मुंबई - Hina khan : 'ये रिश्ता क्या कहलाता है' फेम अभिनेत्री हिना खान सध्या कठीण टप्प्यातून जात आहे. हिनानं नुकतीच माहिती शेअर करत कॅन्सर झाल्याचं सांगितलं होत. ही बातमी समोर आल्यापासून हिनाच्या चाहत्यांना धक्का बसला आहे. एका इंस्टाग्राम पोस्टद्वारे तिला स्तनाचा कर्करोग झाल्याचं सांगण्यात आलं होतं. या काळात ती स्वतःची काळजी घेण्यात व्यग्र आहे आणि तिला प्रत्येक अडचणीला हसतमुखानं सामोरं जावं लागत आहे. ती प्रत्येक अपडेट मोठ्या हिंमतीनं आपल्या चाहत्यांबरोबर शेअर करत आहे.
हिना खानचा बॉयफ्रेंड रॉकी जैस्वालनं शेअर केले फोटो : आता या कठीण काळात हिनाची आई आणि बॉयफ्रेंड रॉकी जैस्वाल तिची विशेष काळजी घेत आहे. अलीकडेच, तिच्या बॉयफ्रेंडनं हिनासाठी एक खास पोस्ट केली शेअर केली होती. या फोटोमध्ये हिनानं पिवळ्या नाईटसूटवर निळा एप्रन घातला आहे. सोफ्यावर बसलेली हिना खान खूपच क्यूट दिसत आहे. हा फोटो शेअर करताना, तिच्या बॉयफ्रेंडनं एक सुंदर कॅप्शन देत लिहिलं, "जेव्हा ती हसते तेव्हा प्रकाश अधिक उजळतो, जेव्हा ती माझ्याबरोबर असते तेव्हा मी आणखी जगतो. जेव्हा मी तिच्याबरोबर असतो, तेव्हा काहीही महत्त्वाचे नसते." ही पोस्ट पाहिल्यानंतर रॉकीचे किती प्रेम तिच्यावर आहे हे दिसून येतं.
रॉकी आणि हिनाची बॉडिंग आहे खास : ही पोस्ट पाहिल्यानंतर अनेकजण दोघांच्या बॉडिंगचे कौतुक करत आहेत. रॉकीच्या या पोस्टवर हिनानं कमेंट केली आहे. या पोस्टवर तिनं लिहिलं, "तुम्ही." याशिवाय यावर काही हार्ट देखील शेअर केले आहेत. एका चाहत्यानं या पोस्टवर कमेंटमध्ये लिहिलं,"हिना खान एक फायटर आहे. तू तिला ज्या प्रकारे तिला साथ देत आहेस ते खूप चांगलं आहे. दुसऱ्या एका चाहत्यानं लिहिलं, "हिना खान भाग्यवान आहे की, तू त्याच्याबरोबर आहेस.' आणखी एका चाहत्यानं लिहिलं, "तुमच्या नात्यानं माझ्या हृदयाला स्पर्श केला आहे." हिना खान आणि रॉकी यांची भेट 'ये रिश्ता क्या कहलाता है' दरम्यान झाली होती. 'बिग बॉस'मध्येही दोघांची केमिस्ट्री पाहायला मिळाली होती.
हेही वाचा :
