सूरज चव्हाणनं केली इच्छा व्यक्त, 'बिग बॉस' मराठीची ट्रॉफी जिंकेल? - Bigg Boss Marathi

Bigg Boss Marathi Season 5 : 'बिग बॉस मराठी 5' या शोमध्ये सूरज चव्हाणनं 'बिग बॉस'ची ट्रॉफी तो जिंकेल असं म्हटलं आहे. त्याचा आणि अभिजीत सावंतचा एक व्हिडिओ सोशल मीडियावर व्हायरल झाला आहे.

मुंबई - Bigg Boss Marathi Season 5 : 'बिग बॉस मराठी 5'चा सीझन हा सध्या खूप चर्चेत आहे. या रिएलिटी शोचा तिसरा आठवडा सुरू झाला आहे. सर्व स्पर्धक आता आपला खेळ खेळू लागले आहेत. दरम्यान सोशल मीडियावर 'बिग बॉस'च्या निर्मात्यांनी एक व्हिडिओ शेअर केला आहे. यात सूरज चव्हाण हा गायक अभिजीत सावंतबरोबर बोलताना दिसत आहे. दरम्यान 'बिग बॉस'च्या घरात सूरज चव्हाणनं जेव्हा प्रवेश केला होता, त्यावेळी त्याची सोशल मीडियावर खिल्ली उडवण्यात आली होती. याशिवाय 'बिग बॉस'च्या घरातदेखील सूरज काही दिवस एकटा पडल्याचं दिसून आलं होतं. नंतर मात्र सूरजनं घरातील सदस्यांची मनं जिंकली.

View this post on Instagram

A post shared by Colors Marathi (@colorsmarathi)

सूरज घेऊन जाणार 'बिग बॉस मराठी'ची ट्रॉफी ?: बिग बॉसच्या घरात सूरजनं त्याच्या आयुष्यातील कठीण प्रसंग सांगितले. त्यानंतर त्याला अनेकांचा पाठिंबा मिळू लागला आहे. घरातील टास्कमध्ये सूरजनं आपली जबाबदारी चांगल्या पद्धतीनं पार पाडल्यानंतर तो प्रेक्षकांना पसंत पडला. 'बिग बॉस'ने आणि शोचा होस्ट रितेश देशमुखनेदेखील सूरजचा आत्मविश्वास वाढवण्याचा खूप प्रयत्न केला. दरम्यान एका व्हायरल झालेल्या व्हिडिओमध्ये गार्डन एरियामध्ये अभिजीत सावंतबरोबर गप्पा मारताना सूरज म्हणतो, "'बिग बॉस' मराठीची ट्रॉफी मीच घेऊन जाणार, ह्यांना कोणाला हात लावू देणार नाही." यानंतर अभिजीत सावंत त्याचा आत्मविश्वास वाढवत म्हणतो, "तूच ने, तुझा हक्कच आहे."

सूरज चव्हाणची इच्छा : यानंतर पुढं अभिजीत म्हणतो, "तुला सर्वजण शेवटचं समजतात." यानंतर सूरज लगेच म्हणतो, "शेवटीच आलो आणि शेवटीच जाईन." 'बिग बॉस'ची ट्रॉफी जिंकल्यानंतर आपण खंडोबाला जाणार आणि पप्पांना भेटणार असल्याचं सूरज म्हणतो. याशिवाय तो आई मरिमाताकडे जाण्याची इच्छा व्यक्त करतो. तो हात जोडून देवाला प्रार्थना करतो. यानंतर अभिजीत म्हणतो "तू ट्रॉफी जिंकली तर आम्हालाही आनंद होईल... तुझी इच्छा पूर्ण होऊ दे." यानंतर सूरज म्हणतो, "जोशात खेळणार नडतो ना ह्यांना मी आता, बारीक आहे पण लय बेकार आहे." आता या व्हिडिओवर अनेकजण आपल्या प्रतिक्रिया देऊन सूरजला पाठिंबा देत आहेत.

हेही वाचा :