याच्या श्रीराम मंदिराला भेट दिली होती. दरम्यान प्रियांकानं काल 25 मार्च रोजी होळी सणाचा आनंद आपल्या कुटुंबासह लुटला. लग्नानंतर प्रियांकाची भारतातली ही पहिलीच होळी आहे. या होळी सेलिब्रेशनचे काही सुंदर फोटो आणि व्हिडिओ सोशल मीडियावर व्हायरल झाले आहे. प्रियांकाचे संपूर्ण कुटुंब होळीच्या मस्तीत नाचताना दिसत आहे.
होळी सेलिब्रेशनचा व्हिडिओ : व्हायरल झालेल्या फोटोत निक जोनास आणि मुलगी मालती देखील होळी साजरी करताना दिसत आहेत. 'बिग बॉस' फेम मन्नारा चोप्रा देखील प्रियांकाबरोबर या कार्यक्रमात आहे. मन्नारा आणि प्रियांका या चुलत बहिणी आहेत. फोटोत मन्नाराही रंगानं भिजलेली दिसत आहे. यावेळी तिनं पांढऱ्या टी-शर्टसह मिनी स्कर्ट घातला होता. प्रियांकानं या कार्यक्रमात पांढऱ्या रंगाच्या अनारकलील परिधान केला होता. या सेलिब्रेशनचा एक व्हिडिओही समोर आला आहे, ज्यामध्ये प्रियांका ड्रमच्या तालावर नाचताना दिसत आहे. या व्हिडिओवर चाहते कमेंट्स करू प्रियांकाला होळीच्या शुभेच्छा देताना दिसत आहेत.
प्रियांका चोप्राचं वर्कफ्रंट : दरम्यान प्रियांकाच्या वर्कफ्रंटबद्दल बोलायाचं झालं तर ती शेवटी 'सिटाडेल' वेब सीरीजमध्ये दिसली होती. या वेब सीरीजसाठी तिच्या कामाचे खूप कौतुकही झाले होते. ही वेब सीरीज ओटीटी प्लॅटफॉर्मवर खूप गाजली होती. लवकरच प्रियांका झोया अख्तरचा 'जी ले जरा' चित्रपट शूट करण्याच्या तयारीत आहे. बऱ्याच दिवसांपासून या चित्रपटाच्या तारखा निश्चित होत नव्हत्या, मात्र आता प्रियांकाचा निर्णय झाल्याचं दिसत आहे. या चित्रपटात प्रियांका चोप्राबरोबर आलिया आणि कतरिना देखील दिसणार आहेत. भारतात आल्यानंतर प्रियांका एक्सेलच्या ऑफिसमध्ये पोहोचली आणि झोया आणि फरहानचीही भेट घेतली होती. याशिवाय प्रियांका कल्पना चावलाच्या बायोपिकमध्ये दिसणार आहे.
हेही वाचा :
