दीपिका पदुकोणचा बेबी बंप पाहून चाहते म्हणतात, 'हिच्या पोटी जन्म घेणार कल्की!' - deepika padukone

Deepika Padukone : प्रभास स्टारर 'कल्की 2898 एडी'चा ट्रेलर अनेकांना आवडला आहे. आता ट्रेलरमध्ये दीपिका पदुकोणचा बेबी बंप पाहिल्यानंतर चाहते याबद्दलची चर्चा सोशल मीडियावर करत आहेत.

मुंबई - Deepika Padukone : साऊथ सुपरस्टार प्रभास स्टारर बहुप्रतीक्षित 'कल्की 2898 एडी' या चित्रपटाचा ट्रेलर बऱ्याच दिवसांपासून चर्चेत आहे. 'कल्की 2898 एडी'च ट्रेलर 10 जून रोजी संध्याकाळी 7 वाजता रिलीज झाला. 'कल्की 2898 एडी'च्या ट्रेलरला खूप प्रेम मिळत आहे. दरम्यान, या चित्रपटाच्या ट्रेलरमध्ये अभिनेत्री दीपिका पदुकोणचा बेबी बंप पाहायला मिळत आहे. दीपिका या वर्षी आई होणार आहे. दरम्यान 'कल्की 2898 एडी'च्या चित्रपटाबद्दल बोलायचं झालं तर या चित्रपटामधील दीपिकाचा बेबी बंप पाहून चाहते अंदाज लावत आहे की, ती कल्कीला जन्म देईल. ट्रेलरमध्ये दीपिका पदुकोण प्रेग्नंट असल्याचं दाखविण्यात आलं आहे.

'कल्की 2898 एडी'चा ट्रेलर धमाकेदार : दीपिका पदुकोणच्या पोटात वाढणारे मूल हे देवाचे रूप आहे, असं अमिताभ बच्चन ट्रेलरमध्ये अश्वत्माच्या भूमिकेत सांगत आहेत. दीपिका पदुकोणचे हे मूल कल्कीच्या रूपात जन्माला येईल, जे शत्रूंशी लढून मानवजातीला वाचवेल. ट्रेलरमध्ये दिशा पटानी प्रभासला भैरव नावानं हाक मारताना दिसत आहे. या चित्रपटामध्ये दीपिकाचं नाव सुम एटी असल्याचं दिसत आहे. ट्रेलरवरून कळते की कलयुग संपल्यानंतर, ज्याच्या पोटी कल्की जन्मेल ती सुमती असेल. दरम्यान सोशल मीडियावर 'कल्की 2898 एडी' चित्रपटाबद्दल जोरदार चर्चा होताना दिसत आहेत.

चाहत्यांनी केलं ट्रेलरचं कौतुक : 'कल्की 2898 एडी'चा ट्रेलर पाहिल्यानंतर एका यूजरनं लिहिलं, "कल्की 2898 एडी'चा ट्रेलर खूप जोरदार आहे." दुसऱ्या एकानं लिहिलं, "दीपिका या चित्रपटाच्या वेळी प्रेग्नंट असेल तिचा बेबी बंप दिसत आहे, ती नक्कीचं कल्कीला जन्म देईल." आणखी एकानं लिहिलं, "प्रभास या चित्रपट खूप जोरदार असेल." याशिवाय काहीजणांनी या पोस्टवर फायर आणि हार्ट इमोजी पोस्ट करत आहेत. चित्रपटात कमल हासन खलनायकाच्या भूमिकेत दिसत आहे. तो चित्रपटात काळ्या माणसाच्या मानवी रूपात आहे, त्याचे शरीर मरत आहे आणि त्याला नवीन शरीराची गरज आहे. म्हणूनच तो मुलींना पळवून नेतो आणि त्यांना गरोदर बनवतो, जेणेकरून त्याला नवीन शरीर मिळू शकेल. दीपिकाचे मूल कल्की म्हणून जन्म येईल आणि कलीचा नाश करेल. या चित्रपटाची कहाणी खूप रंजक आहे. 27 जूनला हा चित्रपट रुपेरी पडद्यावर प्रदर्शित होणार आहे.

हेही वाचा :