मुंबई - Chandu Champion and Munjya Box Office: कबीर खान दिग्दर्शित स्पोर्ट्स ड्रामा 'चंदू चॅम्पियन' काल म्हणजेच 14 जून रोजी थिएटरमध्ये प्रदर्शित झाला. या चित्रपटात कार्तिक आर्यन मुख्य भूमिकेत आहे. 'चंदू चॅम्पियन' चित्रपटात कार्तिक आर्यन व्यतिरिक्त यशपाल शर्मा, भाग्यश्री बोरसे, राजपाल यादव, भुवन अरोरा आणि श्रेयस तळपदे हे कलाकारही महत्त्वाच्या भूमिकेत आहेत. या बायोपिकमध्ये कार्तिक आर्यन पॅरालिम्पिक सुवर्णपदक विजेता मुरलीकांत पेटकरची भूमिका साकारत आहे. 'चंदू चॅम्पियन' चित्रपटाला समीक्षक आणि प्रेक्षकांकडून चांगला प्रतिसाद मिळत आहे. आता चित्रपटाच्या ओपनिंग डेचे आकडेही समोर आले आहेत.
'चंदू चॅम्पियन'चं बॉक्स ऑफिस कलेक्शन : सॅकनिल्कच्या रिपोर्टनुसार 'चंदू चॅम्पियन'नं बॉक्स ऑफिसवर 4.75 कोटी रुपयांची कमाई केली. या चित्रपटानं रिलीजच्या पहिल्या दिवशी अपेक्षेपेक्षा कमी कमाई केली आहे. कोरोनानंतर प्रदर्शित झालेल्या कार्तिक आर्यनच्या चित्रपटांमध्ये 'चंदू चॅम्पियन'चं ओपनिंग डे कलेक्शन आतापर्यंतचे सर्वात कमी आहे. या आकडेवारीत चढ-उतार होण्याची शक्यता आहे. कबीर खान दिग्दर्शित 'चंदू चॅम्पियन'नं रिलीजच्या पहिल्याच दिवशी एकूण 16.84 टक्के बिजनेस मिळवला. आता अनेकांच्या नजरा या शनिवार आणि रविवारच्या कमाईवर आहे. या दिवशी हा चित्रपट बॉक्स ऑफिसवर चांगली कमाई करेल अशी अपेक्षा केली जात आहे.
'मुंज्या'ची एकूण कमाई : बॉक्स ऑफिसवर 'चंदू चॅम्पियन' समोर 'मुंज्या' हा चित्रपट आहे. या चित्रपटात कोणताही मोठा स्टार नाही, पण या चित्रपटाला प्रेक्षकांचा जबरदस्त प्रतिसाद मिळत आहे. मराठीत उलाढाल, क्लासमेट, झोम्बिवली आदी वेगळ्या धाटणीचे चित्रपट देणाऱ्या आदित्य सरपोतदारने या चित्रपटाचं दिग्दर्शन केलंय. या हॉरर कॉमेडी चित्रपटात शर्वरी वाघ, मोना सिंग आणि अभय वर्मा मुख्य भूमिकेत आहेत. 'मुंज्या'नं चित्रपटगृहांमध्ये चांगलीच खळबळ उडवून दिली आहे. या चित्रपटाची कहाणी कोकणातील एका भुताभोवती फिरते. 'मुंज्या'च्या कमाईबद्दल बोलायचं झालं तर कोणताही मोठा स्टार नसतानाही या चित्रपटानं बॉक्स ऑफिसवर रिलीजच्या आठव्या दिवशी देखील 3.35 कोटींची कमाई केली आहे. 'मुंज्या'नं आतापर्यत एकूण कमाई 38.65 कोटीचा गल्ला जमवला आहे. 'मुंज्या'चा हा दुसरा वीकेंड असून या चित्रपटाबद्दल प्रेक्षकांमध्ये प्रचंड उत्सुकता आहे.
हेही वाचा :
- अल्लू अर्जुनच्या 'पुष्पा 2' शी होणारी लढत टाळण्यासाठी 'सिंघम अगेन' चित्रपटाची रिलीज तारीख बदलली - Allu Arjun Pushpa 2
- अजिंक्य देव आणि अश्विनी भावे ही जोडी 25 वर्षानंतर 'घरत गणपती' चित्रपटात पुन्हा एकत्र - Gharat Ganapati
- शिवानी सुर्वे आणि समीर परांजपे म्हणताहेत 'थोडं तुझं आणि थोडं माझं'! - Thod Tujm Aag Thod Mazan
