मुंबई -Janhvi Kapoor : राधिका मर्चंट लवकरच मुकेश अंबानी आणि नीता अंबानी यांचा धाकटा मुलगा अनंत अंबानीबरोबर विवाह करणार आहे. गेल्या महिन्यातच अंबानी यांनी अनंत आणि राधिकासाठी प्री-वेडिंग फंक्शन आयोजित केलं होतं. या कार्यक्रमात परदेशातील पाहुण्यांपासून तर बॉलिवूड आणि क्रिक्रेट जगतातील अनेकांनी हजेरी लावली होती. या प्री-वेडिंग कार्यक्रमाची बरीच चर्चा झाली होती. आता सोशल मीडियावर राधिकाच्या ब्राइडल शॉवरचे काही फोटो समोर आले आहेत. हे फोटो बॉलिवूडमधील अभिनेत्री जान्हवी कपूरनं तिच्या इन्स्टाग्राम पेजवर आज 15 एप्रिल रोजी पोस्ट केले आहेत.
राधिका मर्चंटच्या ब्राइडल शॉवरचे फोटो जान्हवीनं केले शेअर : जान्हवीनं या पोस्टच्या कॅप्शनमध्ये लिहिलं, 'प्रिन्सेस डायरीज रॉयल स्लंबर पार्टी सर्वात खास वधूसाठी.' याशिवाय जान्हवीनं हा फोटो तिच्या गर्ल गँगला टॅग केला आहे. या फोटोमध्ये जान्हवीची गर्ल गँग आणि मुलांची गँग या प्री वेडिंग कार्यक्रमाचा आनंद घेत आहे. जान्हवीनं शेअर केलेले फोटो अनेकांना आवडत आहेत. अनेकजण या पोस्टच्या कमेंट्स विभागात आपल्या प्रतिक्रिया देत आहेत. ब्राइडल शॉवरसाठी गुलाबी रंगाची थीम निवडण्यात आली होती. फोटोमध्ये जान्हवी, राधिका आणि इतर मुली गुलाबी फुलांच्या थीमशी जुळणारे नाईटवेअर ड्रेसमध्ये पोझ देताना दिसत आहेत. तसेच या फोटोमध्ये फक्त राधिकानं पांढऱ्या लाउंजवेअर सेट परिधान केला आहे, ज्यामध्ये ती अधिक सुंदर दिसत आहे.
