मुंबई - International Yoga Day 2024 : जगभरात आज २१ जून रोजी आंतरराष्ट्रीय योग दिवस साजरा केला जात आहे. यानिमित्तानं लोक योगासनं करत आहेत आणि त्यांचे फोटो सोशल मीडियावर टाकत आहेत. यामध्ये बॉलिवूड स्टार्सही या बाबतीत मागं नाहीत. बॉलीवूडच्या फिटनेस क्वीन्समध्ये शिल्पा शेट्टी आणि मलायका अरोरा यांचे नाव आघाडीवर आहे आणि आता अनेक अभिनेत्रींनाही या यादीत सामील व्हायचं आहे. आंतरराष्ट्रीय योग दिन 2024 रोजी, कियारा अडवाणी, रकुल प्रीत सिंग, शिल्पा शेट्टी, निकिता दत्ता आणि सलमान खान यांच्या चित्रपटात दिसणारी अभिनेत्री प्रज्ञा जयस्वाल हिनं देखील सोशल मीडियावर योग करतानाचे फोटो शेअर केले आहेत.
बॉलिवूड स्टार्सना लागलं योगासनांचं वेड
बॉलिवूड स्टार अनुपम खेर यांनीही एक व्हिडिओ शेअर केला आहे, ज्यामध्ये ते योगा आणि व्यायाम करताना दिसत आहेत. बॉलिवूडचे सुंदर नवीन जोडपं रकुल प्रीत सिंग आणि जॅकी भगनानी यांनी एकत्र योग करतानाचा फोटो शेअर केला आहे. शाहिद कपूरबरोबर कबीर सिंग या चित्रपटात दिसलेली बॉलिवूड अभिनेत्री निकिता दत्ता हिनेही योगच्या पोजमध्ये स्वत:चा एक फोटो शेअर केला आहे.
