मुंबई - Kalki 2898 AD on OTT Release : प्रभास, दीपिका, अमिताभ बच्चन स्टारर सायन्स-फिक्शन चित्रपट 'कल्की 2898 एडी' बॉक्स ऑफिसवर जोरदार कमाई करत आहे. हा चित्रपट 2024 मधील सर्वाधिक कमाई करणाऱ्या चित्रपटांपैकी एक बनला आहे. नाग अश्विन दिग्दर्शित पौराणिक ॲक्शन ड्रामा 27 जून रोजी रुपेरी पडद्यावर प्रदर्शित झाला. या चित्रपटानं अवघ्या 16 दिवसांत जगभरात 1000 कोटींचा टप्पा ओलांडला आहे. पौराणिक कहाणी आणि सायन्स-फिक्शन यांचा अप्रतिम संगम असलेला 'कल्की 2898 एडी' पाहण्यासाठी चाहते थिएटरमध्ये गर्दी आता देखील करत आहेत. हा चित्रपट ओटीटीवर देखील प्रदर्शित होणार आहे.
'कल्की 2898 एडी' ओटीटीवर होणार रिलीज : रिपोर्ट्सनुसार, 'कल्की 2898 एडी'चे निर्माते चित्रपटगृहांमध्ये रिलीजच्या 10 आठवड्यांनंतर हा चित्रपट ओटीटी प्लॅटफॉर्मवर प्रसारित करण्याची योजना आखत आहेत. म्हणजेच हा चित्रपट सप्टेंबरच्या सुरुवातीला ओटीटीवर प्रवाहित होऊ शकतो. प्राइम व्हिडिओ इंडिया तेलुगू, तमिळ, कन्नड आणि मल्याळमसह इतर प्रादेशिक भाषांमध्ये हा चित्रपट प्रसारित करेल. तसेच नेटफ्लिक्स इंडिया हिंदी आवृत्ती प्रदर्शित करेल. निर्मात्यांनी अद्याप ओटीटी प्लॅटफॉर्मवर रिलीजची तारीख अधिकृतपणे घोषीत केलेली नाही. हा चित्रपट आता लवकरच ओटीटीवर रिलीज होईल, असा अनेकजण अंदाज लावत आहेत.
'या' चित्रपटांना टाकलं मागं : 'कल्की 2898 एडी'च्या स्टार कास्टमध्ये प्रभास, दीपिका पदुकोण, अमिताभ बच्चन आणि कमल हासन यांसारखे मोठे स्टार्स दिसले आहेत. या चित्रपटामधील कमल हासन यांनी खलनायकाची भूमिका साकारली आहे. आता चित्रपट निर्माते आणि स्टार्स चित्रपटाच्या अफाट यशाचा आनंद घेत आहेत. कमल हासननं नुकताच एक व्हिडिओ शेअर केला आहे, यामध्ये ते जगभरात 1,000 कोटींचा टप्पा ओलांडण्याच्या यशाबद्दल बोलत आहे. या चित्रपटानं 3 दिवसांपूर्वी जगभरातील बॉक्स ऑफिसवर 1000 कोटींचा टप्पा ओलांडला होता. आता हा चित्रपट या वर्षातील सर्वाधिक कमाई करणारा ठरला आहे. 'कल्की 2898 एडी' या चित्रपटानं कमाईच्या बाबतीत 'फायटर' आणि 'हनुमान' या दोन मोठ्या चित्रपटांना मागं टाकलं आहे.
हेही वाचा :
